జగిత్యాల జిల్లా కేంద్రంలో కొనసాగుతున్న ప్రైవేట్ కాలేజీల నిరవధిక బంద్

జగిత్యాల నవంబర్ 6 (ప్రజా మంటలు)
 

పెండింగ్ ఫీజు బకాయిల విడుదల చేయాలని కళ్లకు గంతలు కట్టుకొని జిల్లా కలెక్టర్ ఆవరణలో నిరసన వ్యక్తం చేసి కలెక్టర్ కార్యాలయంలో వినతి పత్రం అందజేసిన పలు ప్రైవేట్ డిగ్రీ కళాశాల అధ్యాపకులు., సిబ్బంది.,

గత 4 రోజులుగా తెలంగాణ రాష్ట్ర వ్యాప్తంగా ఉన్నత విద్యా సంస్థలు కొనసాగిస్తున్న నిరవధిక బంద్ కు మద్దతుగా జగిత్యాల జిల్లాలోని పలు ప్రైవేట్ డిగ్రీ కళాశాల అధ్యాపకులు మరియు సిబ్బంది కళ్ళకు గంతలు కట్టుకొని వినూత్న రీతిలో నిరసన తెలియజేసి కలెక్టరేట్ లో అధికారులకి వినతి పత్రం అందజేశారు. 

ఈ సందర్భంగా వారు మాట్లాడుతూ గత 4 సంవత్సరాలుగా రాష్ట్రంలో ఉన్నత విద్యకు సంబంధించి ఫీజు రియంబర్స్మెంట్ బకాయిలు చెల్లించకపోవడం ద్వారా ఉన్నత విద్య కుంటు పడే అవకాశం ఉందని, కళాశాల నిర్వహణ యజమానులకు భారంగా మారి, సిబ్బందికి వేతనాలు చెల్లించలేని పరిస్థితిలో ఉన్నారని ఆవేదన వ్యక్తం చేశారు .

ప్రభుత్వం ఇప్పటికైనా కళ్లు తెరిచి పెండింగ్ బకాయిలను విడుదల చేయాలని కోరినారు. సిబ్బంది అంతా కళ్ళకు గంతలు కట్టుకొని కలెక్టర్ కార్యాలయం ప్రధాన ద్వారం వద్ద నిరసన తెలియజేసి కార్యాలయ ఏవో కి వినతి పత్రం అందించారు. 

ఈ కార్యక్రమంలో రామకృష్ణ డిగ్రీ కళాశాల డైరెక్టర్ పల్లెర్ల నరేష్, ప్రిన్సిపల్ కొక్కుల రాజేందర్, ఎన్ ఎస్ వి డిగ్రీ కళాశాల ప్రిన్సిపల్ గోప మునీందర్ రెడ్డి, మల్లికార్జున్, నలంద డిగ్రీ కళాశాల వైస్ ప్రిన్సిపల్ బి సురేష్ మరియు సుమారు 200 మంది అధ్యాపకులు సిబ్బంది పాల్గొన్నారు.