మావోయిస్ట్ కేంద్ర కమిటీ సభ్యుడు మావోయిస్టు హిడ్మా ఎన్‌కౌంటర్

31 మంది మావోయిస్టులను అరెస్ట్ చేసిన 

పోలీసులు

హిడ్మా – నలుగురు రాష్ట్రాలను వణికించిన మావోయిస్టు కమాండర్

విజయవాడలో ఉద్రిక్తత – మావోయిస్టుల కదలికలపై అలర్ట్

మారేడుమిల్లీ / విజయవాడ నవంబర్ 18 (ప్రజా మంటలు):

ఆంధ్రప్రదేశ్–ఛత్తీస్‌గఢ్–ఒడిశా సరిహద్దు ఏజెన్సీ ప్రాంతం మరోసారి ఉదయం క్షణాల్లోనే యుద్ధభూమిగా మారింది. ఈరోజు ఉదయం 6 గంటల నుంచి 7 గంటల మధ్య మారేడుమిల్లీ పరిధిలో జరిగిన తీవ్ర ఎదురు కాల్పుల్లో మావోయిస్టుల అగ్రనేత, కేంద్ర కమిటీ సభ్యుడు మద్వి హిడ్మా సహా మొత్తం ఆరుగురు మావోయిస్టులు మృతిచెందారు.
ఈ ఎన్‌కౌంటర్‌ను ఆంధ్రప్రదేశ్ ఇంటెలిజెన్స్ చీఫ్ మహేష్ చంద్ర లడ్డా అధికారికంగా ధృవీకరించారు.

ఎన్‌కౌంటర్ వివరాలు

• మొదట ఏ ఓ బీ మావోయిస్టు టీమ్ – పోలీసుల మధ్య ఎదురు కాల్పులు జరిగినట్లు సమాచారం.
• అనంతరం పీپلز లిబరేషన్ గెరిల్లా ఆర్మీ (PLGA) బృందం కూడా కాల్పుల్లో పాల్గొన్నట్లు నిర్ధారణ.
• మృతి చెందిన వారిలో:
  • మద్వి హిడ్మా (కేంద్ర కమిటీ సభ్యుడు)
  • హిడ్మా భార్య రాజే (రాధ)
  • చెల్లూరి నారాయణ రావు (ముఖ్య నాయకుడు)
  • గడ్డం లక్ష్మణ్ (పౌర హక్కుల సంఘం అధ్యక్షుడు)
  • మరో ఇద్దరి వివరాలు తెలియాల్సి ఉంది.
• రెండు మహిళల్లో ఒకరు హిడ్మా భార్య కాగా, మరో మహిళా సభ్యురాలి గుర్తింపు కోసం ప్రయత్నాలు కొనసాగుతున్నాయి.
• 

హిడ్మా – నలుగురు రాష్ట్రాలను వణికించిన మావోయిస్టు కమాండర్

హిడ్మా పేరు చెప్పగానే పోలీసు విభాగాల్లో భయం. ఆయన నడిపిన భారీ దాడులు నాలుగు రాష్ట్రాలను సంవత్సరాలుగా కుదిపేశాయి.

ప్రధాన కేసులు

• 2007 – సుక్మా, ఉర్పల్మేట: సీఆర్పీఎఫ్ జవాన్లపై దాడి
• 2010 – తడ్మెట్ల మాస్‌కేర్: 76 మంది జవాన్లు మృతి
• 2013 – జీరామ్ ఘాటీ దాడి: కాంగ్రెస్ నేతల ఊచకోతలో కీలక పాత్ర
• 2017 – సుక్మా: 27 మంది సీఆర్పీఎఫ్ జవాన్ల హత్య
• 2021 – తరేమ్ అంబుష్: 23 మంది భద్రతా సిబ్బంది మృతి

మొత్తం 26 ప్రధాన నక్సలైట్ దాడుల్లో హిడ్మా కీలక నిందితుడు.

డీజీపీ హరీష్ కుమార్ గుప్తా వ్యాఖ్యలు

“హిడ్మా స్కెచ్ వేస్తే శత్రువులకు నూకలు చెల్లినట్టే…
ఈ ఎన్‌కౌంటర్ మావోయిస్టులకు తట్టుకోలేని దెబ్బ,” అని డీజీపీ పేర్కొన్నారు.

 అల్లూరి సీతారామరాజు జిల్లా మారేడుమిల్లి అటవీ ప్రాంతంలో జరిగిన ఎన్ కౌంటర్ లో ఆరుగురు మావోయిస్టులు మృతిచెందారని ఏపీ ఇంటెలిజెన్స్ ఏడీజీ మహేశ్చంద్ర లడ్డా తెలిపారు. మంగళవారం ఉదయం 6.30-7.00 గంటల మధ్య భద్రతా బలగాలు, మావోయిస్టుల మధ్య ఎదురుకాల్పులు జరిగాయని చెప్పారు. ఎన్ కౌంటర్ వివరాలను అల్లూరి సీతారామరాజు జిల్లా ఎస్పీ అమిత్ బర్దార్తో కలిసి ఆయన వెల్లడించారు. గత రెండు రోజులుగా ఇంటెలిజెన్స్ సమాచారంతో గాలింపు చర్యలను విస్తృతంగా చేపట్టామని మహేశ్చంద్ర లడ్డా తెలిపారు.

కూంబింగ్ ఆపరేషన్ కొనసాగుతోందని చెప్పారు. మావోయిస్టుల నుంచి వివిధ రకాలు ఆయుధాలను స్వాధీనం చేసుకున్నామని వెల్లడించారు.

మరోవైపు కృష్ణా జిల్లాతో పాటు విజయవాడ, కాకినాడలో మొత్తం 31 మంది మావోయిస్టులను పోలీసులు అరెస్ట్ చేసినట్లు ఏడీజీ మహేశ్ చంద్ర లడ్డా తెలిపారు. వీరిలో 9 మంది కేంద్ర కమిటీ సభ్యులు ఉన్నారని వివరించారు.

Latest News

M

విజయవాడలో ఉద్రిక్తత – మావోయిస్టుల కదలికలపై అలర్ట్

హిడ్మా నెట్‌వర్క్‌కు చెందిన 27 మంది మావోయిస్టులు విజయవాడ ఆటోనగర్‌లో ఒక భవనాన్ని షెల్టర్‌గా ఉపయోగిస్తున్నారని ఇంటెలిజెన్స్ నివేదికలు తెలిపాయి.

• భవనాన్ని ఆక్టోపస్ పోలీసులు చుట్టుముట్టారు
• భారీగా అయుధాలు డంప్ చేసిన ఆనవాళ్లు దొరికినట్లు సమాచారం
• వీరిలో కొందరు హిడ్మా క్లోజ్ ప్రొటెక్షన్ టీమ్ సభ్యులుగానే అనుమాnనం .

మారేడుమిల్లీ ఎన్‌కౌంటర్‌లో హిడ్మా సహా ఆరుగుర మావోయిస్టులు మృతి చెందడం మావోయిస్టుల ఉద్యమానికి భారీ ఎదురుదెబ్బగా భద్రతా వ్యవస్థ భావిస్తోంది. ప్రత్యేక దళాలు, గ్రేహౌండ్లు, కేంద్ర బలగాలతో కలిసి సరిహద్దు ప్రాంతాల్లో కాంబింగ్ ఆపరేషన్లు కొనసాగుతున్నాయి.