విద్యారంగం బలోపేతానికి ప్రజా ప్రభుత్వం కృషి  — టీఆర్టీఎఫ్ విద్యా సదస్సులో ఐటీ శాఖ మంత్రి దుద్దిళ్ల శ్రీధర్ బాబు

హైదరాబాద్ డిసెంబర్ 21 (ప్రజా మంటలు):

 విద్యారంగం బలోపేతానికి రాష్ట్ర ప్రభుత్వం కృత నిశ్చయంతో ఉందని రాష్ట్ర ఐటీ పరిశ్రమల శాఖామాత్యులు దుద్దిళ్ల శ్రీధర్ బాబు స్పష్టం చేశారు. ఆదివారం హైదరాబాద్ నాగోల్ లో తెలంగాణ రాష్ట్ర టీచర్స్ ఫెడరేషన్ (టీఆర్టీఎఫ్)  ఏర్పాటై ఎనిమిది దశాబ్దాలు పూర్తయిన సందర్భంగా సంఘం రాష్ట్ర అధ్యక్షుడు కటకం రమేశ్, ప్రధాన కార్యదర్శి మారెడ్డి అంజిరెడ్డి ఆధ్వర్యంలో 80 వసంతాల అభ్యుదయోత్సవం-విద్యా సదస్సు జరిగింది.

ఈ సదస్సుకు  ముఖ్య అతిథిగా హాజరైన మంత్రి దుద్దిళ్ల శ్రీధర్ బాబు మాట్లాడుతూ తెలంగాణ రాష్ట్ర సాధనలో ఉపాధ్యాయులు నిర్వహించిన పాత్ర ఎనలేనిదని అన్నారు.

అదే ఉద్యమ స్ఫూర్తితో ప్రభుత్వ పాఠశాలల్లో చదువుతున్న  బడుగు, బలహీనవర్గాలకు చెందిన పిల్లల కు నాణ్యమైన విద్య అందించాలని టీచర్లను కోరారు  విద్యాశాఖలో పేరుకొనిపోయిన సమస్యలను పరిష్కరించడానికి స్వయంగా ముఖ్యమంత్రే విద్యాశాఖను చూస్తున్నారని అన్నారు. ప్రజా ప్రభుత్వం అధికారం చేపట్టిన వెంటనే ముప్పై ఏడు వేల మంది టీచర్లకు బదిలీలు ఇరవై మూడు వేల మంది టీచర్లకు పదోన్నతులు కల్పించామని అన్నారు.

పదకొండు వేల టీచర్ పోస్టుల భర్తీ కోసం డీఎస్సీ నిర్వహించి రికార్డు స్థాయి టైం కేవలం నాలుగు నెలల్లోనే నియామకాలు పూర్తి చేశామని తెలిపారు. విద్యారంగంలో సమూల సంస్కరణల కోసం విద్యా కమిషన్ ఏర్పాటు చేశామని కమిషన్ అందించే నివేదికను సంపూర్ణంగా అమలు చేస్తామని అన్నారు. ఉద్యోగ, ఉపాధ్యాయ, పెన్షనర్ల ఆర్ధిక సమస్యలు పెండింగులో ఉన్నాయని వాటిని సైతం సత్వరం పరిష్కరిస్తామని పేర్కొన్నారు. 

ప్రభుత్వం ఏర్పడగానే విద్యా కమిషన్ ఏర్పాటు చేసి, రిఫార్మ్స్ కమిటీని ఏర్పాటు చేసి, విద్యావ్యవస్థలో ఉన్న లోపాలను సవరించి ఈ దేశంలోనే నాణ్యమైన విద్యను ఈ రాష్ట్రంలో అందించాలని తపన ఉన్న ప్రభుత్వం మాదని,  మీరు కూడా ఈ సదస్సు అనంతరం తీర్మానాలు చేసి మంచి సూచనలు మా కమిషనర్ కు మరియు మా యొక్క రిఫార్మ్స్ కమిటీ పెద్దలు కేశవరావు కి మీ రిపోర్టు సమర్పించాలని అది విద్యా వ్యవస్థకు చాలా ఉపయుక్త కరంగా మీ సూచనలు ఉండాలన్నారు.

