3వ రోజు కొనసాగుతున్న శివ మహాపురాణం

జగిత్యాల జనవరి 22 (ప్రజా మంటలు)
 జిల్లా కేంద్రం గుట్ట రాజేశ్వర స్వామి దేవాలయం ఆవరణలో, భాగవత సప్తాహ ప్రవచన కర్త, అభినవ శుక, భాగవత భాస్కర, బిరుదాంకితులు బ్రహ్మశ్రీ బుర్రా భాస్కర శర్మ చే, శ్రీ శివ మహాపురాణ ప్రవచన జ్ఞాన యజ్ఞం గురు వారం 3 వ రోజుకు చేరింది. బ్రహ్మశ్రీ భాస్కర    శ ర్మ  శివ మహా పురాణంలోని, అనేక ఘట్టాలను, హృదయాలకు హత్తుకునే  విధంగా వివరిస్తున్నారు.

అన్ని దేవతలకు ఆలయాలు ఉన్నాయి కానీ బ్రహ్మదేవునికి మాత్రం శివుని శాపం వల్ల ఆలయాలకు పూజలకు నోచుకోలేదని, మాఘ మాసం యజ్ఞ స్వరూపం అని, మంగళకరమైనదని, ఒక్క సత్వ గుణమే ఉంటే సరిపోదని, తమో,రజో,గుణాలు కూడా, ఉండాలని, ఈ గుణాలను మంచిగా ఉపయోగిస్తే సద్గుణాలని చెడుకు ఉపయోగిస్తే దుర్గు నాలని, నారదుని లో ప్రవేశించిన గర్వం గురించి, శక్తి పీఠాలు 18 కాదని 54 అని, కామం క్రోధం లోబం, మోహం, మదం, మాత్సర్యం, గురించి ఎంతో చక్కగా వివరించారు.  కార్యక్రమం అనంతరం భక్తులందరికీ మహా అన్న ప్రసాదం అందించారు. అన్న ప్రసాద సేవలో సత్యసాయి సేవా సమితి కన్వీనర్,బట్టు రాజేందర్ ఆధ్వర్యంలో 4ం మంది సత్యసాయి సేవా సమితి సభ్యులు సేవలందించారు.800 మంది భక్తులు అన్న ప్రసాదం స్వీకరించారు. అన్న ప్రసాద దాతగా హైదరాబాద్ కు చెందిన గుంట లక్ష్మీనారాయణ దంపతులు పాల్గొన్నారు.

ఈనాటి కార్యక్రమంలో ఆలయ ప్రధాన అర్చకులు గుంటి జగదీశ్వర్, కార్యక్రమ నిర్వాహకులు నరేందు ల అమర్,ఊటురి భాస్కర్, ఊటూరి లక్ష్మీనరసింహారావు, ఊటూరి వేణుగోపాల్, కొత్తపెళ్లి శ్రీనివాస్, ఊటూరి శ్రీనివాస్, ఊటురి ప్రసాద్, ఊ టూరి మహేష్,  ఊ టూరి నాగభూషణం, ఊటూరి హరీష్, సామాజిక కార్యకర్త తవుటు రామచంద్రం, భక్తులు  పాల్గొన్నారు.