డిల్లీ హైకోర్టు తీర్పుతోనైనా బీజేపీ కి కనువిప్పు కలుగాలి... వేధింపుల రాజకీయం మానుకొని.. ప్రజా సంక్షేమంపై దృష్టి సారించాలి... ఉపాధి హామీ పథకానికి మహాత్మ గాంధీ పేరు తొలగించాలనే ప్రతిపాదన ఉపసంహరించుకోవాలి.. మాజీ మంత్రి తాటిపర్తి జీవన్ రెడ్డి..

జగిత్యాల డిసెంబర్ 18 (ప్రజా మంటలు)
ఇందిరా భవన్ నుండి తహశీల చౌరస్తా వరకు కాంగ్రెస్ నాయకులూ,కార్యకర్తల ర్యాలీ నిర్వహించారు.

కేంద్ర ప్రభుత్వ విధానాలను నిరసిస్తూ నినాదాలు చేశారు 

తహసిల్ చౌరస్తాలో కాంగ్రెస్ శ్రేణుల బైఠాయించారు 

నేషనల్ హెరాల్డ్ పత్రిక కేసులో దశాబ్ద కాలంగా బీజేపీ ప్రభుత్వం కుట్ర పూరిత రాజకీయాలతో ఈడీ దాడులతో సోనియా గాంధీ, రాహుల్ గాంధీని వేధిస్తోందని,డిల్లీ హై కోర్టు తీర్పు బీజేపీ ప్రభుత్వానికి చెంప పెట్టు అని మాజీ మంత్రి జీవన్ రెడ్డి అన్నారు.

జగిత్యాల జిల్లా కాంగ్రెస్ కమిటీ అధ్యక్షుడు గాజంగి నందయ్య అధ్యక్షతన
కాంగ్రెస్ నాయకులు, యూత్ కాంగ్రెస్ నాయకులు, కార్యకర్తలు
కేంద్ర ప్రభుత్వ వైఖరిని నిరసిస్తూ ధర్నా చేపట్టారు.

నేషనల్ హెరాల్డ్ కేసులో కేంద్ర ప్రభుత్వ కుట్ర పూరిత రాజకీయాలతో వేధించిన బీజేపీకి వ్యతిరేకంగా జగిత్యాల జిల్లా కేంద్రంలోని ఇందిరా భవన్ నుండి
జిల్లా కాంగ్రెస్ పార్టీ నాయకులు, పట్టణ కాంగ్రెస్ నాయకులు , మహిళా కాంగ్రెస్ నాయకులు , అనుబంధ సంఘాల సభ్యులు నాయకులు కాంగ్రెస్ పార్టీ జెండాలు పట్టుకొని, కేంద్ర ప్రభుత్వానికి వ్యతిరేకంగా నినాదాలు చేస్తూ స్థానిక తహసీల్ చౌరస్తా వరకు ర్యాలీ నిర్వహించి, రోడ్డు పై బైఠాయించి, నిరసన వ్యక్తం చేశారు.

మాజీ మంత్రి జీవన్ రెడ్డి మాట్లాడుతూ...

నేషనల్ హెరాల్డ్ పత్రికను 
చట్టబద్ధంగా యంగ్ ఇండియా లింటెడ్ అప్పగిస్తే, అవినీతి జరిగిందంటూ దశాబ్ద కాలానికి పైగా సోనియా, గాంధీ, రాహుల్ గాంధీని ఈ డీ కేసులతో వేధించింది.

డిల్లీ హై కోర్టు తీర్పుతో సోనియా గాంధీ, రాహుల్ గాంధీ నిజాయితీ మరోసారి రుజువు అయిందన్నారు.

 ఏవిధమైన ఆధారాలు లేకుండా దేశ స్వాతంత్ర్యం కోసం త్యాగం చేసిన కుటుంబాలు వేదిస్తున్నారు.

డిల్లీ హై కోర్టు లో చార్జీ షీట్ దాఖలు చేయడం బీజేపీ కుట్ర పూరిత రాజకీయాలకు నిదర్శనం.

రెండు దశాబ్దాలుగా గ్రామీణ నిరుపేదలకు ఉపాధి కల్పిస్తున్న ఉపాధి హామీ పథకాన్ని నీరుగార్చేందుకు కుట్ర చేస్తోంది.

మహాత్మ గాంధీ పేరు మీదుగా కొనసాగుతున్న ఉపాధి హమీ పథకానికి పేరు మార్చే కుట్ర చేస్తు, బీజేపీ కుట్రపూరిత రాజకీయాలు చేస్తోంది.

డిల్లీ హైకోర్టు తీర్పుతో బీజేపీ ఇకనైనా కళ్ళు తెరవాలి.

నేషనల్ హెరాల్డ్ కేసు లో కాంగ్రెసు నాయకులను  బీజేపీ వేధింపులను
ప్రజలు గమనిస్తున్నారన్నారు.

ఉపాధి హామీ పథకానికి మహాత్మ గాంధీ పేరు తొలగించే ప్రతిపాదన ఉపసంహరించుకోవాలని,
ఉపాధి హామీ పథకంలో ప్రజలకు ఉపయోగపడేవిధంగా మార్పులు చేయాలని డిమాండ్ చేశారు.

డీ సీసీ అధ్యక్షుడు గాజంగి నందయ్య మాట్లాడుతూ..

భారతీయుల స్వేచ్ఛ సమానత్వం కోసం జవహర్లాల్ నెహ్రూ నేషనల్ హెరాల్డ్ పత్రిక స్థాపించారు.

అవినీతి ఆరోపణలతో, పదేళ్లుగా బీజేపీ ప్రభుత్వం కాంగ్రెస్ నాయకులను  వేధిస్తోందనీ అన్నారు.

బీజేపీ  కుల,మత రాజకీయాలు చేస్తూ..ప్రజలను రెచ్చగొడుతూ పబ్బం గడుపుకుంటోందన్నారు 

రాహుల్ గాంధీ నీ దేశ ప్రధాన మంత్రిని చేయడమే లక్ష్యంగా ప్రతి ఒక్కరు పని చేయాలని పిలుపునిచ్చారు.