కాంగ్రెస్‌ హయాంలోనే  క్రీడలకు అధిక ప్రాధాన్యత

సికింద్రాబాద్, డిసెంబర్ 21 (ప్రజామంటలు) :
 
తెలంగాణలో క్రీడలు, క్రీడాకారుల అభ్యున్నతికి సీఎం రేవంత్‌రెడ్డి నేతృత్వంలోని కాంగ్రెస్‌ ప్రభుత్వం అధిక ప్రాధాన్యత ఇస్తుందని కంటెస్టెడ్‌ ఎమ్మెల్యే, సికింద్రాబాద్‌ కాంగ్రెస్‌ ఇంఛార్జీ ఆదం సంతోష్‌కుమార్‌ అన్నారు. చిలకలగూడ జీహెచ్‌ఎంసీ పార్కులో షటిల్‌ బాడ్మింటన్‌కోర్టులను ఆయన ఆదివారం అధికారికంగా ప్రారంభించారు.

ఈసందర్భంగా ఆదం సంతోష్‌కుమార్‌ మాట్లాడుతూ.. ప్రపంచ ప్రఖ్యాత ఫుట్‌బాల్‌ దిగ్గజం లియోనెల్‌ మెస్సీని నగరానికి తీసుకువచ్చిన ఘనత సీఎం రేవంత్‌రెడ్డికే దక్కుతుందన్నారు. స్థానిక ప్రజల అవసరాలను గుర్తించి క్రీడావసతులు, సౌకర్యాలను కల్పించేందుకు,వర్ధమాన క్రీడాకారులను మరింతగా పోత్సహించేందుకు, కాంక్రిట్‌ జంగిల్‌గా మారిన నగరంలో క్రీడమైదానాల ఏర్పాటుకు తనవంతు కృషి చేస్తానని హామి ఇచ్చారు.

70 ఏళ్ల వయోవృద్ధులు మొదలుకొని చిన్నారులు, యువత, విద్యార్థులు, మహిళలు గత కొన్నేళ్లుగా చిలకలగూడ పార్కులో షటిల్‌ బాడ్మింటన్‌ ఆడుతుండగా, కొంతమంది ఓర్వలేనితనంతో అధికారులకు తప్పుడు ఫిర్యాదులు చేయడం తగదన్నారు. క్రీడల అభివృద్ధికి సంబంధిత అధికారులు తమవంతు సహాయ సహకారాలు అందించాలని కోరారు. కొంతమంది వ్యక్తులు గత ఏడాది కాలంగా ఇబ్బందులకు గురిచేస్తున్నారని విన్నవించుకున్న వెంటనే స్పందించి, అధికారులతో చర్చించి సమస్యను శాశ్వతంగా పరిష్కరించి, రెండు షటిల్‌ బాడ్మింటన్‌ కోర్టులను అందుబాటులోకి తెచ్చిన ఆదం సంతోష్‌ కుమార్‌కు స్థానిక ప్రజలతోపాటు  చిలకలగూడ పార్కు వాకర్స్‌ డెవలప్‌మెంట్‌ అండ్‌ వెల్ఫేర్‌ సొసైటీ, సికింద్రాబాద్‌ షటిల్‌ రైడర్స్‌ ప్రతినిధులు కృతజ్ఞతలు తెలిపారు.

పలువురు క్రీడకారులు ఆదం సంతోష్‌కుమార్‌కు శాలువ కప్పి ఘనంగా సన్మానించారు. కార్యక్రమంలో కాంగ్రెస్‌ నాయకులు జలంధర్‌రెడ్డి, అనీల్, శిల్పచారి, గుంటి కృష్ణ, వహిదుద్థీన్, జగదీశ్వరరావు, అమర్నాద్, రవిశంకర్, వెల్ఫేర్‌ సొసైటీ ప్రతినిధులు బాలరాజు, అనీల్‌బెన్‌హర్, రఘునందన్, రాజీవ్, ఉమాకాంత్, చంద్రశేఖర్, ఎస్‌ఎన్‌ రెడ్డి, కిరణ్, శ్రీకాంత్, రాంబాబు, మున్నాబాయ్, రమాదేవి, మేరీ, నస్రీన్, సౌజన్య, ఉషాలతోపాటు పలువురు క్రీడాకారులు, స్థానికులు పెద్దసంఖ్యలో పాల్గొన్నారు.
–