మౌని అమావాస్య ఘటనపై అభిముక్తానంద శంకరాచార్య నిరసన దీక్ష

ప్రయాగ్‌రాజ్ / ఉత్తరప్రదేశ్ జనవరి 20:

మౌని అమావాస్య (ఆదివారం, జనవరి 18), మాఘమేళ సందర్భంగా, తన పట్ల పోలీసులు వ్యవహరించిన తీరుకు నిరసనగా అభిముక్తానంద శంకరాచార్య ఈ రోజు నిరసన దీక్ష చేపట్టారు. పవిత్ర స్నానాలు, ధార్మిక కార్యక్రమాలకు సంబంధించిన సందర్భంలో పోలీసులు తనను అడ్డుకోవడం, అవమానకరంగా వ్యవహరించడం జరిగిందని ఆయన ఆరోపించారు.

జరిగిన సంఘటనపట్ల ముఖ్యమంత్రి ఆదినాథ్ యోగి క్షమాపణలు చెప్పాలని దీక్ష చేపట్టిన శంకరాచార్య, దేశవ్యాప్తంగా హిందువుల మనోభావాలు దెబ్బతిన్నాయని, ఇది తనకు జరిగిన అవమానం కాదని, ప్రభుత్వం వెంటనే క్షమాపణలు చెప్పాలని డిమాండ్ చేస్తున్నారు. 

అభిముక్తానంద శంకరాచార్య, మోదీపై, బీజేపీ చర్యలపై మొదటి నుండి వ్యతిరేకంగా ఉన్నారు. అందుకే తనను ఈరోజు చంపడానికి ప్రభుత్వ ప్రయత్నిస్తుందని ఆరోపిస్తున్నారు.

ఈ నేపథ్యంలో, ఆయన నిజంగా శంకరాచార్య అని నిరూపించుకోవాలని స్థానిక మేళా నిర్వహణ సంస్థ నోటీసులు ఇవ్వడం, వివాదం మరింత మూడరడానికి కరణ అవుతుంది. ఇదంతా ప్రభుత్వం కావాలనే ఆయనను అవమానపరుస్తుందని ఆయన శిష్యులు ఆరోపిస్తున్నారు.

ఈ ఘటన దేశవ్యాప్తంగా చర్చకు దారి తీసింది. ఒక వైపు చట్ట పరిరక్షణ పేరుతో పోలీసులు తీసుకున్న చర్యలు, మరోవైపు ధార్మిక స్వేచ్ఛ, వ్యక్తిగత గౌరవం అనే అంశాలు ముఖాముఖిగా నిలిచాయి.

ఏం జరిగింది?

మౌని అమావాస్య సందర్భంగా జరిగే ధార్మిక కార్యక్రమాల్లో పాల్గొనేందుకు శంకరాచార్యులు వెళ్లిన సమయంలో, పోలీసులు భద్రతా కారణాలు చూపుతూ ఆయనను అడ్డుకున్నారని సమాచారం. ఈ సందర్భంగా పోలీసుల తీరులో అ గౌరవాభావం కనిపించిందని ఆయన వర్గాలు పేర్కొంటున్నాయి.

దీన్ని ధార్మిక గురువుల పట్ల ప్రభుత్వ యంత్రాంగం చూపుతున్న అసహనానికి నిదర్శనంగా అభిముక్తానంద శంకరాచార్య పేర్కొన్నారు. ఈ నేపథ్యంలోనే నిరసన దీక్షకు దిగినట్లు తెలిపారు.

లోతైన విశ్లేషణ

ఈ సంఘటన కేవలం ఒక వ్యక్తికి సంబంధించినదిగా కాకుండా,

• రాష్ట్ర అధికార యంత్రాంగం – ధార్మిక సంస్థల మధ్య సంబంధాలు,
• భద్రతా చర్యల పేరుతో మౌలిక హక్కుల ఉల్లంఘన జరుగుతోందా?,
• పోలీసులకు ఉన్న అధికారాలకు స్పష్టమైన హద్దులు ఉన్నాయా?
  అనే ప్రశ్నలను తెరపైకి తెచ్చింది.

భద్రతా చర్యలు అవసరమే అయినప్పటికీ, గౌరవనీయమైన ఆధ్యాత్మిక నాయకుల విషయంలో సున్నితంగా, సమతుల్యంగా వ్యవహరించాల్సిన బాధ్యత పోలీసులపై ఉందని పలువురు అభిప్రాయపడుతున్నారు.

స్పందించని ప్రభుత్వం

ఇప్పటివరకు ఈ ఘటనపై ప్రభుత్వపరంగా స్పష్టమైన వివరణ రాకపోవడం విమర్శలకు దారి తీస్తోంది. శంకరాచార్యుల నిరసన దీక్షతో ఈ అంశం మరింత రాజకీయ, సామాజిక ప్రాధాన్యతను సంతరించుకుంది.

ఈ ఘటనపై సమగ్ర విచారణ జరిపి, బాధ్యులపై చర్యలు తీసుకోవాలని ఆధ్యాత్మిక, పౌర సంఘాలు డిమాండ్ చేస్తున్నాయి.