సీనియర్ సిటిజెన్స్ జగిత్యాల జిల్లా అధ్యక్షులుగా  హరి అశోక్ కుమార్  

జగిత్యాల (రూరల్) నవంబర్ 7 (ప్రజా మంటలు):

రాష్ట్రములో  సీనియర్ సిటిజెన్స్ హక్కుల పరిరక్షణకు, సమస్యల పరిష్కారానికి సీనియర్ సిటిజెన్స్ కమిషన్ ఏర్పాటు చేయాలని  టాస్కా రాష్ట్ర అధ్యక్షులు పి. నర్సింహా రావు ప్రభుత్వాన్ని డిమాండ్ చేశారు. శుక్రవారం  జిల్లా కేంద్రం లోని సీనియర్ సిటిజెన్స్ కార్యాలయంలో  10వ జిల్లా సర్వ సభ్యుల ప్రతినిధి  మండలి సమావేశం జరిగింది.

ఈ సందర్బంగా  జిల్లా కార్యవర్గానికి ఎన్నికలు 2025-2028 కాలానికి  ఏకగ్రీవంగా ఎన్నికయిన జిల్లా కార్యనిర్వాహక కమిటీని  రాష్ట్ర అధ్యక్షులు పి. నర్సింహా రావు ప్రమాణ స్వీకారం చేయించారు.   ఎన్నికల అధికారిగా తోట గ్యానేశ్వర్, సహాయ ఎన్నికల అధికారిగా పి. సీ. హన్మంత్ రెడ్డి లు వ్యవహారించారు..వివిధ రంగాల్లో విశిష్ట సేవలు అందించిన 46 మంది  సీనియర్ సిటిజెన్లను నర్సింహా రావు చేతులమీదుగా సన్మానించారు. నూతన కమిటీ జిల్లా అధ్యక్షులుగా  హరి అశోక్ కుమార్,, ప్రధాన కార్యదర్శి గా గౌరీశెట్టి విశ్వనాథము,ఉపాధ్యక్షులు గా బొల్లం విజయ్, పూసాల  అశోక్ రావు, కోశాధికారి గా వెల్ముల ప్రకాష్ రావు, ఆర్గనైజింగ్ కార్యదర్శి గా బొబ్బటి కరుణ, సంయుక్త కార్యదర్శులుగా దిండిగాల విఠల్, ఎం. డి. యాకూబ్ ఎన్నికయ్యారు.

కార్యవర్గ సభ్యులు గా  రాజ్ గోపాల్ చారి,కే. గంగాధర్, దుబ్బెశం, స్వామి, గంగారెడ్డి,బాపురెడ్డి, నాయిని సంజీవరావ్,తదితరులు ఎన్నికయ్యారు.  ఈ కార్యక్రమం లో ముఖ్య అతిథి గా విచ్చేసిన టాస్కా రాష్ట్ర అధ్యక్షులు  నర్సింహా రావు మాట్లాడు తూ సీనియర్ సిటిజెన్స్ కోసం ప్రత్యేకంగా శాఖ ఏర్పాటు చేయాలని, ఆర్టీసీ బస్సుల్లో 50 శాతం రాయితీ ఇవ్వాలని,హెల్ప్ లైన్ ను ప్రభుత్వమే నిర్వహించాలని కోరారు.

సవరణ జీవో. 40 ని రద్దు చేయాలని, వయోదికుల  హెల్ప్ లైన్ ను ప్రభుత్వమే నిర్వహించాలని, రాష్ట్ర ప్రభుత్వం ను, రైల్వే  చార్జీల్లో రాయితీని పునరుద్దరణ చేయాలని, సవరణ బిల్లు 2019 ని పార్లమెంట్ లో ఆమోదింప చేయాలని, వయోధుకుల సంక్షేమ ముకు కేంద్రం అధిక నిధులు కేటాయించాలని తదితర 10డిమాండ్లను  పరిష్కరించాలని కేంద్ర ప్రభుత్వాన్ని కోరారు.

ఈ కార్యక్రమం లో రాష్ట్ర ప్రధాన కార్యదర్శి సత్య నారాయణ చౌదరి,కోశాది కారి తోట గ్యానేశ్వర్, రాష్ట్ర కార్యదర్శి  మాజీ మున్సిపల్ చైర్మన్ జీ. ఆర్. దేశాయ్,  ఉపాధ్యక్షులు పి. సీ. హన్మంత్ రెడ్డి,జగిత్యాల, జిల్లా అధ్యక్షులు హరి అశోక్ కుమార్, జగిత్యాల కోరుట్ల, మెట్ పల్లి డివిజన్ల, మండలాల, గ్రామాలనుండి ప్రతినిధులు  పాల్గొన్నారు.