ఎన్డీఏపై నమ్మకం ఉంచిన బిహార్ ప్రజలకు ధన్యవాదాలు: ప్రధాని మోదీ

న్యూఢిల్లీ నవంబర్ 14:

బిహార్ అసెంబ్లీ ఎన్నికల్లో ఎన్డీఏ ఘన విజయంపై ప్రధాని నరేంద్ర మోదీ స్పందించారు. ప్రజలు ఎన్డీఏపై చూపిన నమ్మకాన్ని ఆయన అభినందించారు. ఈ ఎన్నికలు ప్రజాస్వామ్య బలానికి నిదర్శనమని, అభివృద్ధి పట్ల ప్రజల నిబద్ధత మరోసారి రుజువైందని అన్నారు.

బిహార్‌ తీర్పు చరిత్రాత్మకం – మోదీ

ప్రధాని మోదీ మాట్లాడుతూ, బిహార్ ప్రజలు ఎన్డీఏకి ఇచ్చిన తీర్పు చరిత్రలో నిలిచిపోతుందని అన్నారు.అతి పెద్ద విజయం సాధించామని, ఇది ప్రజల ఆశీర్వాదమని తెలిపారు.ప్రతిపక్షాల అబద్ధాలను బిహార్ ప్రజలు నమ్మలేదని అన్నారు.బిహార్ అభివృద్ధికే ప్రజలు ఓటు వేసారని పేర్కొన్నారు.“బిహార్ ప్రజలు అన్ని రికార్డులు బద్దలుకొట్టారు” అని వ్యాఖ్యానించారు.

🔹 విజయం జేపీకి అంకితం

ఈ విజయం ప్రజాస్వామ్యం కోసం పోరాడిన జయప్రకాశ్ నారాయణ్‌కు అంకితమని మోదీ తెలిపారు. ప్రజాస్వామ్యాన్ని బలపర్చే ఈ తీర్పు దేశానికి మార్గదర్శకమని అన్నారు.

🔹 ఎన్డీఏ MY ఫార్ములా: మహిళలు – యువత

మోదీ మాట్లాడుతూ,“కొంతమంది MY ఫార్ములా (ముస్లిం – యాదవులు)తో గెలవాలని అనుకున్నారు. కానీ మా MY అంటే మహిళలు – యువత. వీరే మా విజయం వెనుక బలం” అని అన్నారు.

నితీష్‌ నాయకత్వానికి ప్రజా మద్దతు

ముఖ్యమంత్రి నితీష్ కుమార్ నాయకత్వంలో ఎన్డీఏ అద్భుత విజయం సాధించిందని తెలిపారు. బిహార్ ఎదుగుదల కోసం నితీష్ చేసిన పనికి ప్రజలు మద్దతు ఇచ్చారని అన్నారు.

ఎన్నికల సంఘంపై నమ్మకం పెరిగింది

• ఎన్నికలు పూర్తిగా స్వేచ్ఛగా, ప్రశాంతంగా జరిగాయని అన్నారు.
• గతంలో బిహార్‌లో పోలింగ్ కేంద్రాల్లో గందరగోళం ఉండేదని, ఈవీఎంలను అపహరించే స్థితి ఉండేదని గుర్తుచేశారు.
• ఇప్పుడు ప్రతి ఓటరు భయంకరం లేకుండా ఓటు వేయగలిగారని అన్నారు.
• ఈ విజయం ఎన్నికల సంఘంపై ప్రజల నమ్మకం పెంచిందని పేర్కొన్నారు.

🔹 SIR (ప్రత్యేక ఓటర్ల జాబితా పరిశీలన)కు ప్రజా మద్దతు

SIR ప్రక్రియను బిహార్ ఓటర్లు అంగీకరించారని, నిజాయితీగా ఓటర్ల నమోదు జరగడంతో ప్రజాస్వామ్యం బలపడిందని మోదీ అన్నారు.

🔹 కాంగ్రెస్‌పై మోదీ విమర్శలు

కాంగ్రెస్‌పై తీవ్ర విమర్శలు చేసిన మోదీ:“ఇప్పుడున్న కాంగ్రెస్ MMCగా మారింది — ముస్లిం, మావోయిస్టు, కాంగ్రెస్” అని అన్నారు.కాంగ్రెస్ ఇతర పార్టీలను కూడా ముంచేస్తోందని ఆరోపించారు.కాంగ్రెస్‌లో మరో విభజన తప్పదని అభిప్రాయపడ్డారు.

ఇతర రాష్ట్రాల్లో కూడా ప్రభావం

• బిహార్ ఫలితాలు కేరళ, తమిళనాడు, పుదుచ్చేరి, అసోం, బెంగాల్ కార్యకర్తల్లో ఉత్సాహం నింపాయని మోదీ చెప్పారు.
• బెంగాల్‌లో “జంగిల్ రాజ్”ను ముగించాల్సిన సమయం వచ్చిందని అన్నారు.