ఛలో ఢిల్లీ ధర్నాకు తరలిన జగిత్యాల జిల్లా బిసి నాయకులు

 జగిత్యాల ఏప్రిల్ 01:

బిసి రిజర్వేషన్ బిల్లును పార్లమెంటులో ఆమోదించాలని డిమాండ్ చేస్తూ బిసి సంక్షేమ సంఘం జాతీయ అధ్యక్షుడు జాజుల శ్రీనివాస్ గౌడ్ అధ్వర్యంలో ఏప్రిల్ 2న న్యూఢిల్లీలోని జంతర్ మంతర్ వద్ద నిర్వహించే బిసిల పోరు గర్జన మహా ధర్నా కార్యక్రమానికి జగిత్యాల జిల్లా బిసి సంక్షేమ సంఘం నాయకులు  తరలివెళ్లారు.

ఈ సందర్భంగా బిసి సంక్షేమ సంఘం రాష్ట్ర నాయకులు, టిపిసిసి రాష్ట్ర కార్యదర్శి శేర్ నర్సారెడ్డి మాట్లాడుతూ తెలంగాణ రాష్ట్ర అసెంబ్లీలో బిసిలకు విద్య, ఉద్యోగ, స్థానిక సంస్థల ఎన్నికల్లో 42 శాతం రిజర్వేషన్లు కల్పించాలని చేసిన తీర్మానం మేరకు కేంద్ర ప్రభుత్వం వెంటనే పార్లమెంటులో బిసి బిల్లును ప్రవేశపెట్టి ఆమోదించాలని డిమాండ్ చేశారు.  న్యూఢిల్లీలో జరుగబోయే బిసిల మహా ధర్నా కార్యక్రమానికి తరలివెళ్లిన వారిలో టిపిసిసి రాష్ట్ర కార్యదర్శి, బిసి సంక్షేమ సంఘం రాష్ట్ర నాయకులు శేర్ నర్సారెడ్డితో పాటు బిసి మహిళ విభాగం జిల్లా అధ్యక్షురాలు గంగం జలజ, జిల్లా బిసి సంక్షేమ సంఘం నాయకులు గురిజెల రాజారెడ్డి, దేశెట్టి జీవన్, కోల నారాయణ, సంగు ప్రతాప్, బుస్స రవి, రాచకొండ పురుషోత్తం, నాలువాల సురేష్, బింగి నరేష్, పులి రాజాం,కసుల గంగారెడ్డి, పెండెం గంగాధర్, సదుల ప్రభాకర్, జయశ్రీ, మేళ్ళ గంగన్న, తదితరులు పాల్గొన్నారు.