అతనేప్పటికీ చేరగని ,సుదీర్ఘ జ్ఞాపకమే

యాది.... 

  *అతనేప్పటికీ చేరగని ,సుదీర్ఘ జ్ఞాపకమే. 

      - అల్లె రమేష్

    *మానేటి  మట్టి పరిమళం సుదీర్ఘ కవి, యేన్నం సత్యం ఇక లేరు

      సిరిసిల్ల మనసంతా పరుచుకున్న మానేరు మట్టి పరిమాలాల్లో ఎదిగొచ్చిన సాహిత్య కారులు అనేకమంది ప్రవాహంలా సాహిత్యలో సాగిపోతు తమదైన ప్రత్యేకముద్ర వేశారు. యేన్నం సత్యం బహుశా ప్రత్యేకంగా పరిచయం చేయాల్సిన అవసరం లేని సాహిత్య సృజన కారుడు.

తెలుగు సాహిత్యంలో సంప్రదాయ వాదాన్ని సవాలు చేస్తూ  దిక్కారమైన నిలబడిన విప్లవ,దిగంబర కవిత్వంతో మొదలై ఆత్మ గౌరవ, అస్తిత్వ కవిత్వ మూలాలు  సాహిత్యం లో పరుసుకుంటున్న కాలానికి సంబంధించిన కవి యెన్నం సత్యం.

తను సమాజంలో ఎదుర్కొంటున్న జీవిత అనుభవాల నుండి నిక్కచ్చిగా నిలబడి దర్జీ లా  దర్జాగా తన పని తాను చేసుకుపోయారు. యేన్నం సత్యం రాసింది తక్కువే అయినా అక్కర కొచ్చేది ఎక్కువే. సుదీర్ఘ కవిత ప్రక్రియలు ఆయన ప్రత్యేక ముద్ర లో 1996 లో రాసిన సుదీర్ఘ జ్ఞాపకంతో మొదలైన ఆయన కవిత్వం 1997 లో రాసిన శిలా ఘోష ఈ రెండు రచనలు మానవ సమాజ పరిణామక్రమాన్ని ఆయన అక్షరాల్లో మలచిన తీరు ప్రత్యేకమైంది.

సుధీర్ఘ కవిత్వ కొనసాగింపు లో బాగంగా 2004లో రాసిన బొంగరం సుదీర్ఘ కవిత సంకలనాన్ని తీసుకువచ్చారు.వీటితో  పాటు 2011లో రాసిన సూది నానిలు దాకా ఆయన రచనలు ప్రత్యేక మనే చెప్పాలి. సమాజం పట్ల నిక్కచ్చిగా నిలబడి రాసే కవులకు అవార్డులు సత్కారాలు కొలమానాలు కాబోవు. బహుశా సత్యం సార్ వీటన్నింటికీ కాస్త దూరంగానే ఉన్నట్లు కనిపిస్తుంది. సమాజంలో మానవీయత కోసం పరితపించిన వాడు.

చివరి రోజుల్లో ఆయన సంత్ కబీర్ దాస్ సాహిత్యాన్ని తెలుగులోకి తెచ్చేందుకు విస్తృతంగా ప్రయత్నించారు. సత్యం సార్ అనారోగ్యంతో బాధపడుతూ ఆదివారం సిరిసిల్లలో తుది శ్వాస వచ్చారని మిత్రుల ద్వారా తెలిసిన సమాచారం కలవరానికి గురిచేసింది.

ఎప్పటికప్పుడు సమాజంలో వస్తున్న మార్పులు , యాంత్రికంగా  మారిపోతున్న మనిషి జీవితం, విజ్ఞానాన్ని కమ్మేస్తున్న మూఢనమ్మకాలు ఇలా ఎన్నో ప్రాపంచిక విషయాలను మానేరు నది తీరంలో సత్యం సార్ విడమార్చి  చెప్పిన ఎన్నో సాయంకాలలు. మదిలో మెదులుతున్నవి.మనిషిని భౌతికంగా దూరం చేసిన ఎప్పటికి చెరిగిపోని సుదీర్ఘ జ్ఞాపకాలే. సత్యం సార్ కు విన్మరంగా నివాళులు...

అల్లే రమేష్ . సిరిసిల్ల.FB నుండి