నేను రాజకీయాల్లోకి వచ్చిన తర్వాతే జగిత్యాలకు మెడికల్ కాలేజీ: ఎమ్మెల్యే డా. సంజయ్ కుమార్

జగిత్యాల (రూరల్) డిసెంబర్ 13 (ప్రజా మంటలు):

రాజకీయాల్లోకి తాను వచ్చిన తర్వాత అప్పటి ముఖ్యమంత్రిని కోరడంతోనే జగిత్యాలకు మెడికల్ కాలేజీ మంజూరైందని ఎమ్మెల్యే డా. సంజయ్ కుమార్ తెలిపారు. రాష్ట్రంలో ఆరు మెడికల్ కాలేజీలు మంజూరైన సమయంలో జగిత్యాల పేరు జాబితాలో ఉండేలా కృషి చేశానని చెప్పారు. రాష్ట్రంలో మొదట అనుమతి పొందిన మెడికల్ కాలేజీ జగిత్యాలదేనని పేర్కొన్నారు.

తనకు ఉన్న అనుభవంతో హెల్త్ సెక్రటరీతో చర్చించి విద్యార్థుల మేలు కోసం అవసరమైన వసతులు, బోధన సిబ్బందిని సమకూర్చినట్లు తెలిపారు. మెడికల్ కాలేజీ ఆస్పత్రిని పూర్తిస్థాయిలో అభివృద్ధి చేయాలంటే సుమారు రూ.500 కోట్లు అవసరమవుతాయని చెప్పారు.

కాలేజీ భవన నిర్మాణానికి రూ.119 కోట్లతో పనులు ప్రారంభించామని, 2023 వరకు కాంట్రాక్టర్ రూ.60 కోట్ల విలువైన పనులు చేసినప్పటికీ అప్పటి ప్రభుత్వం నుంచి కేవలం రూ.14.70 కోట్లే నిధులు వచ్చాయని తెలిపారు. నిధుల కొరత కారణంగా పనులు నిలిచిపోయే పరిస్థితి వచ్చిందని అన్నారు.

ప్రస్తుత ప్రభుత్వం అధికారంలోకి వచ్చిన తర్వాత సీఎం రేవంత్ రెడ్డితో కలిసి పనిచేసి, ఇప్పటికే పూర్తయిన పనులకు రూ.40 కోట్ల నిధులు మంజూరు చేయించామని తెలిపారు. ప్రస్తుతం మెడికల్ కాలేజీ నిర్మాణ పనులు శరవేగంగా జరుగుతున్నాయని చెప్పారు. మెడికల్ విద్యార్థులు ఫైనల్ ఇయర్‌కు వచ్చేలోపు ఆస్పత్రి పూర్తయ్యేలా చర్యలు తీసుకుంటున్నట్లు తెలిపారు.

230 పడకల నూతన ఆస్పత్రి నిర్మాణానికి రాష్ట్ర ప్రభుత్వం రూ.200 కోట్లు మంజూరు చేయడం హర్షణీయమని అన్నారు. కోరుట్లలో ఆస్పత్రుల్లో సరైన వసతులు లేక రోగులు జగిత్యాల ఆస్పత్రికి రావాల్సిన పరిస్థితి ఉందని పేర్కొన్నారు. కోరుట్లలో ముందుగా 30 పడకల ఆస్పత్రిని అభివృద్ధి చేయాలని, ఆ తర్వాత 100 పడకల ఆస్పత్రి మంజూరు చేయాలని, మెట్‌పల్లి ఆస్పత్రికి మరమ్మత్తులు చేపట్టాలని సూచించారు.

కోరుట్ల ఎమ్మెల్యేతో సమస్య ఉంటే తన వద్దకు రావచ్చని, ముఖ్యమంత్రి, జిల్లా మంత్రి, ప్రభుత్వంతో మాట్లాడి అభివృద్ధి నిధులు తెచ్చే ప్రయత్నం చేస్తానని తెలిపారు. కోరుట్ల పేషెంట్లు జగిత్యాలకు రావడం అక్కడి పరిస్థితిని స్పష్టంగా చూపుతోందన్నారు.

జగిత్యాల నియోజకవర్గంలో 14 పల్లె దవాఖానాలు ఏర్పాటు చేసినట్లు తెలిపారు. రోళ్లవాగు ప్రాజెక్టుకు గేట్లు ఏర్పాటు చేయాలంటే 52 వేల చెట్లు నాటాల్సి ఉండగా, కేంద్ర ప్రభుత్వ అనుమతులు కూడా రావాల్సి ఉందన్నారు. ప్రస్తుతం గేట్లు బిగిస్తే అటవీ ప్రాంతం మునిగిపోయే ప్రమాదం ఉందని తెలిపారు.

రాజకీయాలకు అతీతంగా కేంద్ర, రాష్ట్ర ప్రభుత్వాలతో కలిసి పనిచేస్తూ పేద ప్రజల సంక్షేమం, అభివృద్ధి కోసం కృషి చేస్తున్నానని ఎమ్మెల్యే స్పష్టం చేశారు. జగిత్యాలకు తెలంగాణలోనే అత్యధిక నిధులు మంజూరయ్యాయని, అభివృద్ధి ప్రజలకు కళ్లకు కట్టినట్లుగా కనిపిస్తోందన్నారు.

ఈ కార్యక్రమంలో మాజీ మున్సిపల్ చైర్మన్ లు గిరి నాగభూషణం అడువాల జ్యోతి లక్ష్మణ్ గోలి శ్రీనివాస్ నాయకులు క్యాదసు నాగయ్యా చెట్పల్లి సుధాకర్ బద్దం జగన్ మోహన్ రెడ్డి కుసరి అనిల్ పంబల రాము బోడ్ల జగదీష్ ఎఫ్ సి ఎస్ ఛైర్మెన్ గుమ్ముల అంజయ్య దుమాల రాజ్ కుమార్ శరత్ రావు కోరే గంగమల్లు ప్రభత్ సింగ్ ఠాగూర్ కూతురు రాజేష్ క్యాదసు నవీన్ అహమ్మద్ రామకృష్ణ రెడ్డి  జి.వేణు ఏనుగుల రాజు  గట్టు రాజు ఈశ్వర్ గౌస్ జంగిలి శశి చిట్ల మనోహర్ రహీం తదితరులు పాల్గొన్నారు.