సెల్ఫీ దిగుతుండగా కాలుజారి నాగార్జునసాగర్ కాలువలో పడ్డ మహిళ శ్రమించి కాపాడిన స్థానికులు.

By ch v prabhakar rao

On 30 Aug 2024 16:59:36

సెల్ఫీ దిగుతుండగా కాలుజారి నాగార్జునసాగర్ కాలువలో పడ్డ మహిళ శ్రమించి కాపాడిన స్థానికులు.

నల్గొండ ఆగష్టు 30 :

ఓ మహిళ సెల్ఫీ దిగుతుండగా ప్రమాదవశాత్తు కాలుజారి కాలువలో పడింది ఓ మహిళ. వెంటనే స్థానికులు స్పందించి ఆ మహిళను శ్రమించి ప్రాణాలతో కాపాడారు.

ఈ ఘటన నల్గొండ జిల్లా వేములపల్లి మండలం కేంద్రంలోని ఎడమ కాలువ వద్ద చోటుచేసుకుంది. హైదరాబాద్ నుంచి మిర్యాలగూడ వైపు వెళ్తున్న ఓ ఫ్యామిలీ సరదగా చుద్దామని.. నాగార్జునసాగర్ ఎడమ కాలువ వద్దకు వెళ్లారు. అయితే అక్కడ తన భర్త, తమ్ముడు, కూతురు తో కలిసి సెల్ఫీ దిగుతుండగా ప్రమాదవశాత్తు మహిళ కాలు జారి కాలువలో పడింది.

వెంటనే గమనించిన స్థానికులు తాళ్ల సాయంతో ఆ మహిళను కాపాడారు. ఆమెను కాపాడేందుకు దాదాపుగా 40 నిమిషాల పాటు కష్టపడ్డారు., మహిళను ప్రాణాలతో బయట పడటంతో కుటుంబ సభ్యులు, స్థానికులు ఊపిరి పిల్చుకున్నారు. కాగా సెల్ఫీ దిగుతుండగా ప్రమాదవశాత్తు కాలుజారి చాలా మంది తమ ప్రాణాలను పోగోట్టుకున్న సంగతి తెలిసిందే.