బీసీ రిజర్వేషన్లు, ట్రిపుల్ ఆర్ భూమి సమస్య, కు మద్దతుగా ఉద్యమం - కవిత

మియాపూర్/ షాద్ నగర్ నవంబర్ 20 (ప్రజా మంటలు) :

రంగారెడ్డి, మహబూబ్‌నగర్ జిల్లాల్లో జాగృతి జనంబాట కార్యక్రమంలో పాల్గొన్న తెలంగాణ జాగృతి అధ్యక్షురాలు కల్వకుంట్ల కవిత పలు బస్తీలు, గ్రామాలు, ప్రభుత్వ కార్యాలయాలు, ఆస్పత్రులను సందర్శించారు. ప్రజలు ఎదుర్కొంటున్న సమస్యలను ప్రత్యక్షంగా తెలుసుకొని, ప్రభుత్వంపై స్పందన తీసుకొచ్చేలా చర్యలు తీసుకుంటామని హామీ ఇచ్చారు.

శేరిలింగంపల్లి – పేద బస్తీల్లో తీవ్ర సమస్యలు

శేరిలింగంపల్లి పరిధిలో:

• 2014లో ఉన్న 64 చెరువుల్లో చాలా వరకూ కబ్జా
• పేద బస్తీల్లో రోడ్లు, తాగునీరు, మౌలిక వసతుల లేమి
• ట్రాఫిక్ భారంతో ప్రజల ఇబ్బందులు
• మున్సిపల్ అధికారులు ప్రజలను పట్టించుకోవడంలేదని ఆరోపణ

కవిత వ్యాఖ్యానిస్తూ ప్రభుత్వం పేద బస్తీల సమస్యలను తక్షణమే పరిష్కరించాల్సిన బాధ్యత ఉందని అన్నారు.

Say No to Drugs' ర్యాలీలో విద్యార్థులతో కవిత

యువత మత్తుకు బానిస కాకుండా చేయడానికి జాగృతి అవగాహన కార్యక్రమాలను రాష్ట్రవ్యాప్తంగా కొనసాగిస్తామని ఆమె తెలిపారు.

కేసులు కక్షపూరిత రాజకీయాలు

మియాపూర్ పర్యటనలో కవిత మాట్లాడుతూ:ప్రతిపక్ష నేతలపై కేసులు పెట్టడం ప్రభుత్వానికి అలవాటైందని, హామీలు నెరవేర్చలేక ప్రజల దృష్టి మరల్చే ప్రయత్నం జరుగుతోందని, ప్రజా సమస్యలపై ప్రభుత్వం స్పందించడం లేదని తెలిపారు

రాజేంద్రనగర్ – 45 ఏళ్లుగా పెండింగ్‌లో ఉన్న పట్టాల సమస్య

అత్తాపూర్, భూపాల్ నగర్ ప్రాంతాల్లో 25 ఎకరాల్లో 2,000 కుటుంబాలు 40+ సంవత్సరాలుగా నివసిస్తున్నా పట్టాలు లేవు.ఫారెస్ట్ భూమి మార్పిడి చేయకపోవడం వల్ల సమస్య నిలిచిపోయిందని,ప్రభుత్వం డబుల్ ల్యాండ్ ఇచ్చి వెంటనే పట్టాలు ఇవ్వాలని డిమాండ్ చేశారు

షాబాద్ – 42% బీసీ రిజర్వేషన్ల ఉద్యమానికి కవిత మద్దతు

బీసీ రిజర్వేషన్ సమితి నిర్వహిస్తున్న రిలే దీక్షకు కవిత సంఘీభావం తెలుపుతూ:బీసీలకు రాజకీయ, విద్య, ఉద్యోగ రిజర్వేషన్లు రాజ్యాంగ హక్కులుగా రావాలని,బీసీ బిల్లులు ప్రెసిడెంట్ వద్ద, ఆర్డినెన్స్ గవర్నర్ వద్ద పెండింగ్‌లో ఉన్నాయని, అవసరమైతే ఢిల్లీ వరకు పోరాటం చేస్తామని ప్రకటించారు

షాద్ నగర్ ప్రభుత్వ ఆస్పత్రి – వసతుల కొరతపై ఆక్షేపణ

ఆస్పత్రిలో:28 స్టాఫ్ నర్సులు అవసరం – ప్రస్తుతం 12 మాత్రమే,పాత భవనం ప్రమాదకర స్థితిలో ఉందని,పూర్తయిన కొత్త భవనానికి ఆస్పత్రిని వెంటనే మార్చాలని,ఆరోగ్యశ్రీ నిధులతోనే హాస్పిటల్ నడుస్తోందని కవిత చెప్పుకొచ్చారు

ట్రిపుల్ ఆర్ ప్రాజెక్ట్ – తొమ్మిది రేకుల ప్రజల బాధలు

కేశంపేట మండలం తొమ్మిది రేకుల గ్రామంలో:సుమారు 200 మంది రైతుల భూములు తీసుకోవడం వల్ల తీవ్ర ఆందోళన.RRR డిజైన్ నాలుగు సార్లు మారడంపై కవిత ఆగ్రహం.అవసరమైతే నితిన్ గడ్కరీ, ప్రధానిని కూడా కలుస్తామని చెప్పారు.రైతులకు అన్యాయం జరగకుండా పోరాటం చేస్తామని హామీ ఇచ్చారు.