ఆల్ ఇండియా రాష్ట్ర ప్రభుత్వ ఉద్యోగుల సమాఖ్య ఉపాధ్యక్షులుగా మారం జగదీశ్వర్ ఎన్నికైన సందర్భంగా శుభాకాంక్షలు తెలిపిన జగిత్యాల టిఎన్జీఓ లు

జగిత్యాల జనవరి 28 (ప్రజా మంటలు)
ఇటీవల షిరిడి లో నిర్వహించిన అఖిలభారత రాష్ట్ర ప్రభుత్వ ఉద్యోగుల సమాఖ్య 18వ జాతీయ సమావేశాల లో భాగంగా టీఎన్జీవో రాష్ట్ర అధ్యక్షులు  మారం జగదీశ్వర్ ఆల్ ఇండియా రాష్ట్ర ప్రభుత్వ ఉద్యోగుల సమాఖ్య ఉపాధ్యక్షులుగా  రెండవసారి
ఎన్నికైన సందర్బంగా  కరీంనగర్ టీఎన్జీవో భవన్ లో కరీంనగర్ జిల్లా అధ్యక్షులు దారం శ్రీనివాస్ రెడ్డి అధ్యక్షతన ఏర్పాటు చేసిన సన్మాన కార్యక్రమంలో టిఎన్జీవో జగిత్యాల జిల్లా అధ్యక్షులు మిర్యాల నాగేందర్ రెడ్డి ఆధ్వర్యంలో జిల్లా ఉద్యోగులు హాజరై  మారం జగదీశ్వర్ ని ఘనంగా సన్మానించి శుభాకాంక్షలు తెలిపారు.

 ఈ సందర్భంగా టీఎన్జీవో రాష్ట్ర అధ్యక్షులు మరియు ఏఐఎస్జిఈఎఫ్ జాతీయ ఉపాధ్యక్షులు మారం జగదీశ్వర్  మాట్లాడుతూ ఉద్యోగుల హక్కుల సాధన పట్ల టీఎన్జీవో సంఘం చూపించే పోరాటపటిమకు నిదర్శనంగా తనకు ఈ పదవి లభించిందని,  అలాగే టీఎన్జీవో రాష్ట్ర ప్రధాన కార్యదర్శి ముజీబ్ హుస్సేని కి,  రాష్ట్ర కోశాధికారి కస్తూరి వెంకటేశ్వర్లు మరియు రాష్ట్ర సహాధ్యక్షులు ముత్యాల సత్యనారాయణ గౌడ్ గార్లకు జాతీయ కార్యవర్గ సభ్యులుగా గౌరవం దక్కిందని అన్నారు.

టిఎన్జీఓ సంఘం 80 సంవత్సరాల చరిత్ర కలిగి ఎల్లవేళలా ఉద్యోగులకు అండగా ఉంటుందని,  వారి పెండింగ్ సమస్యలని పరిష్కరించుటకు కృషి చేస్తుందని అన్నారు.  ఈ కార్యక్రమంలో టిఎన్జీఓ మాజీ రాష్ట్ర ప్రధాన కార్యదర్శి ఎంఏ.హమీద్, కేంద్ర సంఘం నాయకులు రాగి శ్రీనివాస్, ప్రభాకర్ రెడ్డి, చంద్రశేఖర్, హర్మిందర్ సింగ్ మరియు జగిత్యాల టీఎన్జీవో జిల్లా నాయకులు ఎండి.మహమూద్, బి.రవిచంద్ర, ఎ.రాజేశం, కె.సుగుణాకర్, టీవిఎస్.సునీత్ కుమార్, నాలుగవ తరగతి ఉద్యోగుల సంఘం నాయకులు అరుణ, నారాయణ, సతీష్, రాజేశం, రాజశేఖర్ రెడ్డి. మనీల, తదితరులు పాల్గొన్నారు.