సామాజిక న్యాయం రచనల్లో ప్రతిబింబించాలి. పూర్వ బి.సి.కమీషన్ చైర్మన్ బి.ఎస్.రాములు.

హైదరాబాద్ అక్టోబర్ 27:

యువరచయితలు ,కవులు,కవయిత్రులు సామాజిక న్యాయం కోసం సాహిత్యాన్ని సృష్టించాలని పూర్వ బి.సి.కమీషన్ చైర్మన్ బి.ఎస్.రాములు పిలుపునిచ్చారు.తాను దేశమంతా పర్యటించి ప్రత్యామ్నాయ సాహిత్య సృష్టితో ప్రజా ఉద్యమాలను నిర్మించానని తెలిపారు.దళిత బహుజనులు చైతన్యవంతులై రాజ్యాధికారం చేపట్టిన నాడే సామాజిక న్యాయం సాధ్యపడుతుందని అభిప్రాయపడ్డారు.హైదరాబాద్ సుందరయ్య విజ్ఞాన కేంద్రంలో భారతీయ సాహిత్యం అనువాద ఫౌండేషన్ సౌజన్యంతో విమలా సాహిత్య అకాడమీ ఆధ్వర్యంలో ప్రముఖ కవి డా.బిక్కి కృష్ణ అధ్యక్షతన రెండు పుస్తకాల ఆవిష్కరణల సభ జరిగింది.ఈ సందర్భంగా బి.ఎస్.రాములు రాసిన "అఖిల భారత పర్యటన,మామిడి పెల్లి ఇంద్రాణి రాసిన"ఇంద్ర-కమలం" పుస్తకాలను బైస్ దేవదాస్,బి.ఎస్.రాములు  ఆవిష్కరించారు.ఇంద్రాణి చిన్న వయసులోనే అద్భుత కవిత్వం రాశారని అతిథులు కొనియాడారు.

సరళమైన భాషలో,వస్తువైవిధ్యంతో సరికొత్త అభివ్యక్తి తో ఇంద్రాణి అద్భుత కవిత్వం రాశారని వక్తలు కొనియాడారు. ఈ కార్య క్రమంలో ముఖ్య అతిథులుగా సాహితీవేత్తలు సంగిశెట్టి శ్రీనివాస్,డా.జెల్ది విద్యాధర్,నారగోని,బైస దేవదాస్,డా.అనంతపద్మనాభరావు ,మువ్వా శ్రీనివాసరావు ,కవయిత్రులు జ్వలిత,జాజుల గౌరి,డా.రాధా కుసుమ, తదితరులు పాల్గొని ప్రసంగించారు.బి.ఎస్.రాములు ఎందరో దళిత బహుజన  యువతీ యువకులను కవులుగా,కథారచయితలుగా  తీర్చి దిద్దిన ప్రత్యామ్నాయ సాహిత్యోద్యమ నిర్మాతగా,బహుజన తాత్విక సిద్ధాంత కర్తగా  అతిథులు అభివర్ణించారు.

యువ కవయిత్రి ఇంద్రాణి "ఇంద్ర కమలం" కవితా సంపుటిలో అనేక అంశాలపై,అధునాతన ప్రతీకలతో సహజ భావోద్వేగాలతో అద్భుత కవిత్వం పండించార న్నారు.బి.ఎస్.రాములు,మరెందరో సహకారం వల్లనే తాను కవయిత్రిగా వెలుగులోకొచ్చానని,తన కుటుంబసభ్యులు సహకారం వల్లనే కవయిత్రిగా మారానని తెలిపారు.ఈ సందర్భంగా అతిథులతో పాటు గ్రంథ రచయితలను ఘనంగా సన్మానించారు.