ఈ పుణ్య భూమిలో పుట్టడం మన పూర్వజన్మ సుకృతం_ శ్రీశ్రీశ్రీ విశ్వకతీర్థ స్వామీజీ

జగిత్యాల ఏప్రిల్ 16 (ప్రజా మంటలు)
ఈ పుణ్య భూమిలో పుట్టడం మన పూర్వజన్మ సుకృతమని శ్రీ శ్రీ శ్రీ విశ్వక తీర్థ స్వామీజీ అన్నారు.
ఈ భూమిపై పుట్టిన వారికి ఇద్దరు తల్లులు ఒకరు కన్నతల్లి ఆమెకు పుట్టిన వారిని పోషిస్తుంది మరొకరు భూమాత ఆమె భారత మాత పుట్టిన నుండి గిట్టిన తర్వాత కూడా తన ఒడిలోకే తీసుకుంటుందని శ్రీశ్రీ విశ్వకతీర్థ స్వామీజీ అన్నారు

ధరూర్ క్యాంప్ బస్తీ హిందూ సమ్మేళన కార్యక్రమంలో ఆయన పాల్గొని మాట్లాడారు గురువారం రాత్రి జిల్లా కేంద్రంలోని ధరూర్ క్యాంప్ గ్రౌండ్లో నిర్వహించిన హిందూ సమ్మేళనం కార్యక్రమానికి ఆయన ముఖ్యఅతిథిగా హాజరయ్యారు .సామాజిక సమరసత వేదిక రాష్ట్ర కన్వీనర్ అప్పాల ప్రసాద్, హిందూ సమ్మేళనం గౌరవాధ్యక్షులు సభాపతి తిగుళ్ల విశ్వనాథ శర్మతో కలిసి జ్యోతి ప్రజ్వలన చేసి కార్యక్రమాన్ని ప్రారంభించారు.

కార్యక్రమంలో భాగంగా గోపూజ నిర్వహించారు. ఈ సందర్భంగా స్వామీజీ మాట్లాడుతూఈ భూమిపై జన్మించడం మన పూర్వ పుణ్య సుకృతం అని కాశ్మీర్ నుండి కన్యాకుమారి వరకు దేవతలే నిర్మించిన స్థానము హిందుస్థానమని ఇక్కడ పుట్టిన వారు హిందువులని ఆయన అన్నారు. 600 సంవత్సరాల క్రితం విగ్రహాలను దేవాలయాలను ధ్వంసం చేస్తున్నప్పుడు ఆ దృశ్యం చూసిన పది సంవత్సరాల పాప విలవిలలాడిందని అలాంటి ఆధ్యాత్మిక భావన ఉన్న దేశం మన దేశం అని అన్నారు.

ఎందరో ఋషులు మహనీయులు మునులు జన్మించిన మనదేశంలో సంతు నాందేవ్ ఒక్కరు అని ఆయన ఒక రోజు ప్రయాణిస్తున్న సమయంలో ఎండ సమయంలో ఓ చెట్టు కింద ఆగి తన వెంట తెచ్చుకున్న రొట్టెలు తిందామని అనుకున్న సమయంలో అక్కడికి కుక్క వచ్చి ఆ రొట్టెను లాక్కొని వెళ్లిందని సంతు నాందేవ్ అది చూసి బాధపడుతూ అది  వారం రోజుల కింద రొట్టె దానిని నేతిలో ముంచుకొని తినాల్సిందని కానీ కుక్క ఆ ఎండు రొట్టెను తిన్నట్లయితే దానికి నొప్పి కలుగుతుందని భావించి నేతిని తీసుకొని పరిగెత్తారని గుర్తు చేశారు. ఆ కుక్కలోనే భగవంతుని చూసిన వారని అన్నారు. అంతేకాకుండా సంత్ ఏకనాథ్ కాశి లోని గంగా జలాలను 108 కలశాలలో సేకరించి రామేశ్వరంలోని పరమశివుని పూజించడానికి కావడి పై పాదయాత్రగా తీసుకుని వెళుతుండగా మార్గమధ్యంలో ఓ గాడిద దాహం వేస్తూ పడిపోయి ఉండడాన్ని చూసి పరమశివునికి అభిషేకించాల్సిన గంగా నది జలాలను గాడిదకు సమర్పించి గాడిదలో శివుడిని చూసుకున్న మహనీయుడని గుర్తు చేశారు. చెట్టును పుట్టను పూజించడం చీమలకు చక్కరవేయడం మన సంస్కృతి అని గొప్ప సంస్కృతి మన మన సనాతన ధర్మము నుండి వచ్చిందని అన్నారు.

