తెలంగాణ రైజింగ్ గ్లోబల్ సమ్మిట్‌కు కేంద్ర మంత్రి బండి సంజయ్‌ను ఆహ్వానించిన మంత్రి పొన్నం ప్రభాకర్

కరీంనగర్ డిసెంబర్ 06 (ప్రజా మంటలు):

తెలంగాణ రైజింగ్ గ్లోబల్ సమ్మిట్–2025 ఆహ్వాన పత్రికను కేంద్ర హోంమంత్రి బండి సంజయ్‌కు అందించిన అనంతరం మంత్రి పొన్నం ప్రభాకర్ మీడియాతో మాట్లాడుతూ కీలక వ్యాఖ్యలు చేశారు.
ఈ కార్యక్రమంలో వేములవాడ ఎమ్మెల్యే మరియు ప్రభుత్వ విప్ ఆది శ్రీనివాస్, చొప్పదండి ఎమ్మెల్యే మేడిపల్లి సత్యం, మానకొండూరు ఎమ్మెల్యే డాక్టర్ కవ్వంపల్లి సత్యనారాయణ, కరీంనగర్ జిల్లా కాంగ్రెస్ అధ్యక్షులు, కరీంనగర్ కార్పొరేషన్ కాంగ్రెస్ అధ్యక్షులు వైద్యుల అంజన్ కుమార్ తదితరులు పాల్గొన్నారు.

మంత్రి పొన్నం ప్రభాకర్ మాట్లాడుతూ,

తెలంగాణ రైజింగ్ గ్లోబల్ సమ్మిట్‌కు కేంద్ర మంత్రి బండి సంజయ్‌ను అధికారికంగా ఆహ్వానించాం.అభివృద్ధి విషయంలో రాజకీయాలకు అతీతంగా అన్ని పార్టీలు కలిసి పనిచేయాలి.రైజింగ్ 2040 విజన్ తో తెలంగాణను దేశంలో అత్యంత అభివృద్ధి చెందిన రాష్ట్రంగా నిలబెడతాం అన్నారు.

• పెట్టుబడులు, ఇండస్ట్రియల్ గ్రోత్‌ను ఈ సమ్మిట్ ద్వారా భారీగా ఆకర్షిస్తాం.
• గత పదేళ్లలో తెలంగాణ ఆర్థికంగా వెనుకబడింది, ఇప్పుడు పునరుద్ధరణ సమయం.
• తెలంగాణ అభివృద్ధికి కేంద్రం పెద్దపీట వేయాలి;
  ఆంధ్రప్రదేశ్‌కు ఇచ్చిన మాదిరిగా సమాన నిధులు తెలంగాణకు కూడా ఇవ్వాలి.

సాయి ఈశ్వర్ కుటుంబాన్ని ఆదుకుంటాం: పొన్నం

• సాయి ఈశ్వర్ మృతి చాలా దురదృష్టకరం.
• ఇలాంటి బలిదానాలకు ఎవరూ వెళ్లకూడదు.
• సాయి ఈశ్వర్ కుటుంబానికి ప్రభుత్వం పూర్తి సహాయం అందిస్తుందని అన్నారు.

కుల గణన – రిజర్వేషన్ పై స్పష్టమైన వైఖరి

• కుల గణనకు కాంగ్రెస్ పార్టీ కట్టుబడి ఉంది.
• 50% రిజర్వేషన్ పరిమితిపై సుప్రీంకోర్టు కృష్ణమూర్తి కేసును సవాల్ చేయడానికి సిద్ధం.
• బలహీన వర్గాల సోషల్ జస్టిస్ కోసం కాంగ్రెస్ పార్టీ చాంపియన్.
• ఎవరు ప్రేరేపించినా ప్రజలు బలిపశువులు కాకూడదు.

గ్రామపంచాయతీ ఎన్నికలపై స్పష్టీకరణ

• పరిస్థితుల దృష్ట్యా గ్రామపంచాయతీ ఎన్నికలకి వెళ్లడంతో తప్పని పరిస్థితే.
• ఎన్నికలు నిర్వహించడం ద్వారా రిజర్వేషన్లకు వ్యతిరేకంగా ఉన్నట్టు కాదు.
• కేంద్రంపై ఒత్తిడి పెంచి బీసీ రిజర్వేషన్ల పెంపు కోసం కలిసి పోరాడాలి.
• త్వరలో జరగనున్న చలో ఢిల్లీ కార్యక్రమంలో 50% కోటా పరిమితిని ఎత్తివేయాలని కేంద్రంపై భారీ ఒత్తిడి తీసుకువెళ్తాం.