బీసీల బందు కేసీఆర్ అయితే బీసీలకు రాబందు రేవంత్ రెడ్డి- దావ వసంత సురేష్ 

   జగిత్యాల జనవరి 3(ప్రజా మంటలు)
పట్టణంలోని సావిత్రిబాయి పూలే పార్కులో సావిత్రిబాయి పూలే జయంతి సందర్భంగా బిఆర్ఎస్ నాయకులతో కలిసి సావిత్రిబాయి పూలే దంపతుల విగ్రహాలకు పూలమాలవేసి ఘనంగా నివాళులర్పించిన జిల్లా తొలి జడ్పి చైర్ పర్సన్ దావ వసంత సురేష్ 
ఈ సందర్భంగా వారు మాట్లాడుతూ...
* బిఆర్ఎస్ హయంలో బడుగు బలహీన వర్గాలకు చెందిన మహనీయులను స్మరించుకోవాలనే ఉద్దేశంతో జయంతి వర్ధంతి ఉత్సవాలను ఘనంగా నిర్వహించే వారిని విగ్రహాలు ఎక్కడ ఉన్నా వాటినీ అలంకరణ చేసేవారని ఇప్పుడున్న ప్రభుత్వం అలంకరణ చేయడంలో విఫలమైందని అన్నారు. 

ఆడబిడ్డలు చదువుకోవడానికి మొట్టమొదటి అడుగు వేసిన మహానీయురాలు సావిత్రిబాయి పూలేని అన్నారు.
అట్టడుగు వర్గాలు,మహిళలకు చదువు సంపద వంటి సమస్త హక్కులు నిరాకరింపబడిన దేశంలో ఆనాటి సమాజపు కట్టుబాట్లను, బ్రాహ్మణవాద సంప్రదాయాలను, ఆధిపత్యవర్గాలను ధిక్కరించి భారతదేశపు మొట్టమొదటి ఉపాధ్యాయురాలుగా పాఠశాలలు ప్రారంభించి 12 మే 1848న దేశంలో బహుజనులకు మెుట్టమెుదటి పాఠశాల ప్రారంభించారు.

 కేవలం 4 సంవత్సరాలలోనే గ్రామీణ ప్రాంతాల్లో 20 పాఠశాలలను ప్రారంభించి ఉచిత విద్యనందించారు. 1848 లోనే దేశంలొ విద్యా ఉద్యమం ప్రారంభించిన మెుదటి మహిళ ఉపాద్యాయురాలు, దళితుల, స్త్రీల విద్యా వ్యాప్తికి కృషి ప్రారంభించే నాటికి ఆమె వయస్సు 18 ఏళ్ళు మాత్రమే. వారి జీవితకాలంలో మొత్తం 52 పాఠశాలలు ప్రారంభించారు అని అన్నారు.

 సమాజంలో పేదవాళ్లకు విద్య అందని ద్రాక్షగా ఉండవద్దని సావిత్రిబాయి పూలే  స్ఫూర్తితో ఉద్యమ నాయకుడు తెలంగాణ సాధకుడు కేసీఆర్   బి ఆర్ ఎస్ హయములో   పాఠశాలలు మహాత్మ జ్యోతి పులే,బీసీ ఎస్సీ ఎస్టీ మైనారిటీ స్కూలను ప్రారంభించారని అన్నారు.
ఇప్పుడున్న ప్రభుత్వం  పిల్లలకు పురుగుల అన్నం పెట్టి వారి చావుకు కారణం అవుతుందని అన్నారు. 
 బీసీల బందుగా కేసీఆర్  ఉంటే బీసీలకు రాబందుల ల రేవంత్ రెడ్డి  ఉన్నారని అన్నారు.
కామారెడ్డి డిక్లరేషన్ ప్రకారం 42 శాతం బీసీ రిజర్వేషన్లు ఇస్తానని చెప్పి ఓట్లు వేసి సీటు లో కూర్చున్న తర్వాత రిజర్వేషన్లు ఎందుకు ఇవ్వడం లేదని ప్రశ్నించారు. 
బీసీలకు మరియు కుల వృత్తులకు కేసీఆర్  జీవం పోస్తే ఇప్పుడున్న రేవంత్ రెడ్డి నీరు గార్చే పని చేస్తున్నారని అన్నారు.
 బీసీలందరూ ఏకమై వచ్చే స్థానిక సంస్థల ఎన్నికల్లో కాంగ్రెస్కు తగిన బుద్ధి చెబితేనే మనకు రావాల్సిన రిజర్వేషన్లు వస్తాయని అన్నారు.
ఈ కార్యక్రమంలో మాజీ కౌన్సిలర్ దేవేందర్ నాయక్ పట్టణ ఉప అధ్యక్షుడు వొళ్ళేం మల్లేశం బి ఆర్ ఎస్ నాయకులు దయాల మల్లారెడ్డి రాగుల రాజు  ఎలామాద్రి కిషోర్ కోరుకంటి రాము అనురాధ గాజుల శ్రీనివాస్ గంగిపెళ్లి వేణు పెండం గంగాధర్ ప్రణయ్ భగవాన్ వెంకటేష్  వర్షిత్ సందీప్ జస్వంత్ కౌర్ సరిత తదితరులు పాల్గొన్నారు.