“మహిళల ఉన్నతి - తెలంగాణ ప్రగతి “జిల్లా కలెక్టర్లతో టెలికాన్ఫరెన్స్ లో  ముఖ్య మంత్రి రేవంత్ రెడ్డి

జగిత్యాల నవంబర్ 19 (ప్రజా మంటలు)
భారత రత్న , దేశ మాజీ ప్రధాని శ్రీమతి ఇందిరా గాంధీ 108వ జయంతి సందర్భంగా కోటి మహిళలకు కోటి చీరల పంపిణీ చేయాలనే ఉద్ధేశ్యంతో హైదరాబాద్ లో ఇందిరా మహిళా శక్తి చీరల పంపిణీ కార్యక్రమంను ఘనంగా ప్రారంభించారు . 

అనంతరం అన్ని జిల్లాల కలెక్టర్లు జిల్లా,మండల సమాఖ్య మరియు మెప్మా సభ్యులతో ,డిప్యూటి సిఎం మల్లు బట్టి విక్రమార్క, వివిధ శాఖల మంత్రులు మరియు అధికారులతో  కలిసి ముఖ్య మంత్రి రేవంత్ రెడ్డి  వీడియో కాన్ఫరెన్స్ నిర్వహించడం జరిగింది . 

సిఎం రేవంత్ రెడ్డి మాట్లాడుతూ

ఆడబిడ్డలకు  పుట్టింటివారు సారె ,చీర పెట్టడం మన తెలంగాణ సంప్రదాయం . 
తెలంగాణ  ప్రజా ప్రభుత్వం దేశ మాజీ ప్రధాని శ్రీమతి ఇందిరా గాంధీ  108 వ జయంతి సందర్భంగా అర్హులైన ప్రతి మహిళకు సారె పెట్టడంలో భాగంగా మన ప్రజా ప్రభుత్వం కోటి మంది మహిళలకు కోటి చీరల పంపిణీ కార్యక్రమం ప్రారంభించడం జరిగిందని తెలిపారు.
ఇప్పటి వరకు మహిళా సంఘ సభ్యులకు ఎలాంటి డ్రెస్ కోడ్ లేకపోవడం వల్ల వారికి సరైన గుర్తింపు లభించలేదు , ప్రజా ప్రభుత్వం మహిళల పట్ల ప్రత్యేక చొరవ తీసుకొని మహిళలకు తగు గుర్తింపు,  గౌరవం వచ్చే విధంగా ఈ కార్యక్రమమ చేపట్టడం జరుగుతుందన్నారు. 

ఈ కార్యక్రమాన్ని అన్ని జిల్లా ,మండల కేంద్రాల్లో పండగ వాతావరణంలో జరుపుకోవాలని దీనికి స్థానిక శాసన సభ్యులను మరియు స్థానిక ప్రజా ప్రతినిధులందరిని పిలవాలని
 తెలిపారు .

 మండల సమాఖ్య ఆద్వర్యంలో  "మహిళల ఉన్నతి - తెలంగాణ ప్రగతి " పేరు తో 
ఇందిరా మహిళా శక్తి చీరల పంపిణీ కార్యక్రమంను నిర్వహించుకోవాలన్నారు. 
 
మన ప్రజా ప్రభుత్వం మహిళల కోసం ఇప్పటి వరకు 27 వేల కోట్ల వడ్డీ లేని రుణాలను అందించడం జరిగిందన్నారు. 

IKP ధాన్యం కొనుగోలు కేంద్రాల ద్వారా 80 కోట్లు ఆదాయం పొందడం జరిగిందనీ తెలిపారు. 
 
2034 వరకు  ప్రతి మహిళను ఆర్థికంగా అభివృద్ధి చేయడం వల్ల వారి కుటుంబం బాగు పడుతుందని తెలిపారు. 

 తగిన కార్యాచరణ రూపొందించి చీరల పంపిణీ కార్యక్రమాన్ని విజయవంతంగా ని
ర్వహించాలని తెలిపారు. 
మెప్మా మహిళలు 35 లక్షలు వచ్చే ఏడాది మార్చి 1-8, అంతర్జాతీయ మహిళా దినోత్సవం వరకు పంపిణీ చేయాలని కోరారు.

భవిష్యత్తులో మహిళల కోసం అమలు చేసే అభివృద్ధి కార్యక్రమాలకు ఈ చీరల  పంపిణీ కార్యక్రమం నాందిగా ఉండాలని ఆకాంక్షించారు . 

ఈ  సంధర్భంగా మహిళలందరికి శుభాకాంక్షలు తెలియజేశారు.

 డిప్యూటి సిఎం మల్లు భట్టి విక్రమార్క మాట్లాడుతూ

  మహిళలందరు సరైన గుర్తింపు, గౌరవం పొందే విధంగా తెలంగాణ ప్రభుత్వం చీరల పంపిణీ కార్యక్రమం ప్రారంభించడం ఆనందంగా ఉంది. 
SHG మహిళలే కాకుండా రేషన్ కార్డు దారులు మరియు అర్హులైన మహిళలందరికి చీరలు పంపిణీ చేయడం జరుగుతుందని తెలిపారు. 

మన ప్రజా ప్రభుత్వం మహిళలకు పెద్దఎత్తున వడ్డీ లేని ఋణాలు అందించడం జరుగుతుంది. 
అలాగే వడ్డీ మాఫీ చేయడం కూడా జరిగింది. 

దీని పైన గ్రామాల్లో ప్రజలకు ముఖ్యంగా మహిళలకు పెద్ద ఎత్తున
అవగాహన కల్పించాలి. 
ప్రభుత్వం మహిళలకు కల్పించే అవకాశాలను సద్వినియోగం చేసుకొని మహిళలు అన్ని రంగాల్లో ఆర్థికాభివృద్ధి సాధించాలని ఆకాంక్షించారు. 

ఈ వీడియో కాన్ఫరెన్స్ లో జిల్లా కలెక్టర్ బి. సత్యప్రసాద్ , అదనపు కలెక్టర్లు బి ఎస్ లత, రాజ గౌడ్,  డి ఆర్ డి ఓ రఘువరన్,  డిపిఓ రేవంత్,  ఏపిడి సునీత, ఏవో మెప్మా శ్రీనివాస్, జిల్లా సమాఖ్య , మండల సమాఖ్య సభ్యులు , వివిధ స్థాయిల అధికారులు ,  డి ఆర్ డి ఏ,మెప్మా సిబ్బంది మరియు తదితరులు పాల్గొన్నారు.