సేవా సంకల్ప అభియాన్ లో చింతకుంట చెరువు శుభ్రం

జగిత్యాల, అక్టోబర్ 3( ప్రజా మంటలు)
 ‘సేవా సంకల్ప అభియాన్ లో భాగంగా బీజేపీ ఎస్సీ మోర్చా జిల్లా అధ్యక్షులు నారపాక అశోక్ ఆధ్వర్యం లో జగిత్యాల చింతకుంట చెరువు వద్ద స్వచ్ఛ భారత్ కార్యక్రమo నిర్వహించారు.
బీజేపీ జిల్లా అధ్యక్షులు రాచకొండ యాదగిరి బాబు, నియోజక వర్గ ఇంచార్జి డాక్టర్ భోగ శ్రావణి, బీజేపీ రాష్ట్ర కార్యవర్గ సభ్యులు డాక్టర్ వై. అనూప్ రావు, పూదరి అరుణ హాజర య్యారు. నాయకులు, కార్యకర్తలు చింతకుంట చెరువు పరిసరాలను శుభ్రం చేసి,చెత్తాచెదారo తొలగించి స్వచ్ఛతపై ప్రజలకవగాహన కల్పించారు.

ఈ సందర్భంగా నాయకులు మాట్లాడుతూ స్వచ్ఛత అనేది కేవలం ప్రభుత్వ బాధ్యత కాదని, ప్రతి పౌరుడి సామాజిక బాధ్యత అని పేర్కొన్నారు. పరిశుభ్రమైన పరిసరాలు ప్రజల ఆరోగ్యానికి ఎంతో ముఖ్యమని, ప్రతి ఒక్కరూ తమ ఇల్లు, వీధి, గ్రామం, పట్టణం పరిసరాలను పరిశుభ్రంగా ఉంచే బాధ్యత తీసుకోవాలని సూచించారు.

ప్రధాన మోదీ స్వచ్ఛతను ప్రజా ఉద్యమంగా మార్చే లక్ష్యంతో ప్రారంభించిన స్వచ్ఛ భారత్ స్ఫూర్తితో దేశవ్యాప్తంగా ప్రజల్లో పరిశుభ్రతపై అవగాహన పెరిగిందని తెలిపారు. స్వచ్ఛత కార్యక్రమాలు కేవలం ఒకరోజుకే పరిమితం కాకుండా నిరంతర ప్రక్రియగా కొనసాగాలన్నారు. చెత్త రహిత పరిసరాలు, పరిశుభ్ర నీరు ఆరోగ్యకర వాతావరణ ప్రజల జీవన ప్రమాణాలను మెరుగుపరచడంలో కీలక పాత్ర పోషిస్తాయన్నారు. చెరువులు, కాలువలు, పార్కులు, రహదారులు, ప్రజా ప్రదేశాల్లో చెత్త వేయక ప్రతి ఒక్కరూ బాధ్యతగా వ్యవహరించాలని కోరారు.
పరిసరాల పరిశుభ్రత లోపించడం వల్ల దోమలు, ఈగలు వృద్ధి చెంది వివిధ అనారోగ్య సమస్యలకు కారణమయ్యే అవకాశం ఉందని, పరిసరాలను పరిశుభ్రంగా ఉంచడం ప్రజారోగ్యాన్ని కాపాడుకో వచ్చన్నారు.

“స్వచ్ఛతే ఆరోగ్యానికి తొలి మెట్టు” అనే సందేశాన్ని ప్రతి ఇంటికి తీసుకెళ్లాల్సిన అవసరం ఉందని, స్వచ్ఛత చురుకుగా పాల్గొని సమాజానికి ఆదర్శంగా నిలవాలన్నారు. ప్రజలు తమ పరిసరాలను పరిశుభ్రంగా ఉంచడంతో పాటు ఇతరులకు కూడా స్వచ్ఛతపై అవగాహన కల్పించాలని సూచించారు.

