గిన్నిస్ రికార్డు లక్ష్యంగా వచ్చే ఏడాది బతుకమ్మ వేడుకలు :కల్వకుంట్ల కవిత

హైదరాబాద్, సెప్టెంబర్ 27:

వచ్చే ఏడాది రెండున్నర లక్షల మంది మహిళలతో బతుకమ్మ వేడుకలు నిర్వహించి గిన్నిస్ బుక్ ఆఫ్ వరల్డ్ రికార్డు సాధించడమే లక్ష్యంగా తెలంగాణ జాగృతి పనిచేస్తుందని ఆ సంస్థ వ్యవస్థాపక అధ్యక్షురాలు కల్వకుంట్ల కవిత తెలిపారు.

ఆదివారం బంజారాహిల్స్‌లోని తెలంగాణ రక్షణ సేన కార్యాలయంలో తెలంగాణ జాగృతి బతుకమ్మ సంబురాల పోస్టర్‌తో పాటు జాగృతి రూపొందించిన బతుకమ్మ పాటల సీడీని కవిత ఆవిష్కరించారు. ఈ సందర్భంగా ఆమె మాట్లాడుతూ, తెలంగాణ రాష్ట్ర ఆవిర్భావం అనంతరం బతుకమ్మ వేడుకలను గిన్నిస్ రికార్డు స్థాయిలో నిర్వహించేందుకు గతంలో ప్రయత్నాలు జరిగినప్పటికీ అవి సఫలం కాలేదన్నారు.

ఈ ఏడాది తెలంగాణలోని 33 జిల్లాలతో పాటు విదేశాల్లోనూ తెలంగాణ జాగృతి ఆధ్వర్యంలో బతుకమ్మ వేడుకలను నిర్వహించనున్నట్లు తెలిపారు. వచ్చే ఏడాది భారీ స్థాయిలో వేడుకలు నిర్వహించేందుకు గ్రామ గ్రామాన బతుకమ్మ, కోలాటం కమిటీలను ఏర్పాటు చేస్తామని చెప్పారు. బుర్జ్ ఖలీఫా సహా ప్రపంచవ్యాప్తంగా బతుకమ్మ వైభవాన్ని చాటిన జాగృతి, గిన్నిస్ రికార్డు లక్ష్యాన్ని కూడా విజయవంతం చేస్తుందని కవిత పేర్కొన్నారు.

చప్పట్ల పాటలు, సంప్రదాయ బతుకమ్మ పాటలను భావితరాలకు అందించాలనే ఉద్దేశంతో ప్రత్యేకంగా పాటల సీడీని రూపొందించినట్లు తెలిపారు. ఈ ఏడాది జాగృతి ఆధ్వర్యంలో నిర్వహించే బతుకమ్మ వేడుకల్లో మహిళలు పెద్ద సంఖ్యలో పాల్గొనాలని ఆమె కోరారు.

రెండున్నర లక్షల మందితో బతుకమ్మ: మాధవి

వచ్చే ఏడాది రెండున్నర లక్షల మందితో బతుకమ్మ వేడుకలు నిర్వహించి గిన్నిస్ రికార్డు సాధించేందుకు కృషి చేస్తామని తెలంగాణ జాగృతి రాష్ట్ర అధ్యక్షురాలు మారిపెల్లి మాధవి తెలిపారు. ఈ ఏడాది అన్ని జిల్లాల్లో జాగృతి ఆధ్వర్యంలో ఘనంగా బతుకమ్మ వేడుకలు నిర్వహించనున్నట్లు చెప్పారు. ఇప్పటికే చప్పట్ల, సంప్రదాయ బతుకమ్మ పాటలను యూట్యూబ్‌లో అందుబాటులో ఉంచినట్లు ఆమె తెలిపారు.

సాంస్కృతిక వికాసం, మహిళా సాధికారతే లక్ష్యం

తెలంగాణ ఉద్యమ కాలం నుంచి సాంస్కృతిక చైతన్యానికి ప్రతీకగా నిలిచిన తెలంగాణ జాగృతిని మరింత విస్తృతంగా ప్రజల్లోకి తీసుకెళ్లాలని కవిత నిర్ణయించారు. సాంస్కృతిక వికాసంతో పాటు మహిళా సాధికారత, సామాజిక అసమానతల నిర్మూలన కోసం సంస్థ పనిచేస్తుందని తెలిపారు.

ఈ నేపథ్యంలో తెలంగాణ జాగృతి రాష్ట్ర కమిటీతో పాటు పలు జిల్లాలు, వివిధ దేశాలకు అధ్యక్షులను నియమించారు. మిగిలిన జిల్లాల కమిటీలను త్వరలో ప్రకటించనున్నట్లు తెలిపారు.

తెలంగాణ జాగృతి రాష్ట్ర కమిటీ:
అధ్యక్షురాలు – మారిపెల్లి మాధవి
ఉపాధ్యక్షులు – జాడి శ్రీనివాస్, పర్శ చంద్రశేఖర్
ప్రధాన కార్యదర్శి – గుంటి సుందర్
కార్యదర్శులు – కన్నం శారద, దొండి స్వర్ణలత, మస్తాన్
మహిళా విభాగం రాష్ట్ర అధ్యక్షురాలు – మానుకోట సునీత

జిల్లాల అధ్యక్షులు:
జగిత్యాల – పట్టూరి తిరుపతి; రంగారెడ్డి – ఎండీ మొయినుద్దీన్; వరంగల్ – పాలదర్శి రమేశ్; హన్మకొండ – నెట్టి రజిత; మహబూబ్‌నగర్ – అరుపుల నర్సింలు; సూర్యాపేట – లక్కపాక ప్రవీణ్; భూపాలపల్లి – గుమ్మడి రవీందర్; నిజామాబాద్ – అవంతి కుమార్; పెద్దపల్లి – మేడారపు రాజ్యలక్ష్మీ; కరీంనగర్ – గుండు మంజుల; కామారెడ్డి – రెడ్డిపేట సతీశ్ కుమార్.

మహారాష్ట్ర శాఖ అధ్యక్షుడిగా వేణుగోపాల్ యాదవ్‌ను నియమించారు.

విదేశీ శాఖల అధ్యక్షులు:
న్యూజిలాండ్ – ముద్దం అరుణ జ్యోతి; ఖతార్ – ప్రవీణ లక్ష్మీ; అమెరికా – రాజ్ గోవిల్కర్; ఒమన్ – గుండు రాజేందర్ నేత; కెనడా – కుందె రాఘవేంద్ర యాదవ్; ఐర్లాండ్ – సంతోష్ పల్లె; స్విట్జర్లాండ్ – కిశోర్ తాటికొండ; ఇటలీ – సౌమ్య పిన్నంరెడ్డి; నార్వే – కిరణ్ తేజ సూధటి; జింబాబ్వే – శ్రావణ్ కుమార్ గౌడ్; కెన్యా – గంట్ల స్వప్నా రెడ్డి. ఖతార్ ప్రధాన కార్యదర్శిగా ఆదర్శ రెడ్డి పోతుల, నార్వే ప్రధాన కార్యదర్శిగా నిఖిత బిల్లకంటిని నియమించారు.

బతుకమ్మ చప్పట్ల పాటలను తెలంగాణ జాగృతి అధికారిక వెబ్‌సైట్‌లో అందుబాటులో ఉంచారు.