మహాభారత జ్ఞాన యజ్ఞం కార్యక్రమాన్ని జ్యోతి ప్రజ్వలన చేసి  ప్రారంభించిన ఎమ్మెల్యే డా సంజయ్ కుమార్

 జగిత్యాల డిసెంబర్ 7(ప్రజా మంటలు)
జిల్లా కేంద్రం కరీంనగర్ రోడ్ లోని రెడ్డి ఫంక్షన్ హాల్ లో నిర్వహిస్తున్న మహాభారత జ్ఞాన యజ్ఞము రెండవ రోజు ఎమ్మెల్యే సంజయ్ కుమార్ జ్యోతి ప్రజ్వలన చేసి ప్రారంభించారు. అట్టహాసంగా శనివారం ప్రారంభమైన మహాభారత                నవహాన్నిక ప్రవచన జ్ఞాన యజ్ఞం ఆదివారం రెండవ రోజుకు చేరింది.

విశ్వ కళ్యాణర్థం జరుగుతున్న ప్రవచన కార్యక్రమం శృంగేరి శారద పీఠం ఆస్థాన పండితులు, ప్రవచన నిధి, సనాతన ధర్మ సవ్యసాచి, డాక్టర్ బాచంపల్లి సంతోష్ కుమార్ శాస్త్రి,చే అత్యంత వైభవంగా సాగిపోతుంది. మహాభారతంలోని  పాత్రలు వివరిస్తూ వేద వ్యాసుడు రాసిన స్క్రిప్ట్, స్క్రీన్ ప్లే, డైరెక్షన్, ఏ డైరెక్టర్ కూడా చేయలేడని, నిజజీవితంలోని సంఘటనలే మహాభారత కథ అని, మహాభారతంలోని ప్రతి భూమిక మానవ జీవితానికి వర్తిస్తుందని అన్నారు.

మన వృక్షాలను కల్ప వృక్షాలుగా అభివర్ణిస్తూ దుర్యోధనుడు, అనే అధర్మ వృక్షానికి కాండం అనే కర్ణుడు, కొమ్మలు శకుని,పూలు పండ్లు  దుశ్శాసనాధులు  , ధర్మ మయమైన మరో వృక్షం యుధిష్ఠరుడని, కొమ్మలు భీముడని, అర్జునుడు కాండమని, పలపుష్పాలు నకుల సహదేవులుగా అభివర్ణిస్తూ హృదయాలకు హత్తుకునే విధంగా ప్రవచనాలు  సాగాయి. ప్రతి హిందువు హిందూ ధర్మాన్ని పాటించాలని హిందూ ధర్మ పరిరక్షణకు పూ నుకోవాలని, శాస్త్రి  పిలుపునిచ్చారు.

ఈనాటి కార్యక్రమంలో స్థానిక  శాసనసభ్యులు డాక్టర్ సంజయ్ కుమార్, ముఖ్యఅతిథిగా పాల్గొని జ్యోతి ప్రజ్వలన చేసి కార్యక్రమాన్ని ప్రారంభించారు. శాస్త్రి చే ప్రసాదం అందుకున్నారు, ప్రముఖ వైద్యులు భీమనాతిని శంకర్, కాల్వ వెంకట్రాజి రెడ్డి, ఈనాటి కార్యక్రమంలో పాల్గొన్నారు.  

చెట్ల చంద్రశేఖర్, శీల శ్రీనివాస్, మారకైలాసం, కోటగిరి శ్రవణ్ కుమార్, బోనగిరి రామనారాయణ, ముసి పట్ల దేవేందర్, సామాజిక కార్యకర్త      త వుటు రామచంద్రం, భక్తులు అధిక సంఖ్యలో పాల్గొన్నారు. కార్యక్రమానంతరం మహా అన్నప్రసాద వితరణ జరిగింది,75 మంది సత్యసాయి సేవాసమితి జగిత్యాల సభ్యులు, అన్నప్రసాద వితరణలో సేవ          లందిస్తున్నారు.