మున్సిపల్ ఓటర్ల జాబితాలో తప్పులు సవరించాలని రెవిన్యూ డివిజనల్ ఆఫీసర్(ఆర్ డి ఓ)  ఏవో జగిత్యాల కి వినతిపత్రం సమర్పించిన భారత్ సురక్ష సమితి రాష్ట్ర ఉపాధ్యక్షులు ఏసిఎస్ రాజు..

జగిత్యాల జనవరి 3 ( ప్రజా మంటలు)

మున్సిపల్ అధికారులు రూపొందించిన ఓటరు జాబితా తప్పుల తడకగా ఉంది దానిని సవరించుట గురించి ఈరోజు స్థానిక  ఆర్డీవో ఏవోకి వినతిపత్రం సమర్పించారు భారత్ సురక్ష సమితి నాయకులు. వారు మాట్లాడుత రానున్న మున్సిపల్ ఎన్నికల నేపద్యంలో జగిత్యాల మున్సిపల్ అధికారుల రూపొందించిన ఓటరు జాబితా తప్పుల తడకగా ఉంది అధికారుల తప్పిదంతో ఆరు కిలోమీటర్ల దూరంలో గ్రామంలో ఉండాల్సిన ఓటర్లు పట్టణంలోకి వచ్చారు.

ఓటరు జాబితాపై పట్టణ ప్రజలు అసహనం వ్యక్తం చేస్తూన్నారు. జగిత్యాల పట్టణంలో ఇదివరకు 48 వార్డులు ఉండగా వాటిని 50 వార్డులకు పెంచారు. వాటి హద్దులు కూడా ఏర్పాటు చేసి తుది నోటిఫికేషన్ వెలువరించారు. ప్రస్తుతం జగిత్యాల మున్సిపల్లో 50 వార్డులలో 96,410 ఓటర్లు ఉండగా, 149 పోలింగ్ స్టేషన్లు ఏర్పాటు చేసేందుకు ప్రతిపాదనలు తయారు చేసి జాబితాను మున్సిపల్ కార్యాలయంతో పాటు వివిధ కార్యాలయాలలో ముసాయిదా జాబితాను ప్రకటించారు. జగిత్యాల అర్బన్ మండలం ధరూర్ గ్రామ పంచాయతీలో ఉన్న 100 మంది ఓటర్లను సుమారు 6 కిలోమీటర్ల దూరంలో ఉన్న జగిత్యాల మున్సిపల్ పరిధిలోని 19 వార్డు శంకులపల్లి ప్రాంతంలో చేర్చారు. పలు వార్డుల్లో ఓట్లను  తొలగించి వేరే ప్రాంతానికి చెందిన వారిని కొన్ని  వార్డులో చూపారు. రెండు ఇళ్లు పక్కపక్కనే ఉంటే ఓ ఇంటిని ఈ వార్డులో చూపగా మరో ఇంటిని మరో వార్డులో చూపారు.

ఇక ధర్మపురి రోడ్డులో ఉన్న వార్డుల లో అయితే ఎన్నో ఏళ్లు ఆయా వార్డులను జాతీయ రహదారి విడ దీస్తుంటే మున్సిపల్ అధికారులు మాత్రం రోడ్డుకు అవతలివైపు విజయపురి కాలనీకి చెందిన మరో వార్డులో ఉన్న ఓటర్లను మిషన్ కాంపౌండ్లో, మిషన్ కాంపౌండ్లో ఉన్న ఓటర్లను విజయపురి కాలనీలో చూపించారు. ఇక ధరూర్ క్యాంపులోని 12 వార్డులో ధరూర్ గ్రామానికి చెందిన సుమారు 80 మంది ఓటర్లతో పాటు కరీంనగర్ రోడ్డు అవతల 8వ వార్డులో ఉండే గోత్రాల కాలనీకి చెందిన 40 మం ది ఓటర్లను చేర్చారు. 50 వార్డులలో సగానికి పైగా తప్పుల తడకగానే ఓటరు జాబితా రూపొందించినట్లు తెలుస్తోంది. ఓటరు జాబితాను సవరించి ఎన్నికలు నిర్వహించాలని మనవి .

ఈ కార్యక్రమం లో బిజెపి సీనియర్ నాయకులూ భారత్ సురక్ష సమితి రాష్ట్ర ఉపాధ్యక్షులు ఏసి ఎస్ రాజు. జిల్లా ప్రధాన కార్యదర్శి అక్కినపెల్లి కషినాధం ,పుప్పల సత్యనారాయణ ,బిజెపి సీనియర్ నాయకులూ మాజీ కౌన్సిలర్ అరవ లక్ష్మి,జిల్లా కార్యదర్శి సింగం గంగాధర్ ,జిల్లా సామజిక సమర్సత అధ్యక్షులు చిట్ల గంగాధర్ ,వేముల దేవరాజం ,ఎడమల వెంకట్ రెడ్డి,నాయిని సంజీవ్ రావు ,దోనకంటి రాజేశ్వర్ రావు,పరాంకుశం నరేందర్ , కే కృష్ణ ,సిరిపురం గంగారం కొత్తకొండ బలాన్న ,న్యాయవాది అనుమాండ్ల భుజంగం తదితరులు పాల్గొన్నారు