మున్సిపల్ పారిశుద్ధ్య కార్మికులకు సన్మానం

స్వచ్ఛ భారత్ లో భాగంగా ప్రతిరోజూ పట్టణాన్ని పరిశుభ్రంగా ఉంచేందుకు కృషి చేస్తున్న మున్సిపల్ పారిశుద్ధ్య కార్మికులను  ఘనంగా సన్మానించారు. వారి సేవలు అభినందిస్తూ, సమాజ ఆరోగ్యం,పరిశుభ్రత కోసం అందిస్తున్న సేవలు విలువైనవని నాయకులు పేర్కొన్నారు. మున్సిపల్ మహిళా పారిశుద్ధ్య కార్మికులకు చీరలు,దుస్తులు అందజేసి గౌరవాన్ని చాటు కున్నారు. ప్రజల ఆరోగ్యం, పరిశుభ్రత కోసం నిరంతరం శ్రమిస్తున్న కార్మికులన్నారు.
“స్వచ్ఛ భారత్ – ఆరోగ్య భారత్, పరిశుభ్రమైన జగిత్యాల – ఆరోగ్యకరమైన జగిత్యాల” అనే లక్ష్యంతో ప్రతిఒక్కరూ భాగస్వాములు కావాలని పిలుపునిచ్చారు. ప్రజల భాగస్వామ్యంతోనే పరిశుభ్రమైన, ఆరోగ్య కరమైన, పచ్చదనంతో కూడిన సమాజాన్ని నిర్మించగలమన్నారు. ఈ కార్ ద్వారా స్వచ్ఛతపై ప్రజా ఆరోగ్య పరిరక్షణ, సామాజిక బాధ్యతని అంశాలపై ప్రజల్లో చైతన్యం తీసుకురావడానికి కృషి చేశారు. ఈ కార్యక్రమం లో జిల్లా ప్రధాన కార్యదర్శిగా వడ్డేపల్లి శ్రీనివాస్,మున్సిపల్ బీజేపీ ఫ్లోర్ లీడర్ వేముల శ్రీనివాస్, పట్టణ అధ్యక్షులు కాశెట్టి తిరుపతి, కౌన్సిలర్లు సిరిపురం లత శ్రీనివాస్, నిమ్మల నాగరాజు, గట్టపల్లి మానస జ్ఞానేశ్వర్, ఎస్సీ మోర్చా రాష్ట్ర ప్రధాన కార్యదర్శి ఓరుగంటి చంద్రశేఖర్, జిల్లా కన్వీనర్ డాక్టర్ పుప్పాల శ్రీనివాస్, జిల్లా కార్యదర్శి పాత రమేష్ ఆఫీస్ కార్యదర్శి జుంబర్తి దివాకర్, ఓబీసీ మోర్చా రాష్ట్ర కార్యవర్గ సభ్యులు మర్రిపల్లి సత్యం, మహిళా మోర్చా జిల్లా అధ్యక్షురాలు దురిశెట్టి మమత, బీజేపీ సీనియర్ నాయకులు సింగం పద్మ, కస్తూరి సత్యం, గుంటుక సదాశివ్, మంచే రాజేష్, ఆముద రాజు, పవన్ సింగ్, గంగరాజం, ఇట్యాల రాము, గదాస్ రాజేందర్, రవితేజ, మధురిమా, నారాయణ, శివ, లింగారెడ్డి, లావణ్య, భాగ్య శ్రీ, అంజలి, మానస, ఎస్సీ మోర్చా జిల్లా నేతలు బన్న సంజీవ్,సట్టా రవిరాజ్, కొండ యుగంధర్, కొత్తూరి అంజి, నక్క జీవన్, దుబ్బ శ్రవణ్ కుమార్, బొల్లం అజయ్ కుమార్, కంటే భూమేష్, బండ వంశీ కుమార్, సుద్దాల విజయ్, చందోలి హరికిరణ్ తదితర బీజేపీ నాయకులు, ఎస్సీ మోర్చా నాయకులు, వివిధ మోర్చాల ప్రతినిధులు, పార్టీ కార్యకర్తలు, యువత తదితరులు పాల్గొన్నారు.