శంషాబాద్ ఎయిర్‌పోర్టులో ఎయిర్ ఇండియా ఫ్లైట్ డ్రామా

ప్రయాణికులకు అర గంట వేచి ఉండమన్న ఎయిర్‌లైన్ – భద్రతా లోపాలపై ప్రశ్నలు

హైదరాబాద్  డిసెంబర్ 06 (ప్రజా మంటలు):

శంషాబాద్ రాజీవ్ గాంధీ అంతర్జాతీయ విమానాశ్రయంలో ఢిల్లీ–హైదరాబాద్ మధ్య నడిచే ఎయిర్ ఇండియా AI–2879 ఫ్లైట్ శుక్రవారం రాత్రి అనూహ్య పరిస్థితులను ఎదుర్కొంది. ల్యాండింగ్ పూర్తైన వెంటనే, విమానం చుట్టూ ఫైరింజన్లు, భద్రతా సిబ్బంది పరుగులు పెట్టడం అక్కడి ప్రయాణికుల్లో కంగారు రేపింది.

బాంబు బెదిరింపుతో శంషాబాద్ విమానాశ్రయంలో ఉత్కంఠ నెలకొని, భద్రతా చర్యలను అధికారులు మరింత కట్టుదిట్టం చేశారు.

అరగంటపాటు ఫ్లైట్‌లోనే బంధింపబడ్డ ప్రయాణికులు

ల్యాండ్ అయిన తర్వాత సాధారణంగా 10 నిమిషాల్లోనే ప్రయాణికులు దిగుతారు. కానీ ఈ ఫ్లైట్‌లో 30 నిమిషాలకుపైగా ఎవ్వరినీ బయటకు దిగనివ్వకుండా ఉంచింది.

ప్రయాణికులకు క్రూ ప్రకటించిన విషయాలు మరింత అనుమానాలు రేకెత్తించాయి:

“మీ లగేజ్‌ను ఎయిర్‌పోర్ట్ సిబ్బందికి హ్యాండోవర్ చేసిన తర్వాతే మీరు బయటకు వెళ్లాలి.”

ఈ ప్రకటన ఎయిర్‌లైన్స్ పనితీరుపై తీవ్రమైన ప్రశ్నలు తెస్తోంది.

ఎయిర్ ఇండియా వివరణ లేకపోవడం మరింత అనుమానాస్పదం

విమానానికి టెక్నికల్ ఇష్యూ వచ్చిందా?
ఫ్లైట్‌లో ఏదైనా భద్రతా అలర్ట్ నమోదైందా?
లేదా ఇది మామూలు ఆపరేషనల్ తప్పిదమా?

ఎలాంటి అధికారిక వివరణ కూడా వెంటనే రావడం లేదు. ప్రయాణికులు విమానం నుంచి బయటకు వచ్చిన తర్వాత కూడా ఈ విషయంలో ఎయిర్‌లైన్ నిశ్శబ్దంగా ఉండటం మరింత సిస్టమిక్ ఫెయిల్యూర్‌ను సూచిస్తోంది.

ఫ్లైట్‌లో పలు రాజకీయ నేతలు కూడా ఉన్నట్లు సమాచారం. వారిలో ఎమ్మెల్యే, ఎంపీ ఆర్. క్రిష్ణయ్య, బీహార్ హైకోర్టు రిటైర్డ్ జస్టిస్ నరసింహారెడ్డి ఉన్నట్లు ప్రచారం జరుగుతోంది. బాంబు బెదిరింపు నేపథ్యంలో విమానాన్ని ప్రత్యేక ప్రాంతానికి తరలించి అధికారులు విస్తృత స్థాయి తనిఖీలు చేపట్టారు. ప్రయాణికుల సామాను, విమానంలోని అన్ని విభాగాలను జాగ్రత్తగా చెక్ చేశారు. 

ప్రయాణికుల ఆగ్రహం–ప్రమాదం జరిగేంతవరకే స్పందనా?

ప్రయాణికుల నుంచి వచ్చిన ప్రధాన విమర్శలు:

• “మాకు ఏ సమాచారం ఇవ్వలేదు”
• “విమానంలో కంట్రోల్ లేకుండా మమ్మల్ని కూర్చో బెట్టారు”
• “ఎయిర్ ఇండియా సర్వీస్ రోజు రోజుకి దారుణంగా పడిపోతోంది”

ఇలాంటి సంఘటనలు ఇటీవల పెరుగుతున్నాయి. దేశంలోని పలు విమానాశ్రయాల్లో

• ఆలస్యాలు
• టెక్నికల్ ఇష్యూలు
• సాంకేతిక లోపాలపై స్పందన లేకపోవడం
  సాధారణమవుతున్నాయి.

భద్రతా నిబంధనలు కఠినంగా ఉన్నా, అమలు మాత్రం?

విమానాశ్రయ భద్రతా నిబంధనలు చాలా కఠినంగా ఉన్నా…
అవి ఎలా, ఎప్పుడు అమలు అవుతున్నాయో పూర్తిగా క్రూ నిర్ణయమే. ఈ ఘటనలో కూడా అదే కనిపించింది.

ఫ్లైట్ ల్యాండ్ అయ్యాక ఫైరింజన్లు ఎందుకు వచ్చాయి?
అరగంటలో సమస్య పరిష్కరించారంటే అది ఏ సమస్య?
ఎయిర్ ఇండియా దీనిని ఎందుకు దాచిపెడుతోంది?

ఇవి అన్నీ ప్రస్తుతం సమాధానం లేకుండా ఉన్నాయి.

ప్రజల ప్రాణాలు – ఎయిర్‌లైన్స్ బాధ్యత!

విమాన ప్రయాణం అత్యంత సురక్షితమైనదని ప్రతిసారి చెప్పుకుంటారు. కానీ

• నిర్లక్ష్యం,
• అప్రోఫెషనల్ హ్యాండ్లింగ్,
• ప్రయాణికులకు వివరాలు చెప్పకుండా మౌనం పాటించడం
  ఇలాంటి వ్యవహారాలు ప్రజల్లో అనుమానాలు పెంచుతున్నాయి.

ప్రయాణికులు స్పష్టంగా అంటున్నారు:
“ఇలాంటి సంఘటనలు దైవాధీనంగా నడిచే ఎయిర్ సర్వీస్‌లను గుర్తు చేస్తున్నాయి.”.