మెట్టుగూడలో కాంగ్రెస్ మహా  పాదయాత్ర  ; GHMC ఎన్నికల్లో గెలుపే లక్ష్యం

సికింద్రాబాద్, జనవరి 11 (ప్రజా మంటలు):

సికింద్రాబాద్ అసెంబ్లీ నియోజకవర్గంలోని మెట్టుగూడ డివిజన్‌లో ఆదివారం కాంగ్రెస్ పార్టీ ఆధ్వర్యంలో మహా పాదయాత్ర నిర్వహించారు. నియోజకవర్గ ఇంచార్జ్, కాంగ్రెస్ కంటెస్టెడ్ ఎమ్మెల్యే అదం సంతోష్ కుమార్ నాయకత్వంలో జరిగిన ఈ పాదయాత్ర GHMC ఎన్నికల్లో విజయం లక్ష్యంగా సాగింది.

పార్టీ శ్రేణుల్లో ఉత్సాహం నింపడం, ప్రభుత్వ పథకాలను ప్రజలకు చేరవేయడం, డివిజన్‌లో దీర్ఘకాలంగా పెండింగ్‌లో ఉన్న సమస్యలను పరిష్కరించాలనే సంకల్పంతో ఈ కార్యక్రమం నిర్వహించినట్లు ఆయన తెలిపారు. ఈ సందర్భంగా అదం సంతోష్ మాట్లాడుతూ కాంగ్రెస్ ప్రభుత్వ పథకాలు...నేరుగా ప్రజలకు అందుతున్నాయని, గత ప్రభుత్వం ఒక్క రేషన్ కార్డు కూడా ఇవ్వలేదని విమర్శించారు. స్థానికేతర ఎమ్మెల్యే ప్రజలను పట్టించుకోకపోవడం సిగ్గుచేటని అన్నారు.

ఈ పాదయాత్రకు మెట్టుగూడ మాజీ కార్పొరేటర్ స్వర్గీయ అడవయ్య  కుమారుడు రాజేందర్ యాదవ్ హాజరుకావడం విశేషంగా నిలిచింది. ఆయన పాల్గొనడంతో డివిజన్‌లో కాంగ్రెస్ పార్టీ బలం మరింత పెరిగిందని రాజకీయ వర్గాలు విశ్లేషిస్తున్నాయి. రానున్న GHMC ఎన్నికల్లో అన్ని డివిజన్లలో గెలుపే లక్ష్యంగా పక్కా ప్రణాళికతో ముందుకు సాగుతున్నట్లు అదం సంతోష్ కుమార్ తెలిపారు.

ఈ కార్యక్రమంలో శిల్పాచారి, రాజేందర్ యాదవ్, బెన్న, శ్రీను రెడ్డి, జయరాజ్, ఎలిజబెత్ రాణి, రవి, మాధవి, దిలీప్, దీపు, దీర్ సింగ్, పృథ్వీరాజ్, వెంకట్, రఘుపతి, రేఖ, సావిత్రి తదితరులు పాల్గొన్నారు.