ఎల్లారెడ్డి – బాన్సువాడ ప్రాంతాల్లో జాగృతి జనంబాటలో భాగంగా పర్యటించిన కల్వకుంట్ల కవిత

ఎల్లారెడ్డి/బాన్సువాడ – నవంబర్ 27 (ప్రజా మంటలు):

తెలంగాణ జాగృతి అధ్యక్షురాలు కల్వకుంట్ల కవిత బాన్సువాడ, ఎల్లారెడ్డి నియోజకవర్గాల్లో జాగృతి జనంబాట కార్యక్రమంలో భాగంగా పలు పర్యటనలు నిర్వహించారు. విద్యార్థులు, రైతులు, ప్రజలతో సమావేశమై వారి సమస్యలను అడిగి తెలుసుకున్నారు. పలు అంశాలపై ప్రభుత్వం తక్షణ చర్యలు తీసుకోవాలని కవిత డిమాండ్ చేశారు.

బాన్సువాడ – కొయ్యగుట్ట తండా రెసిడెన్షియల్ కాలేజీలో కవిత పర్యటన

కవిత రెసిడెన్షియల్ కాలేజీని సందర్శించి విద్యార్థులతో మాట్లాడుతూ క్యాంపస్, భద్రత, బోధన పద్ధతులపై సంతృప్తి వ్యక్తం చేశారు. అయితే పలు సమస్యలను గుర్తించి వాటి పరిష్కారాన్ని కోరారు.

విద్యార్థులకు సంబంధించిన సమస్యలు

• స్కూల్, కాలేజ్ క్యాంపస్ చాలా బాగుందని అభిప్రాయం.
• సెక్యూరిటీ, టీచర్లు బాగా పనిచేస్తున్నారని విద్యార్థులు చెప్పారని తెలిపారు.
• అయితే ముఖ్య సమస్య – టీచర్లు హాస్టల్ వార్డెన్స్‌గా పనిచేయడం.
  • దీనిని వెంటనే మార్చాలని, ప్రత్యేక వార్డెన్లను నియమించాలని డిమాండ్.
• కాస్మొటిక్ ఛార్జీలు ఇవ్వడం నిలిపివేయడం తప్పు – వాటిని వెంటనే చెల్లించాలని అన్నారు.
• బాలికల వసతుల అభివృద్ధిపై ప్రభుత్వం దృష్టి పెట్టాలని సూచించారు.
• చండూరు విద్యార్థి ఆత్మహత్య కేసులో పోలీసులతో మాట్లాడినట్లు చెప్పారు.
  • స్కూల్ సూసైడ్ అంటుండగా తల్లిదండ్రులు అనుమానం వ్యక్తం చేయడంతో నిష్పక్షపాత విచారణ అవసరమని అన్నారు.
• ఈ ప్రభుత్వం వచ్చాక 200 మందికి పైగా విద్యార్థులు మరణించడంపై ఆందోళన వ్యక్తం చేశారు.
• ఒక్క స్కూల్‌లో మాత్రమే పరిస్థితులు బాగున్నాయని, మిగతా స్కూళ్లలో అనేక సమస్యలున్నాయని తెలిపారు.

ఎల్లారెడ్డి – నాగిరెడ్డిపేట్‌లో రైతులతో కవిత సమావేశం

నిజాం సాగర్ ప్రాజెక్ట్ నీటిముంపు కారణంగా వేల ఎకరాలు నష్టపోయిన రైతులతో కవిత సమావేశమై సమస్యలను వివరంగా సేకరించారు.

రైతుల సమస్యలపై తీవ్ర అసంతృప్తి

• కాంగ్రెస్ ప్రభుత్వం ఎన్నికల ముందు ఇచ్చిన హామీలను అమలు చేయకపోవడం అన్యాయం అన్నారు.
• స్థానిక ఎమ్మెల్యే మదన్ మోహన్ కనబడకపోవడంతో అధికార యంత్రాంగం పనిచేయడం లేదని విమర్శించారు.
• నిజాం సాగర్ ముంపులో వేల ఎకరాలు నష్టపోయాయి – కానీ ప్రభుత్వానికి నిజమైన లెక్కలు లేవని పేర్కొన్నారు.
• వెంటనే నష్టపరిహారం ప్రకటించాలని, లేకపోతే కలెక్టరేట్ వద్ద రైతులతో కలిసి ధర్నా చేస్తామని హెచ్చరించారు.
• ఒక్కో ఎకరానికి కనీసం రూ.25,000 పరిహారం ఇవ్వాలని డిమాండ్.
• పాడైన విద్యుత్ స్తంభాలు, ట్రాన్స్‌ఫార్మర్లను మరమ్మత్తు చేయడం లేదని ఆందోళన.
• ఐకేపీ సెంటర్లలో వడ్లు కొనుగోలు చేయకపోవడం రైతులకు పెద్ద ఇబ్బంది అని విమర్శ.
• “బోనస్ ఇస్తామని చెప్పి వడ్లు కూడా కొనడంలేదు… కాంగ్రెస్ మాటలు బోనస్ కాదు, బోగస్” అని తీవ్ర వ్యాఖ్య.
• 3 వేల ఎకరాల పాస్‌పట్టాలు పెండింగ్ – పరిష్కారం వచ్చే వరకు పోరాటం చేస్తామని చెప్పారు.
• పత్తి పంట ఎక్కువగా పండుతున్నా CCI కొనడంలేదని, జిన్నింగ్ మిల్ ఏర్పాటు చేయాలని సూచించారు.
• ఫ్రీ బస్సు కారణంగా ఆటో డ్రైవర్లు నష్టపోతున్నారని, వారికి హామీ ఇచ్చిన రూ.12,000 మరియు ఇన్సూరెన్స్ వెంటనే ఇవ్వాలని కోరారు.
• మహిళలకు చీరలు ఇవ్వకపోవడం, ఇందిరమ్మ ఇళ్లు కూల్చడం ప్రభుత్వం వైఫల్యానికి నిదర్శనమని విమర్శ.
• అన్ని పెన్షన్లను రూ.4,000కి పెంచాలని, 18 ఏళ్లు దాటిన ఆడబిడ్డలకు రూ.2,500 ఇవ్వాలని డిమాండ్.
• “నేను పోరాటం చేస్తే ఆగను… సమస్య పరిష్కారం అయ్యే వరకు వదలను” అని కవిత చెప్పారు.

లింగంపేట – జాగృతి జనంబాటకు ఘన స్వాగతం

లింగంపేట మండల కేంద్రంలో జాగృతి జనంబాటలో భాగంగా, తెలంగాణ జాగృతి కామారెడ్డి జిల్లా అధ్యక్షుడు సంపత్ గౌడ్ ఆధ్వర్యంలో కవితకు ప్రజలు, జాగృతి శ్రేణులు ఘన స్వాగతం పలికారు.