ఇక కాంగ్రెస్ కు రామ్ రామ్  కారు ఎక్కనున్న  మాజీ మంత్రి జీవన్ రెడ్డి

 ?
జగిత్యాల మార్చి 16 ( ప్రజా మంటలు) 
మాజీ మంత్రి జీవన్ రెడ్డి త్వరలో కాంగ్రెస్ పార్టీకి రామ్ రామ్ చెప్పనున్నట్లు ప్రజల్లో చర్చలు జరుగుతున్నాయి.

సుదీర్ఘకాలం కాంగ్రెస్ పార్టీలో కొనసాగిన మాజీ మంత్రి జీవన్ రెడ్డి ఎన్నో ఉత్తాన పతనాలను ఎదుర్కొని మొక్కవోని ధైర్యంతో కాంగ్రెస్ పార్టీలో కొనసాగారు. కాంగ్రెస్ పార్టీ తిరిగి అధికారంలోకి రావడం జగిత్యాలలో జీవన్ రెడ్డి ఓడిపోవడంతో పాటు గతంలో ఆయన రాజకీయ ప్రస్థానంలో ఎన్నో ఆటుపోట్లు ఎదుర్కొన్నప్పటికీ టిఆర్ఎస్ పార్టీ నుండి గెలిచిన డాక్టర్ సంజయ్ కుమార్ నియోజకవర్గ అభివృద్ధి లక్ష్యంగా ముఖ్యమంత్రితో కలిసి పని చేస్తున్నానని తెలుపుతూ కాంగ్రెస్ పార్టీలో జీవన్ రెడ్డికి ఓ సవాలుగా మిగిలారు.

వీటిని అన్నిటిని దిగమింగుకొని జీవన్ రెడ్డి తనను నమ్ముకున్న పార్టీ కార్యకర్తల కోసం కాంగ్రెస్ పార్టీలోనే కొనసాగారు. ఇటీవల జరిగిన పరిణామాలు పార్టీ అధిష్టానం ఆయనకు సముచిత స్థానం కల్పించకపోవడంతో కార్యకర్తలు విసిగిపోయిన నేపథ్యంలో తాను పార్టీ మారడానికి వ్యూహం ఖరారు చేసుకున్నట్లు తెలుస్తుంది.

కాగా సోమవారం సాయంత్రం జీవన్ రెడ్డి అనుచరులు కార్యకర్తలు మంత్రులతో జీవన్ రెడ్డి ఉన్న ఫ్లెక్సీలను తొలగించి వాటి స్థానంలో నూతనంగా ఉగాది, హనుమజ్జయంతి, శ్రీరామనవమి శుభాకాంక్షలు తెలియజేస్తూ కేవలం జీవన్ రెడ్డి ఉన్న ఫోటోలు మాత్రమే ఫ్లెక్సీల పై ఉంచి నూతనంగా ఫ్లెక్సీలు ఏర్పాటు చేశారు. అంతేకాకుండా ఫ్లెక్సీ పై శ్రీరామచంద్రుని పరివారంతో ఫోటోలు ఏర్పాటు చేయడం ప్రజల్లో ఉత్కంఠ నెలకొంది. ఈనెల 24 25 తేదీల్లో జీవన్ రెడ్డి కారు ఎక్క నున్నారు అన్న ఊహాగానాలు ఊపు అందుకున్నాయి. బహుశా  మున్సిపల్ ఎన్నికల  నేపథ్యంలో ఆయన పార్టీ మారుతారు అని ఊహాగానాలు బయలుదేరాయి.

కాగా మొదటి నుండి జీవన్ రెడ్డి తనను నమ్ముకున్న పార్టీ కార్యకర్తలకు సరైన న్యాయం జరగాలి జెండా మోసిన వారికే పదవులు ఇవ్వాలని కార్యకర్తల పక్షాన పలుమార్లు ఆయన మీడియా ముందు తన అభిప్రాయాన్ని వ్యక్తం చేశారు. చివరకు కాంగ్రెస్ పార్టీకి రామ్ రామ్ పలకనున్నట్లు రంగం సిద్ధం అయింది. గత *"విశ్వావసు నామ సంవత్సరము"  చివరి వరకు పార్టీకి విశ్వాసంగా ఉన్నప్పటికీ పార్టీలో ఎదురైన పరాభవాన్ని దిగమింగుకొని నూతనంగా రాబోయే *"పరాభవనామ*"  సంవత్సరంలో పార్టీ కార్యకర్తల నాయకుల అనుచరుల మనోభావాల కనుగుణంగా పార్టీ మారడం  తథ్యం అని తెలుస్తుంది.