రామోజీరావు ఎక్స్లెన్స్ అవార్డుల ప్రకటన

హైదరాబాద్, నవంబర్ 16 (ప్రజా మంటలు):
రామోజీ గ్రూప్ వ్యవస్థాపకులు, మీడియా దిగ్గజం రామోజీరావు పేరు మీద ఏర్పాటు చేసిన “రామోజీ ఎక్సలెన్స్ అవార్డ్స్ - 2025” శనివారం హైదరాబాద్‌లో అత్యంత వైభవంగా నిర్వహించారు. రామోజీరావు 89వ జయంతి సందర్భంగా సమాజ సేవ, ఆవిష్కరణలు, కళలు, శాస్త్రం, మహిళా సాధికారత, ప్రజాహితం వంటి రంగాల్లో విశిష్ట కృషి చేస్తున్న ప్రముఖులను ఈ సందర్భంగా సత్కరించారు.

ఏడు విభాగాల్లో అవార్డులు — ప్రతిభకు గౌరవాన్నిచ్చిన రామోజీ అవార్డులు

ఈ ఏడాది రామోజీ ఎక్సలెన్స్ అవార్డులు అందుకున్న వారు:

• ఆమ్లా రూయా – గ్రామీణ అభివృద్ధి
  గ్రామీణ ప్రాంతాల్లో విద్య, ఆరోగ్యం, స్వచ్ఛంద సేవలతో అద్భుతమైన ప్రభావం చూపినందుకు ఎంపిక.

• శ్రీకాంత్ బొల్లా – యంగ్ ఐకాన్
  దృష్టిలోపం ఉన్నా, భారీ లక్ష్యాలతో ముందుకు సాగి, బోలాంట్ ఇండస్ట్రీస్ ద్వారా యువతకు స్ఫూర్తిగా నిలిచినందుకు సత్కారం.

• గాలి మాధవీలత – సైన్స్ & టెక్నాలజీ
  శాస్త్ర – సాంకేతిక రంగంలో చేసిన పరిశోధనల‌కు గుర్తింపుగా అవార్డు.

• ఆకాశ్ టాండన్ – మానవసేవ
  ప్రజా సంక్షేమం, సామాజిక సేవా కార్యక్రమాల్లో ఐదేళ్లుగా చేస్తున్న సేవల‌కు గౌరవం.

• సాతుపాటి ప్రసన్నశ్రీ – కళ & సంస్కృతి
  భారతీయ కళలు, సంప్రదాయాల ప్రాచుర్యానికి తనదైన శైలిలో కృషిచేసినందుకు పురస్కారం.

• జైదీప్ హార్దికర్ – జర్నలిజం
  విలేకరితనం ద్వారా సామాజిక సమస్యలను ప్రభావవంతంగా వెలుగులోకి తెచ్చినందుకు అవార్డు.

• పల్లభి ఘోష్ – మహిళా సాధికారత
  మహిళల హక్కుల రక్షణ, సమాన అవకాశాల కోసం చేసే పనులకు గుర్తింపుగా పురస్కారం.

రామోజీ ఫిల్మ్ సిటీలో నిర్వహించిన ఈ అవార్డుల ప్రదానోత్సవానికి జాతీయ స్థాయి నాయకులు, ప్రముఖులు భారీగా హాజరయ్యారు.

కార్యక్రమంలో ముఖ్యంగా పాల్గొన్నవారు:భారత ఉప రాష్ట్రపతి సీపీ రాధాకృష్ణన్, తెలంగాణ గవర్నర్ జిష్ణుదేవ్ వర్మ, తెలంగాణ ముఖ్యమంత్రి రేవంత్ రెడ్డి, ఆంధ్రప్రదేశ్ ముఖ్యమంత్రి చంద్రబాబు నాయుడు, కేంద్ర మంత్రులు కిషన్ రెడ్డి, రామ్మోహన్ నాయుడు,మాజీ ఉప రాష్ట్రపతి ఎం. వెంకయ్య నాయుడు, సుప్రీంకోర్టు మాజీ న్యాయమూర్తి ఎన్. వి. రమణ ఇతర ప్రముఖ వ్యాపారవేత్తలు, సినీ ప్రముఖులు, మీడియా రంగ వ్యక్తులు కూడా ఈ వేడుకకు విచ్చేశారు. రామోజీ రాయ్ ప్రతిష్టను ప్రతిబింబించేలా ఈ కార్యక్రమం అత్యంత ఉన్నత ప్రమాణాలతో జరిగింది.

‘సమాజం ముందుకెళ్లాలి అంటే విలువలు, సేవ ముఖ్యమే’

కార్యక్రమంలో ప్రసంగించిన నేతలు, రామోజీరావు భారత మీడియా రంగం, వ్యాపారం, ప్రజాహితం—మూడింటి మీద చూపిన ప్రభావాన్ని స్మరించారు. సమాజం కోసం నిస్వార్థంగా పనిచేసే వ్యక్తులను ప్రోత్సహించడం, తదుపరి తరాల‌కు ఆదర్శంగా నిలిపే పనిలో ఈ అవార్డులు కీలకమని అభిప్రాయపడ్డారు.