జగిత్యాల ,రాయికల్ మున్సిపాలిటీ పై బీజేపీ జెండా ఎగరవేయడమే మా లక్ష్యం  బిజెపి రాష్ట్ర కార్యవర్గ సభ్యురాలు డా బోగ శ్రావణి ప్రవీణ్

జగిత్యాల జనవరి 13 (ప్రజా మంటలు)
నియోజక వర్గంలోని జగిత్యాల, రాయికల్ రెండు మున్సిపాలిటీల్లో కాషాయ జెండా ఎగరవేయడమే లక్ష్యంగా బిజెపి పార్టీ పని చేస్తుందని బిజెపి రాష్ట్ర కార్యవర్గ సభ్యురాలు డా భోగ శ్రావణి ప్రవీణ్ అన్నారు

జగిత్యాల నియోజకవర్గం కార్యాలయము కమలా నిలయంలో మీడియా సమావేశంలో బిజెపి పార్టీ శ్రేణులతో కలిసి ఆమె మాట్లాడారు
మున్సిపల్ ఎన్నికలు పూర్తయ్యాక కన్వర్షన్ పాలిటిక్స్‌కు సంబంధించిన అసలు బాగోతం బయటపడుతుందని వ్యాఖ్యానించారు.

ఎమ్మెల్యే  ఏ పార్టీ బీ–ఫామ్ ఇవ్వబోతున్నారు?
ఏ పార్టీ అభ్యర్థుల తరపున ప్రచారం చేయబోతున్నారు?
ఈ విషయంలో ఎమ్మెల్యే స్పష్టత ఇవ్వాలని డిమాండ్ చేశారు.

ఎమ్మెల్యే ప్రజల నాయకుడు కాదని, తన కోసం పెట్టుబడి పెట్టే పెట్టుబడిదారుల నాయకుడిగా మారారని విమర్శించారు. 

గత 12 సంవత్సరాలుగా అధికారంలో ఉన్న పార్టీలతోనే కొనసాగిన ఎమ్మెల్యే, యావరు రోడ్డుల అంశాన్ని ఎందుకు నిర్లక్ష్యం చేశారని ప్రశ్నించారు.

యావరు రోడ్డు విషయంలో ఎమ్మెల్యే తన వైఖరిని (స్టాండ్) స్పష్టంగా ప్రకటించాలని డాక్టర్ బోగ శ్రావణి  డిమాండ్ చేశారు.

మున్సిపల్ ఓటర్ ముసాయిదాలో జరిగిన అవకతవకలపై ఎమ్మెల్యే ఫిర్యాదు చేయడం—దొంగనే వెళ్లి దొంగ దొంగ అని అరవడంలా ఉందని తీవ్ర వ్యాఖ్యలు చేశారు.

మున్సిపల్ ఓటర్ ముసాయిదా, వార్డుల విభజన, రిజర్వేషన్ ప్రక్రియను పూర్తిగా శాస్త్రీయంగా, రాజకీయాలకు తావు లేకుండా పూర్తి చేయాలని ఆమె డిమాండ్ చేశారు.

జగిత్యాలలో కొంత మంది నాయకులు అర్ధరాత్రి వేళ మున్సిపల్ కార్యాలయంలో కూర్చుని మార్పులు–చేర్పులు చేస్తున్నారనే సమాచారం తమ దృష్టికి వచ్చిందని తెలిపారు. ఈ అంశంపై జిల్లా కలెక్టర్ తక్షణమే చర్యలు తీసుకోవాలని కోరారు.

మున్సిపల్ ఎన్నికల్లో బిజెపి పార్టీ అభ్యర్థులను బలపరుస్తూ ఇంటింటి ప్రచారం నిర్వహించి, జగిత్యాల మున్సిపాలిటీలో కాషాయ జెండా ఎగరవేయే దిశగా పార్టీ శ్రేణులు సమష్టిగా పని చేస్తాయని డాక్టర్ బోగ శ్రావణి  స్పష్టం చేశారు.

ఈ కార్యక్రమంలో మున్సిపల్ మాజీ ఫ్లోర్ లీడర్ అనుమల్ల కృష్ణ హరి, ఆముదరాజు, సిరికొండ రాజన్న,ముద్దం రాము, మ్యాన మహేష్,పవన్ సింగ్, మేడిపల్లి పుష్ప రెడ్డి, చందా రాధా కిషన్, దూరిశెట్టి మమత,గడ్డల గడ్డల లక్ష్మి, సింగం పద్మ, మామిడాల కవిత, కడార్ల లావణ్య, చైన్నడి మధురిమ మరియు పట్టణ పదాధికారులు ముఖ్య నాయకులు పాల్గొన్నారు.