ఛత్తీస్‌గఢ్‌ నేత అమిత్ భగేల్ వ్యాఖ్యలపై  సింధీ ప్రజల ఆగ్రహం 

సికింద్రాబాద్ లో భారీ శాంతి ర్యాలీ

సికింద్రాబాద్, నవంబర్ 09 (ప్రజా మంటలు): 

ఛత్తీస్‌గఢ్‌ జోహార్ పార్టీ నేత అమిత్ భగేల్ చేసిన వివాదాస్పద వ్యాఖ్యలు సింధీ సమాజంలో తీవ్ర ఆగ్రహాన్ని రేపాయి. భగేల్ సింధీ సమాజాన్ని "పాకిస్తానీలు"గా అభివర్ణించడం, వారి ఆరాధ్యదేవుడైన భగవాన్ ఝూలేలాల్ గురించి అవమానకర వ్యాఖ్యలు చేయడంపై సమాజం తీవ్రంగా స్పందించింది. ఈ మేరకు జంట నగరాల సింధీ సమాజ్ కమ్యూనిటీ ప్రజలు ఆదివారం సికింద్రాబాద్ సింధీ భవన్ నుంచి ప్యారడైజ్ వరకు భారీ శాంతి ర్యాలీ నిర్వహించారు.

ర్యాలీలో పాల్గొన్న సింది కమ్యూనిటీ నేతలు ఈ సందర్భంగా ప్రసంగించారు. ర్యాలీలో పలువురు అమిత్ భగాలే ప్లెక్సీని చెప్పులతో కొడుతూ నిరసన వ్యక్తం చేశారు. ఆయనకు వ్యతిరేకంగా నినాదాలు చేశారు.  

వెంటనే ప్రభుత్వం అతడిని అరెస్టు చేసి కఠినంగా శిక్షించాలని వారు డిమాండ్ చేశారు. దేశ జనాభాను బట్టి చూస్తే తాము తక్కువ శాతంగా ఉన్నప్పటికీ ట్యాక్స్ చెల్లింపులో అందరికంటే ముందు ఉన్నామని వారు పేర్కొన్నారు. దేశానికి స్వాతంత్య్రం రాకముందు  నుంచే తాము భారత దేశంలో ఉంటున్నామని,  అలాంటప్పుడు తమను పాకిస్తానీలుగా పేర్కొనడం అవివేకం అని అన్నారు  తాము ఎవరి జోలికి వెళ్ళమని, తమ వ్యవహారాలు ఏంటో తాము చూసుకుంటామని అన్నారు.తమది అంతా శాంతిని కోరుకునే సమాజం అని, సింది కమ్యూనిటీ నాయకులు పేర్కొన్నారు.

ఈ కార్యక్రమంలో సింది కమ్యూనిటీ ప్రెసిడెంట్ దీపక్ గబా,  నాయకులు సందీప్, జ్యోతి చెంచులాని, రాజా మహారాజ్, చేతన, రిచా, తదితరులు పాల్గొన్నారు.
--
-