పుట్టిన ప్రతి మనిషికి మరణం తప్పదు - ఎక్కడ లేకున్నా స్మశాన వాటికల్లో కనీస సౌకర్యాలు అవసరం

సికింద్రాబాద్, అక్టోబర్ 31 (ప్రజా మంటలు ): 

పుట్టిన ప్రతి మనిషికి మరణం తప్పదని, మరణించిన మనిషికి మరణించిన మనిషికి సాంప్రదాయ బద్దంగా  అంతిమ వీడ్కోలు పలికే ప్రదేశమే స్మశానవాటిక (గ్రేవ్ యార్డ్) అని మాజీమంత్రి, సనత్ నగర్ ఎమ్మెల్యే తలసాని శ్రీనివాస్ యాదవ్ అన్నారు.

శుక్రవారం బన్సీలాల్ పేట లోని బోయగూడ లో గల క్రిస్టియన్ గ్రేవ్ యార్డ్ లో నవంబర్ 2 వ తేదీన నిర్వహించే ఆల్ సోల్స్ డే ఏర్పాట్లను ఆయన పరిశీలించారు. ఈ సందర్భంగా ఆయన మాట్లాడుతూ మరణించిన తమ కుటుంబ సభ్యులు, ఆత్మీయులు, బంధువుల అంత్యక్రియల కోసం స్మశాన వాటికలకు వచ్చే వారు ఎలాంటి అసౌకర్యానికి, ఇబ్బందులకు గురికాకుండా సనత్ నగర్ నియోజకవర్గ పరిధిలోని అన్ని మతాలకు చెందిన గ్రేవ్ యార్డ్ లలో కనీస సౌకర్యాలు, వసతులను కల్పిస్తూ అభివృద్ధి కి కృషి చేస్తున్నట్లు చెప్పారు. అంతిమ వీడ్కోలు పలికేందుకు వచ్చే వారు సైతం ఎలాంటి ఇబ్బందులకు గురికావద్దనేది తన ఆలోచనగా చెప్పారు. బోయగూడ గ్రేవ్ యార్డ్ అభివృద్ధి కోసం తన నియోజకవర్గ అభివృద్ధి నిధుల నుండి కోటి రూపాయలు మంజూరు చేసిన విషయాన్ని ఈ సందర్భంగా గుర్తు చేశారు.

ఈ నిధులతో కాంపౌండ్ వాల్, VDCC రోడ్డు నిర్మాణం, లైట్ ల ఏర్పాటు వంటి అభివృద్ధి పనులు చేపట్టినట్లు వివరించారు. నవంబర్ 2 న ఆల్ సోల్స్ డే సందర్భంగా బోయగూడ గ్రేవ్ యార్డ్ లో అన్ని ఏర్పాట్లను చేస్తున్నట్లు వెల్లడించారు. అదేవిధంగా ప్రార్థనల నిమిత్తం వచ్చే వారికి ప్రతి సంవత్సరం మాదిరిగానే ఈ సంవత్సరం వాటర్ బాటిల్స్, బిస్కెట్స్, ఫ్రూట్ జ్యూస్ లను అందుబాటులో ఉంచనున్నట్లు తెలిపారు. ముందుగా కమిటీ సభ్యులు ఎమ్మెల్యే తలసాని శ్రీనివాస్ యాదవ్ ను సన్మానించారు. పాస్టర్ లు ప్రత్యేక ప్రార్థనలు చేసి ఆశీర్వచనం చేశారు.

ఎమ్మెల్యే వెంట కార్పొరేటర్ కుర్మ హేమలత, పద్మారావు నగర్ బిఆర్ఎస్ పార్టీ ఇంచార్జి గుర్రం పవన్ కుమార్ గౌడ్, డివిజన్ అధ్యక్షుడు వెంకటేషన్ రాజు, పాదర్ లు ఆరోగ్యం జయరాజ్,  గ్రేవ్ యార్డ్ ప్రతినిధులు జయరాజ్, జ్యుట్ పాల్, నాయకులు ఏసూరి మహేష్, లక్ష్మీపతి, శ్రీకాంత్ రెడ్డి, రమణ, క్రిస్టియన్ మైనార్టీ నాయకులు శామ్యూల్, ప్రశాంత్, విజయ్ ఉన్నారు.
---