ఉచిత శిక్షణతో ఉపాధి అవకాశాలు పెంచుకోవాలి.  జగిత్యాల ఆర్డీవో మధుసూదన్ 

జగిత్యాల, మార్చి 2(. ప్రజా మంటలు)

వాల్మీకి ఆవాసం సేవా భారతి ద్వారా అందిస్తున్న ఉచిత శిక్షణ ను ఉపయోగించుకుని ఉపాధి అవకాశాలు మెరుగు పరుచుకోవాలని జగిత్యాల ఆర్డీవో మధుసూదన్ గౌడ్ అన్నారు. వాల్మీకి ఆవాసం ఆధ్వర్యంలో నిర్వహిస్తున్న ఉచిత కుట్టు శిక్షణ కేంద్రం, కంప్యూటర్ శిక్షణ కేంద్రం  లో శిక్షణ పూర్తి చేసుకున్న వారికి సోమవారం వాల్మీకి ఆవాసం లో నిర్వహించిన కార్యక్రమంలో సర్టిఫికెట్లను అందజేశారు.

ఈ సందర్భంగా ఆర్డీవో మధుసూదన్ గౌడ్ మాట్లాడుతూ సేవా భారతి ద్వారా నిర్వహిస్తున్న ఉచిత శిక్షణ నిరుద్యోగులకు ఎంతో ఉపయోగపడుతుందన్నారు. గత 33 సంవత్సరాలుగా నిరుపేద విద్యార్థులకు ఉచిత విద్యను అందించడమే కాకుండా యువతకు ఉపాధి అవకాశాలు మెరుగుపరిచేందుకు కంప్యూటర్, కుట్టు మిషన్, అగ్ని వీర్ తదితర కోర్సుల్లో ఉచిత శిక్షణను అందించడం అభినందనీయమన్నారు.

కార్యక్రమంలో పాల్గొన్న ఆర్ఎస్ఎస్ ప్రాంత సేవా ప్రముఖ శివశంకర్ మాట్లాడుతూ సేవా భారతి దేశవ్యాప్తంగా సుమారు రెండు లక్షల సేవా కార్యక్రమాలను నిర్వహిస్తుందన్నారు. సమాజానికి ఏది అవసరమో దానిని పూర్తి చేసేందుకు సేవా భారతి నిరంతరం కృషి చేస్తుందని తెలిపారు. దేశంలోని ప్రజలంతా తమ సోదరులే అనే భావనతో ప్రతి ఒక్కరూ సేవాభావాన్ని అలవర్చుకోవాలని సూచించారు. సమాజంలోని రుగ్మతలను రూపుమాపి శక్తివంతమైన సమాజ నిర్మాణం కోసం సేవా భారతి చేపడుతున్న కార్యక్రమాలకు ప్రతి ఒక్కరు సహకరించాలని కోరారు.

. 

ఈ కార్యక్రమంలో రామకృష్ణ విద్యాసంస్థల చైర్మన్ యాద రామకృష్ణ,వాల్మీకి ఆవాస అధ్యక్షులు జడిగే పురుషోత్తం, సేవా భారతి జిల్లా అధ్యక్షులు సుబ్రహ్మణ్యం, రాజ్ మనోహర్ రెడ్డి,ఆవాస కమిటీ సభ్యులు సంపూర్ణ చారి, మధుకర్,మల్లేశం, శ్రీనివాస్, కైలాసం, అశోక్ రావు, డాక్టర్ ధనుంజయ, బొమ్మర సత్యనారాయణ, మల్లేశం, చంద్రశేఖర్, కవిత, స్వప్న, స్రవంతి తదితరులు పాల్గొన్నారు.