మళ్లీ ఉద్యమానికి సిద్ధమైన అన్నా హజారే — మహారాష్ట్ర ప్రభుత్వంపై తీవ్ర ఆగ్రహం

పుణె డిసెంబర్ 12 (ప్రత్యేక ప్రతినిధి):

దేశాన్ని ఒకప్పుడు కదిలించిన మహా నిరసనల నాయకుడు అన్నా హజారే… బీజేపీ ప్రభుత్వంపై పలుమార్లు కోరినా, ఆయన మళ్లీ ఉద్యమానికి దిగలేదు. కానీ ఇప్పుడు మహారాష్ట్ర ప్రభుత్వంపై దీక్ష ప్రకటించడంతో రాష్ట్ర రాజకీయాల్లో హల్చల్ ఏర్పడింది.

88 ఏళ్ల అన్నా హజారే,జనవరి 30 నుంచి స్వగ్రామం రాలేగావ్ సిద్ధిలో నిరాహార దీక్ష ప్రారంభిస్తానని స్పష్టంగా తెలిపారు.

కారణం ఒక్కటే…
ఏళ్లుగా పెండింగ్‌లో ఉన్న లోకాయుక్త చట్టాన్ని అమలు చేయడంలో ప్రభుత్వ నిర్లక్ష్యం!

అన్నా హజారే ఆగ్రహం వ్యక్తం చేస్తూ చెప్పారు:

• "ప్రజా సంక్షేమానికి కీలకమైన ఈ చట్టాన్ని ప్రభుత్వం పదేపదే హామీ ఇచ్చినా, నేటికీ అమలు చేయలేదు!"
• "మైనస్ చేయడమే తప్ప, ప్రభుత్వం ఒక్క అడుగు ముందుకు వేయలేదు."
• "ఈ దీక్ష… నా చివరి నిరసన కావొచ్చు!"

ఇది మొదటిసారి కాదు
2022లో కూడా ఇదే డిమాండ్‌తో హజారే నిరాహార దీక్ష చేశారు. అప్పటి ముఖ్యమంత్రి “అమలు చేస్తాం” అని హామీ ఇవ్వడంతో ఆయన నిరసనను విరమించారు. ఆ తర్వాత కమిటీ బిల్లు రూపొందించింది. రెండు సభలు ఆమోదించాయి. రాష్ట్రపతికి పంపారు.

అయితే…
ఇన్నాళ్లుగా చట్టం కాగితాల మీదే ఉండిపోయింది. క్షేత్రస్థాయిలో ఒక్క అడుగు కూడా ముందుకు సాగలేదు!అని హజారే తీవ్రంగా మండిపడుతూ చెప్పారు:

• "ముఖ్యమంత్రి ఫడ్నవీస్ కి ఏడు లేఖలు రాశాను. ఒక్కటి కూడా సమాధానం రాలేదు!"
• "ఎన్ని సంవత్సరాలు గడిచినా ఈ చట్టాన్ని ఎందుకు అమలు చేయడంలేదు? ప్రజల కోసం ఉన్న చట్టమే ఇలా వేలాడదీస్తున్నారు!"

అన్నా హజారే మళ్లీ రణరంగంలోకి దిగుతుండటంతో మహారాష్ట్ర రాజకీయాలు ఉత్కంఠను రేకెత్తిస్తున్నాయి.