పదో తరగతి విద్యార్థులు 100% ఉత్తీర్ణత  సాధించాలి చదువులో వెనుకబడిన విద్యార్థుల పట్ల ప్రత్యేక శ్రద్ధ వహించాలి - జిల్లా కలెక్టర్ బి. సత్యప్రసాద్

జగిత్యాల అక్టోబర్ 24(ప్రజా మంటలు)
 జిల్లాలోని పదవ తరగతి విద్యార్థులు రాష్ట్ర స్థాయిలో మెరుగైన ఫలితాలు సాధించేలా ప్రత్యేక కార్యాచరణతో ముందుకెళ్లాలని కలెక్టర్ బి.సత్యప్రసాద్ మండల విద్యాధికారులు  స్కూల్ కాంప్లెక్స్ ప్రధానోపాధ్యాయులకు సూచించారు.

 కలెక్టరేట్లోని సమావేశ మందిరంలో శుక్రవారం జిల్లా కలెక్టర్ జిల్లా, అదనపు కలెక్టర్ ( స్థానిక సంస్థల ) బి. రాజ గౌడ్, విద్యాశాఖ అధికారి కే.రాము తో కలిసి సమీక్ష సమావేశం నిర్వహించారు.

పదో తరగతి విద్యార్థులకు ప్రభుత్వం నిర్దేశించిన కార్యాచరణ ప్రణాళిక మేరకు  సాయంత్రం ప్రత్యేక తరగతులను కచ్చితంగా నిర్వహించేలా ప్రధానోపాధ్యాయులు చర్యలు తీసుకోవాలని జిల్లా కలెక్టర్ ఆదేశించారు.

స్కూల్ కాంప్లెక్స్ ప్రధానోపాధ్యాయులు, ఉపాధ్యాయులు పదో తరగతి విద్యార్థులపై ప్రత్యేక దృష్టి సారించాలన్నారు.
పది పరీక్షల్లో ఉత్తీర్ణత పెరిగేలా నాణ్యతతోకూడిన బోధన జరిగేలా చూడాలని కోరారు. 

చదువులో వెనుకబడిన విద్యార్థులకు టీచర్లు వ్యక్తిగత శ్రద్ధతో బోధించాలని సూచించారు.
 జిల్లాలో 7289 మంది విద్యార్థులు పదవ తరగతి పరీక్షలు రాయబోతున్నట్లు తెలిపారు.

 ప్రత్యేక తరగతుల నిర్వహణ, సకాలంలో సిలబస్ పూర్తి, పోషకుల సమావేశముల నిర్వహణకు కార్యాచరణ రూపొందించి అమలు చేయాలని ఆదేశించారు.
నిర్దేశిత కార్యాచరణ ప్రణాళిక అమలు చేసి ఉత్తీర్ణత పెరగడానికి మెరుగైన బోధన అందించాలని తెలిపారు.

విద్యార్థుల ఉత్తీర్ణత శాతాన్ని పెంచడానికి ఉపాధ్యాయులు తీసుకుంటున్న చర్యల గురించి అడిగి తెలుసుకున్నారు.

ఈ సమావేశంలో పాఠశాలలో నిర్వహించే కార్యక్రమాలన్నింటినీ విజయవంతంగా, శ్రద్ధతో ,బాధ్యతగా అమలు చేయాలని ఎటువంటి విషయాల్లో నిర్లక్ష్యం వహించరాదని ఏదైనా  సహకారం ఉంటే తప్పనిసరిగా జిల్లా స్థాయిలో డిఇఓ కి అందజేయాలని వాటిమీద మేము చర్యలు తీసుకుంటామని తెలిపారు.

 క్షేత్రస్థాయిలో స్కూల్ కాంప్లెక్స్ హెడ్మాస్టర్లు ఎంఈఓ లు ' సీ' గ్రేడ్ విద్యార్థులపై ప్రత్యేక శ్రద్ధ చూపుతూ వారి వారు ఏ అంశాలు వెనుకబడి ఉన్నారో ఆయా అంశాల ప్రకారం ప్రణాళిక తయారు చేసుకొని వాటిపై పిల్లల మీద తల్లిదండ్రులకు కూడా అవసరమైతే ప్రత్యేక సమావేశాలు నిర్వహించి వారిని కూడా పిల్లలకు ప్రోత్సాహం అందించేలా చూడాలని తెలిపారు. 

ప్రస్తుత సంవత్సరం మీ అందరికీ జీరో పర్సెంట్ ఫెయిల్యూర్ టార్గెట్ గా ఉండాలని 100% పాస్ అయ్యేలా ఏంఈవో లు, స్కూల్ కాంప్లెక్స్ హెడ్మాస్టర్ లు ప్రత్యేక బాధ్యతలు తీసుకోవాలని  తెలిపారు.

  ఎటువంటి ఇంటర్వన్షన్స్ కావాలన్నా ,బెస్ట్ మెథడ్స్ కావాలన్నా, ఎక్స్పర్ట్ టీచర్స్ కావాలన్నా   ప్రొవైడ్ చేస్తాము కాని 100% రిజల్ట్ తీసుకురవడం  అందరి బాధ్యత అని సూచించారు.

 జాతీయస్థాయిలో జిల్లా స్థానం ర్యాంకింగ్ తక్కువగా ఉందని క్షేత్రస్థాయిలో మీరు చేసే కార్యక్రమాలు తప్పనిసరిగా ఆన్లైన్లో గాని ఆప్లోడ్ గాని డాటాని అప్డేట్ చేస్తేనే  జిల్లాస్థాయి ర్యాంకింగ్ పెరుగుతుంది కాబట్టి అందరు ఎంఈఓ స్కూల్ కాంసెడ్ మాస్టర్లు సంబంధిత ప్రధానోపాధ్యాయులకు సూచించి ఆ విధంగా అప్డేట్ చేయించగలరని, మధ్యాహ్న భోజన విషయంలో గానీ, టాయిలెట్స్ విషయంలో గానీ, పాఠశాల పరిశుభ్రత అంశాలలో గాని ఎటువంటి  నిర్లక్ష్యం వహించరాదని అందుకు అందరూ బాధ్యత వహించాలని జిల్లా కలెక్టర్  ఆదేశించారు.

ఈ సమావేశంలో ఏంఈవో లు, స్కూల్ కాంప్లెక్స్ ప్రధానోపాధ్యాయులు, జిల్లా సమగ్ర శిక్ష కో - ఆర్డినేటర్ లు, ఏపివో లు సంబంధిత అధికారులు  పాల్గొన్నారు.