*ఉపాధ్యాయులను పాఠశాలల్లో ప్రశాంతంగా ఉంచే బాధ్యత మాది. గత ప్రభుత్వ ఆర్థిక విధ్వంశాలతో కొంత ఆలస్యం అవుతుంది. సరి చేస్తాం.* 
             

  *మంత్రి పొన్నం ప్రభాకర్ వ్యాఖ్యలు* 

   మరో ముఖ్య అతిథి రాష్ట్ర బిసి రవాణా శాఖ మంత్రి పొన్నం ప్రభాకర్ మాట్లాడుతూ ఒక్కొక్కటిగా ఉపాధ్యాయ సమస్యల పరిష్కారం చేస్తూ పోతున్నామని, బదిలీ పదోన్నతుల సమస్యను పరిష్కరించామని, 317 జీవో బాధితులకు న్యాయం చివరి వరకు జరిగే వరకు ఈ ప్రభుత్వం కట్టుబడి ఉంటుందని, తరగతి గదిలో ప్రశాంతంగా ఉపాధ్యాయుడు బోధన చేసేందుకు ఈ ప్రభుత్వం కట్టుబడి ఉంటుందని పేర్కొన్నారు. మీరు గుణాత్మక మైన, నాణ్యమైన విద్య అందించడంలో  బాధ్యతాయుతంగా పని చేయండి,  

మీ బాగోగులు మీ బదిలీలు పదోన్నతులు సకాలంలో వేతనాలు వేతనాలు, బిల్లులు ఒక్కొక్కటిగా ప్రతి సమస్య పరిష్కరించి ఈ రాష్ట్ర ప్రభుత్వం ఉపాధ్యాయుల పక్షాన నిలబడుతుందని, అది మా ప్రభుత్వం బాధ్యత అని పేర్కొన్నారు. గత ప్రభుత్వంలో జరిగిన విధ్వంసం కారణంగానే ఆర్థిక సంబంధిత విషయాలలో కొంత ఆలస్యం అవుతుందని, క్రమశిక్షణగా ఒక్కొక్కటి సర్ది చేసుకుంటూ ముందుకు పోతున్నామని, త్వరలోనే మీ సమస్యలు పరిష్కరించే బాధ్యత మా ప్రభుత్వం దని అని పేర్కొన్నారు. ఉద్యోగ, ఉపాధ్యాయులకు  జీతాలు ఎప్పుడు వస్తాయో తెలియని గత పాలనకు భిన్నంగా ప్రతినెలా మొదటి తేదీన వేతనాలు చెల్లిస్తున్నామని అన్నారు. మిగతా సమస్యలు త్వరలో పరిష్కారం అవుతాయని అన్నారు. ఉపాధ్యాయులు అంకితభావంతో పనిచేసి ప్రభుత్వ పాఠశాలలను దేశంలోనే అగ్రగామిగా నిలపాలని కోరారు. 

      సాంఘిక సంక్షేమ శాఖ మంత్రివర్యులు అడ్లూరు లక్ష్మణ్ కుమార్ మాట్లాడుతూ రాష్ట్రంలో బడుగు బడిహీన వర్గాల పిల్లలకు నాణ్యమైన విద్యను అందించడమే లక్ష్యంగా రాష్ట్రంలో నూతనంగా ఇంటిగ్రేటెడ్ పాఠశాలలను సర్వ అంగులతో నిర్మిస్తున్నామని విద్యావ్యవస్థలో ఇది ఒక పెను మార్పును తీసుకొచ్చే అంశమని తెలిపారు. నా రాజకీయ జీవితంలో జిల్లా పరిషత్ చైర్మన్గా బాధ్యతలు చేపట్టిన తొలినాళ్లలో మొదటి సంతకం ఉపాధ్యాయుల పదోన్నతుల ఫైల్ పైనే జరిగిందని ఆ విధంగా ఉపాధ్యాయులతో తనకున్న అనుబంధాన్ని పేర్కొన్నారు. 

