పోలింగ్ రోజున ప్రిసైడింగ్ అధికారుల పాత్ర కీలకం*   జిల్లా కలెక్టర్ బి. సత్య ప్రసాద్

*
కొడిమ్యాల డిసెంబర్ 8 (ప్రజా మంటలు)

గ్రామ పంచాయతీ ఎన్నికల నిర్వహణ లో భాగంగా

సోమవారం రోజున కొడిమ్యాల మండలం కేంద్రంలోని ప్రభుత్వ పాఠశాలలో ప్రిసైడింగ్ అధికారులకు జరుగుతున్న శిక్షణ కార్యక్రమాన్ని జిల్లా ఎన్నికల అధికారి, జిల్లా కలెక్టర్ బి. సత్య ప్రసాద్ పరిశీలించి పలు అంశాల మీద ప్రిసైడింగ్ అధికారులకు అవగాహన కల్పించారు. 

ఈ సందర్బంగా జిల్లా కలెక్టర్ మాట్లాడుతూ

గ్రామ పంచాయతీ ఎన్నికల విధులు చాలా కీలకమైనదని, ప్రతీ అంశం పైన క్షుణ్ణం గా అవగాహన కల్పించుకొని  విధులను నిర్వర్తించాలన్నారు. ఎన్నికల ముందు రోజు ఎన్నికల సామాగ్రి సేకరించడం, పూర్తి సామాగ్రి ఉందో లేదో ఎలా సరిచూసుకోవడం, ఓటర్ లిస్ట్, బ్యాలెట్ పేపర్స్ చెక్ చేసుకోవడం, బ్యాలెట్ బాక్స్ ఎలా సీల్ చేయాలి, ఛాలెంజ్ ఓటు, టెండర్ ఓటు, బ్యాలెట్ పేపర్స్ ఇవ్వడం, PO డైరీ నింపడం, అన్ని ఫార్మ్స్ ఎలా నింపాలి, ఏజెంట్స్ సిగ్నేచర్ ఎక్కడ తీసుకోవాలి, పోలింగ్ పూర్తి అయిన తర్వాత బ్యాలెట్ బ్యాక్ సీలింగ్, ఓట్స్ కౌంటింగ్, ఉప సర్పంచ్ ఎన్నిక నిర్వహణ, సర్పంచ్, ఉప సర్పంచ్ నియామక పత్రాలు ఇవ్వడం తదితర అంశాల మీద పూర్తి అవగాహన కలిగి ఉండాలన్నారు. ఎన్నికల విధులు నిర్వహించే అధికారులు వారికి ఏర్పాటు చేసిన చోటనే బస చేయాలని, అందుబాటులో ఉన్న బంధువుల ఇంటికి గాని, అభ్యర్థుల ఇంటికి గాని వెళ్లరాదని జిల్లా కలెక్టర్ తెలిపారు.

పోలింగ్ ముందు రోజు నుండి కౌంటింగ్ వరకు ప్రిసైడింగ్ అధికారుల కార్యాచరణ, విధులు, బాధ్యత లు తీసుకోవలిసిన జాగ్రత్త లను పవర్ పాయింట్ ప్రసెంటేషన్ ద్వారా మాస్టర్ ట్రైనర్స్ వివరించారు.

శిక్షణ జరుగుతున్న తీరును ప్రత్యక్షంగా పరిశీలించి ఎన్నికలు సజావుగా జరిగే విధంగా తగు సూచనలు చేశారు.

ఈ శిక్షణ కార్యక్రమంలో ఎమ్మార్వో కిరణ్ కుమార్, ఎంపీడీఓ స్వరూప మరియు తదితరులు పాల్గొన్నారు.