ఎన్నికల వాగ్దానాలు పూర్తి చేయాలని అదనపు కలెక్టర్కు బీసీ నాయకులు వినతి

జగిత్యాల మే 7(ప్రజా మంటలు)
జిల్లా కేంద్రం కలెక్టర్ కార్యాలయం లో అదనపు కలెక్టర్ జి. రాజగౌడ్ కి వినతి పత్రం అందజేసిన బీసీ నాయకులు.

రాష్ట్ర ప్రభుత్వం ఎన్నికల వాగ్దానములో ఇచ్చిన హామీ ప్రకారము 2 లక్షల ఉద్యోగాలను వెంటనే భర్తీ చేయాలి. పెండింగ్ స్కాలర్ షిప్లను విడుదల చేయాలి.

బీసీ రాష్ట్ర కార్యదర్శి ముసిపట్ల లక్ష్మి నారాయణ. మాట్లాడుతూ 

కాంగ్రెస్ ప్రభుత్వం తెలంగాణ రాష్ట్రంలో అధికారంలోనికి రావడానికి నిరుద్యోగుల ఓట్లే ప్రధాన కారణం. గత ప్రభుత్వం నిరుద్యోగలను నిర్లక్ష్యం చేసినందున వారి యొక్క ఆగ్రహానికి గురియై ఓటమి పాలు అయినారు. రేవంత్ రెడ్డి  రాహుల్ గాంధీ    ప్రతి ఎన్నికల ప్రచారంలో ఉద్యోగాలు భర్తీ చేస్తామని విస్తృతంగా ప్రచారం చేసి నిరుద్యోగుల నమ్మించినారు. కానీ, అధికారంలోకి వచ్చి రెండున్నర (2 1/2)సంవత్సరాల తర్వాత కూడా నిరుద్యోగులను పట్టించుకోకపోవడం చాలా దారుణం. రాష్ట్ర ప్రభుత్వం అధికారంలోకి వచ్చిన తర్వాత 69 వేల ఉద్యోగాలు మాత్రమే భర్తీ చేసినారు. ఇంకా వివిధ శాఖలో భారీ ఎత్తున ఖాళీలు ఉన్నాయి. రిటైర్మెంట్ వలన, ప్రమోషన్ల వలన ఏర్పడిన ఖాళీలు భర్తీ చేయలేదన్నారు. 

టీచర్ పోస్టులు భర్తీ చేయకపోవడంతో పాఠశాలల్లో విద్యా ప్రమాణాలు దెబ్బతింటున్నాయి. యూనివర్సిటీల్లో ప్రొఫెసర్, లెక్చరర్ల పోస్టులు 80% ఖాళీగా ఉన్నాయి. కావున రాష్ట్రవ్యాప్తంగా అన్ని ప్రభుత్వ శాఖల్లో ఖాళీగా ఉన్న ఉద్యోగాలను వెంటనే భర్తీ చేయాలి, 12000 కోట్ల బీసీ స్కాలర్షిప్ లను విడుదల చేయాలి.లేనిచో రాష్ట్ర వ్యాప్తంగా ఉద్యమిస్తామని  హెచ్చరిస్తూ తెలంగాణ బీసీ రాష్ట్ర కార్యదర్శి ముసిపట్ల లక్ష్మి నారాయణ గారు, తెలంగాణ రాష్ట్ర వంజరి సంఘం జాయింట్ సెక్రటరీ ఆరె శంకర్ రాష్ట్ర బీసీ నాయకులు వెన్న మహేష్, జిల్లా బీసీ సంఘం ఉపాధ్యక్షులు గుంటి గంగారాం,కాసారపు  సతీష్ గౌడ్, బందెల మల్లయ్య,  సాల్వేర్ రాజేశం, పిండేరు శ్రవణ్ కుమార్, పాపాన్క శ్రీనివాస్ తదితరులు పాల్గొన్నారు.