రాజేశ్ ను పోలీసులు చిత్రహింసలు  చేసి, చంపారు.?

సికింద్రాబాద్, నవంబర్ 17 (ప్రజామంటలు) :

సూర్యాపేట జిల్లా కోదాడకు చెందిన ఎస్సీ మాదిగ వర్గానికి చెందిన కర్ల రాజేష్‌ను నవంబర్ 4న పోలీసులు స్టేషన్‌కు తీసుకువెళ్లి 10వ తేదీ వరకు చిత్రహింసలు చేశారని కుటుంబ సభ్యులు ఆరోపిస్తున్నారు.సోమవారం ధర్మ స్టూడెంట్స్ యూనియన్ ఆధ్వర్యంలో గాంధీ ఆసుపత్రి ఆందోళన నిర్వహించారు.

ఈసందర్బంగా వారు మాట్లాడుతూ.. ఆరోగ్యం క్షీణించిన రాజేష్‌ను సమాచారం ఇవ్వకుండా రిమాండ్‌కు పంపించి, ఆ తర్వాత హుజూర్ నగర్, సూర్యాపేట ఆస్పత్రుల్లో చూపించి పరిస్థితి విషమించిన తర్వాతే కుటుంబాన్ని సంప్రదించారని  ఆర్అఓపెన్నంచారు.

 గాంధీ హాస్పిటల్‌కు తరలించగా నవంబర్ 16, తెల్లవారుజామున రాజేష్ మృతి చెందాడు.ఈ ఘటనపై ధర్మ స్టూడెంట్స్ యూనియన్ రాష్ట్ర కన్వీనర్ మరియు బీసీ, ఎసీ,ఎస్టీ, జేఏసీ సభ్యుడు మేడి కార్తీక్ మహారాజ్ సహా నాయకులు కుటుంబాన్ని పరామర్శించి, రాజేష్ మరణానికి ముఖ్యమంత్రి  రేవంత్ రెడ్డి, కోదాడ ఎమ్మెల్యే పద్మావతి రెడ్డి, జిల్లా మెజిస్ట్రేట్, సూర్యాపేట వైద్యులు మరియు విచారణ లేకుండా రిమాండ్ చేసిన మెజిస్ట్రేట్ బాధ్యత వహించాలని డిమాండ్ చేశారు.

రాజేష్ మరణానికి చిలుకూరు ఎస్సై సురేష్ రెడ్డి, సీఐ ప్రతాప్‌లింగం కారణమని, వీరిపై ఎస్సీ/ఎస్టీ అట్రాసిటీ మరియు హత్య కేసులు నమోదు చేసి విధుల నుండి తొలగించాలని డిమాండ్ చేశారు.

అదనంగా, బాధిత కుటుంబానికి రూ.1 కోటి పరిహారం ప్రకటించడంతో పాటు కుటుంబంలోని ఒకరికి ప్రభుత్వ ఉద్యోగం ఇవ్వాలని కోరారు.ఈ సందర్భంగా ధర్మా సమాజ్ పార్టీ ముషీరాబాద్ మండల అధ్యక్షుడు గూడపర్తి సంతోష్ కుమార్, డీఎస్యూ నాయకులు మధు, పవన్, ప్రేమ్ పాల్గొన్నారు
––