     సదస్సు ముఖ్య వక్త ఉస్మానియా విశ్వవిద్యాలయ ఆర్ట్స్ కళాశాల ప్రిన్సిపల్ ప్రొఫెసర్ కాసిం మాట్లాడుతూ ఉపాధ్యాయుల పోరాట ఫలితమే నేటి జీతాలు అన్నారు ఉపాధ్యాయులు తమ వృత్తినిబద్దత సామాజిక బాధ్యతను పెంపొందించుకోవాలని కోరారు సంక్షోభంలో ఉన్న విద్యను కాపాడే బాధ్యత కూడా ఉపాధ్యాయులైన అని తెలిపారు అక్ష రజ్ఞానం కల్పించడానికి ఒకటవ తరగతి లోనే గట్టి పునాదులు ఏర్పరచాలని దాని కొరకు భాష ఉపాధ్యాయులను ప్రాథమిక పాఠశాలలోనే నియమించాలని ప్రభుత్వాన్ని కోరారు రాష్ట్ర బడ్జెట్లో విద్యకు 20% బడ్జెట్ కేటాయించాలని డిమాండ్ చేశారు.

 ఈ విద్యా సదస్సులో ఉపాధ్యాయ ఎమ్మెల్సీ పింగళి శ్రీపాల్ రెడ్డి మాట్లాడుతూ ఉపాధ్యాయ సమస్యల పరిష్కారానికి ఇచ్చిన మాట తప్పకుండా నిలబెట్టుకుంటానని, ఇన్ సర్వీస్ టీచర్లకు టెట్టు రద్దు  నా బాధ్యతగా పేర్కొన్నారు. 

    భిన్న స్థాయిలు గల తరగతి గదిలో విద్యాబోధన అంశంపై అక్షర వనం ఫౌండేషన్ శ్రీపతి రెడ్డి, గుణాత్మక విద్య అనుకూల ప్రతికూలతలపై డాక్టర్ బిల్లి యాదయ్య , వర్తమాన కాలం ఉపాధ్యాయుల పాత్ర పై శ్రీ నిఖిలేశ్వర్  కేంద్ర సాహిత్య అకాడమీ అవార్డు గ్రహీత ప్రసంగించారు .  

పాఠశాల విద్యాశాఖ అడిషనల్ డైరెక్టర్ కందిమల్ల లింగయ్య, ఆర్జేడి వరంగల్ సత్యనారాయణ రెడ్డి  పాల్గొని ప్రసంగించారు. టిఆర్టిఎఫ్ డైరీ మరియు క్యాలెండర్లను రాష్ట్ర మంత్రులు సమావేశంలో ఆవిష్కరించారు

ఐఫియా జాతీయ అధ్యక్షులు సుధీర్ కుమార్, ప్రధాన కార్యదర్శి నాబా కుమార్ కర్మ కార్,  టిఆర్టిఎఫ్ రాష్ట్ర ప్రతినిధులు మానేటి ప్రతాపరెడ్డి, లక్కిరెడ్డి సంజీవరెడ్డి ,కావలి అశోక్ కుమార్, సుంకిశాల ప్రభాకర్ రావు, ఏపీటీఎఫ్ ప్రతినిధులు, హృదయ రాజు, చిరంజీవి, సుబ్బారెడ్డి,  టి  ఆర్ టి ఎఫ్ ప్రతినిధులు ఎల్లాల లక్ష్మారెడ్డి, ముప్పిడి మల్లయ్య, సత్యనారాయణసంఘ ప్రతినిధులు తరాల పరమేష్ యాదవ్, ప్రణీత్ కుమార్, తుంగూరి సురేష్, ధరావత్ రాములు, రవికుమార్, బేతి సాయి కృష్ణ, ద్రాక్షపు విష్ణుమూర్తి, షేక్ హబీబుర్ రెహమాన్, ఆర్ శివకుమార్, తదితరులు ప్రతినిధులతో పాటు సుమారు 3000 మంది టీఆర్టీఎఫ్ ప్రతినిధులు పాల్గొన్నారు.