గొల్లపల్లి మండలంలోని పలు గ్రామాల్లో ఇండ్లపై నుండి వెళ్లిన విద్యుత్తు లైన్లు మరమత్తు కొరకు శంకుస్థాపన 

(అంకం భూమయ్య(

 
గొల్లపల్లి నవంబర్ 25 (ప్రజా మంటలు): 

గొల్లపల్లి మండలం లోని శ్రీరాములపల్లె లో విద్యుత్ వైర్లు, విద్యుత్  పనులకు రాష్ట్ర ఎస్సీ, ఎస్టీ, వయోవృద్దులు, వికలాంగులు  ట్రాన్స్ జెండర్ శాఖ మంత్రి అడ్లూరి  లక్ష్మణ్ కుమార్, జిల్లా కలెక్టర్ బి. సత్య ప్రసాద్ తో కలిసి శంకుస్థాపన చేశారు.

 ధర్మపురి నియోజకవర్గంలో 140 గ్రామాలు గాను  4.03 కోట్ల నిధులు మంజూరు కాగా మొదటగా గొల్లపల్లి మండలం శ్రీరాములపల్లె ఎస్సీ కాలనీ  లో శంకుస్థాపన చేశారు 
శ్రీరాములపల్లె, దట్నూరు,గొల్లపల్లి గ్రామాలలో ఇండ్లపై ప్రమాదకరంగా విద్యుత్ తీగలు, విద్యుత్ స్థంభాల మరమత్తుల పనుల కొరకు  రాష్ట్ర ముఖ్య మంత్రి రేవంత్ రెడ్డి దృష్టికి సమస్యలను తీసుకెళ్లగా   ముఖ్యమంత్రి సానుకూలంగా స్పందించి వెంటనే 4.03 కోట్ల రూపాయలు మంజూరు చేశారు.

విద్యుత్ శాఖ అధికారులు మంజూరైన పనులను వెంటనే ప్రారంభించి వేగవంతంగా సకాలంలో పూర్తి చేయాలని సంబంధిత అధికారులను ఆదేశించారు.
శ్రీరాముల పల్లె గ్రామం నుండి మ్యాడం పల్లి  గ్రామం వరకు మూడు కిలోమీటర్ల  దూరం రోడ్డు పనులు త్వరలో పూర్తి చేస్తానని మంత్రి హామీ ఇచ్చారు.

ఈ కార్యక్రమంలో జిల్లా విద్యుత్ డిఈ లు సుదర్శన్, గంగారం, మార్కెట్ చైర్మన్ భీమసంతోష్, వైస్ చైర్మన్ పురపాటి రాజిరెడ్డి, మండల కాంగ్రెస్ పార్టీ అధ్యక్షులు ముస్కు నిశాంత్ రెడ్డి,స్థానిక  తాసిల్దార్ నమ్మక అబ్దుల్ జమీల్, విద్యుత్ శాఖ ఏడిఈ వరుణ్ కుమార్ ఏఈ రాకేష్ కుమార్, ఆర్ఐ జీవన్, ప్రజాప్రతి నిధులు, విధ్యుత్ సిబ్బంది నాయకులు కార్యకర్తలు తదితరులు పాల్గొన్నారు.