దుర్గా సిటీ కేబుల్ స్టూడియో సందర్శించి నిమజ్జనోత్సవం  భద్రత ఏర్పాట్ల గురించి వివరించిన డిఎస్ పి రఘు చందర్ 

జగిత్యాల సెప్టెంబర్ 6 (ప్రజా మంటలు) 

జిల్లా కేంద్రంలో రెండవ రోజు శనివారం నిమజ్జనోత్సవం వేడుకలు అంగరంగ వైభవంగా కొనసాగుతున్నాయి. కాగా సాయంత్రం దుర్గ సిటీ కేబుల్ స్టూడియో నుండి ప్రత్యక్ష ప్రసారాన్ని ప్రసారం చేస్తుండగా డీఎస్పీ రఘు చందర్ దుర్గా సిటీ కేబుల్ స్టూడియో కు విచ్చేసి జిల్లా ఎస్పీ ఆదేశాలతో రెండు రోజులపాటు ఏర్పాటు చేసిన భద్రత ఏర్పాట్ల గురించి వివరించారు.

అదేవిధంగా భక్తులు ప్రశాంతంగా నిమజ్జనోత్సవం నిర్వహించడానికి భక్తులకు ఎలాంటి ఇబ్బందులు తలెత్తకుండా అన్ని ఏర్పాట్లు చేశామని సీసీ కెమెరాలు ఏర్పాటు చేశామని అవసరం మేరకు సిబ్బందిని వివిధ ప్రాంతాల్లో మోహరింపు చేయడం జరిగిందని అంతేకాకుండా జగిత్యాలలో హైదరాబాద్ తర్వాత ట్రాన్స్ జెండర్లను విధుల్లోకి తీసుకోవడం జరిగిందని తెలియజేశారు. మొదటి రోజు ప్రశాంతంగా నిమజ్జన కార్యక్రమం జరిగిందని అదేవిధంగా రెండవ రోజు కూడా ప్రశాంతంగా అన్ని శాఖల సమన్వయంతో భద్రత ఏర్పాట్లను చేసినట్లు ప్రజలు సహకరించి నిమజ్జోత్సవాన్ని భక్తిశ్రద్ధలతో జరుపు కోవాలన్నారు.

దుర్గా సిటీ కేబుల్ అధినేత మంద మల్లేశం గౌడ్ పూజా ఛానల్ అధినేత భూషణం జిల్లా జర్నలిస్ట్ యూనియన్ కార్యదర్శి బెజ్జంకి సంపూర్ణ చారి  , జిల్లా ఈసీ మెంబర్ సంబు రాజిరెడ్డి, సీనియర్ జర్నలిస్ట్ లు  బొడ్డుపెల్లి అంజయ్య , సిరిసిల్ల . రాజేంద్రశర్మ , పట్టణ పురోహితులు రుద్రాంగి గోపాలకృష్ణ ,గీత భవన్ కార్యదర్శి  పా0పాటి  రవీందర్ ,సామాజిక కార్యకర్త డా రాజగోపాల్ చారి ఉత్సవ కమిటీ కార్యదర్శి డా .వేణుగోపాల్ రెడ్డి వి హెచ్ పి జిల్లా అధ్యక్షులు బోయిని పద్మాకర్ తపస్ జిల్లా అధ్యక్షులు బోనగిరి దేవయ్య తదితరులు ఉన్నారు.