కార్యక్రమంలో ప్రధాన వక్తగా పాల్గొన్న అప్పాల ప్రసాద్ సామాజిక సమరసత వేదిక రాష్ట్ర కన్వీనర్ మాట్లాడుతూ రాబోయే శతాబ్దం భారతీయ  శతాబ్దమని అన్నారు. సుగంధ ద్రవ్యాల వ్యాపారం చేసిన ఎన్నో దేశాలతో మన దేశం పడవల్లో వ్యాపారం చేసిందని ఆయా దేశాల సంస్కృతులు అంతరించినప్పటికీ ప్రస్తుతం హిందూ సంస్కృతి మాత్రమే కొనసాగుతున్నదని అన్నారు. కుటుంబం విచ్చిన్నమైతే హిందూ దేశం ప్రపంచంలోనే ఉండదని అన్నారు. హిందూ సమ్మేళనం అనేది ఒక ఉద్యమం 7,50,000 గ్రామాలను కలిపి లక్ష హిందు సమ్మేళనాలు కులాలకు అతీతంగా నిర్వహిస్తున్నట్లు తెలిపారు. ఇది భిన్నత్వంలో ఏకత్వానికి ప్రతీక అన్నారు. కాశ్మీర్ నుండి కన్యాకుమారి వరకు జైశ్రీరామ్ అని పలికే ఏకైక దేశం భారతదేశమని ఇద్దరు స్త్రీపురుషుల కళ్యాణం ప్రపంచమంతా చూస్తుందని వారే సీతారాములని సీతారాముల కల్యాణాన్ని ప్రపంచంలోని దేశాలన్నీ చూసి పండుగ జరుపుకుంటున్నారని అన్నారు. ఇండోనేషియా ముస్లిం దేశమైనప్పటికీ అధికారులు తమ కార్యాలయంలో శ్రీరామ పట్టాభిషేకం చిత్రాలు ఉంచుకుంటారని గుర్తు చేశారు. ఒకప్పుడు పాకిస్తాన్ అధ్యక్షుడు ఇండోనేషియా వచ్చినప్పుడు ఆంజనేయుని భారీ విగ్రహం చూసి ఇండోనేషియా రాష్ట్రపతిని ఉద్దేశించి మాట్లాడుతూ మనం ముస్లింలము హిందూ దేవుడైన ఆంజనేయుని విగ్రహం ఎందుకు ఏర్పాటు చేస్తారని అడగగా ఇండోనేషియా రాష్ట్రపతి జవాబిస్తూ తాము మొదట హిందువులమని తదుపరి మతం మార్చుకున్నామని తాము శ్రీరాముని ఆంజనేయుని మాత్రం మార్చుకోలేదని చెప్పడంతో పాకిస్తాన్ అధ్యక్షుడు వీస్తూ పోయాడు అన్నారు.

కార్యక్రమంలో భాగంగా సిద్ధార్థ పాఠశాల డైరెక్టర్ హరిచరణ్ రావు నేతృత్వంలో వివిధ సాంస్కృతిక కార్యక్రమాలు నిర్వహించారు ఎంతగానో ఆకట్టుకున్నాయి. కార్యక్రమంలో నాందిగా సంగనభట్ల నరేందర్ శర్మ దంపతులచే హనుమాన్ చాలీసా పఠన కార్యక్రమం జరిగింది.

 ధరూర్ క్యాంప్ బస్తి హిందూ సమ్మేళన కార్యనిర్వాహణ కమిటీ అధ్యక్షులు విశ్రాంత తాసిల్దార్ రాజ్ మనోహర్ రెడ్డి ఉపన్యాసకురాలు జ్యోత్స్న ,విశేష సంఖ్యలో హిందూ బంధువులు మహిళలు హిందూ సమ్మేళనం కమిటీ సభ్యులు పాల్గొన్నారు.