ఎమ్మెల్సీ జీవన్ రెడ్డి తన పదవికి రాజీనామా? హైదారాబాద్ లో చర్చలు -సంప్రదింపులు

ఎమ్మెల్సీ జీవన్ రెడ్డి తన పదవికి రాజీనామా?హైదారాబాద్ లో చర్చలు -సంప్రదింపులు

హైదారాబాద్ జూన్ 25 :

ఎమ్మెల్సీ జీవన్ రెడ్డి ఈరోజు తన పదవికి రాజీనామా చేయనున్నట్లు తెలుస్తోంది.

 ఎమ్మెల్సీ జీవన్ రెడ్డి తన సన్నిహితులతో కలిసి, బేగంపేట్ లోని స్వగృహంలో సంప్రదింపులు జరుపుతున్నట్లు,మధ్యాహ్నం అసెంబ్లీకి వచ్చి అసెంబ్లీ సెక్రటరీకి జీవన్ రెడ్డ తన రాజీనామా లేఖ ఇవ్వనున్నట్లు ప్రచారం జరుగుతుంది 

జగిత్యాల ఎమ్మెల్యే డాక్టర్ సంజయ్ కుమార్ కాంగ్రెస్‌లో చేరడాన్ని జిల్లా ఎమ్మెల్సీ జీవన్ రెడ్డి.. ససేమిరా ఒప్పుకోవడం లేదు. పార్టీలో తానో.. అతనో.. అనే విధంగా వ్యవహారం మాట్లాడుతున్నాడని, నిన్నటి శ్రీధర్ బాబు, ఇతర ఎమ్మేల్యేలు జరిపిన సంప్రదింపులు ఒక కొలిక్కిరాలేదు. . 

 నిన్న మంత్రి శ్రీధర్ బాబు బుజ్జగింపు లకు ప్రయత్నించినా, జీవన్ రెడ్డి వెనక్కి తగ్గలేదు. తాజాగా జీవన్ రెడ్డి కీలక నిర్ణయం తీసుకున్నట్టు తెలుస్తుంది.

తనకు సమాచారం అందించకుండా, జగిత్యాల ఎమ్మెల్యే సంజయ్ ను పార్టీలో చేర్చుకోవడాన్ని జీవన్ రెడ్డి తీవ్రంగా తప్పుబడుతున్నారు. 

 కాంగ్రెస్ వ్యవహారాల ఇంచార్జ్ దీపాదాస్ మున్షీతో చర్చలు జరిపేందుకు ఆయన హైదరాబాద్ చేరుకున్నా, దీపామున్షి అందుబాటులో లేకపోవడంతో,
గాంధీభవన్‌ లో నిరసన తెలియజేయడానికి వచ్చిన కాంగ్రెస్ నాయకులు,కార్యకర్తలు ఇప్పుడు హైదరాబ్ లోని జీవన్ రెడ్డి ఇంటి వద్ద గుమికూడారు.

పార్టీ కోసం ఇంతకాలం కష్టపడి పనిచేశానని,కార్యకర్తల మనోభావాలను గౌరవించాల్సిన బాధ్యత తనపై ఉందని, ఈనేపథ్యపం లోనే జీవన్ రెడ్డి రాజీనామా చేసే యోచనలో ఉన్నట్టు తెలుస్తుంది..