శాంతి భద్రతల పరిరక్షణలో హోంగార్డ్ సేవలు వెలకట్టలేనివి జిల్లా ఎస్పీ అశోక్ కుమార్

జగిత్యాల డిసెంబర్ 6 (ప్రజా మంటలు)

శాంతి భద్రతల పరిరక్షణలో హోంగార్డ్ సేవలు వెలకట్టలేనివి అని జిల్లా ఎస్పి  అశోక్ కుమార్ అన్నారు. 

జిల్లాలో ఘనంగా హోంగార్డు వ్యవస్థాపక దినోత్సవం పరేడ్

63వ హోంగార్డు ఆవిర్భావ దినోత్సవం పురస్కరించుకొని జిల్లా పోలీస్ కార్యాలయం నందు హోంగార్డ్ ఆఫీసర్స్ పరేడ్ ను ఘనంగా నిర్వహించడం జరిగింది. ఈ కార్యక్రమానికి జిల్లా ఎస్పీ  అశోక్ కుమార్  ముఖ్యఅతిథిగా హాజరై గౌరవ వందనం స్వీకరించి హోంగార్డ్ ఆఫీసర్స్ నిర్వహించిన పరేడ్ న తిలకించారు. హోంగార్డు ఆఫీసర్స్ వ్యవస్థాపక దినోత్సవం సందర్భంగా ఎస్పీ  వారికి శుభాకాంక్షలు తెలిపారు.  

ఈ సందర్భంగా ఎస్పీ  మాట్లాడుతూ.. హోం గార్డ్స్ వ్యవస్థ  నేడు దేశవ్యాప్తంగా పోలీసు విభాగానికి ఒక బలమైన సహాయక శక్తిగా ఎదిగి, “నిస్వార్థ సేవ” అనే నినాదంతో ప్రజాసేవలో ముందుండి పనిచేస్తోందని అన్నారు.

*కళాబృందం లో హోం గార్డ్స్  సేవలు ప్రత్యేకం*

సైబర్ నేరాలు, మాదకద్రవ్యాల వినియోగం, రోడ్డు ప్రమాదాలు, మూడ నమ్మకాలు వంటి సామాజిక సమస్యలపై అవగాహన కల్పించడంలో కళాబృందం చేస్తున్న సేవలు ప్రశంసనీయమని చెప్పారు. అంతేకాకుండా, షీ టీమ్స్‌తో కలిసి పాఠశాలలు, కళాశాలల్లో బాలికల భద్రతపై అవగాహన కార్యక్రమాలు నిర్వహించడం గొప్ప విషయం అని అన్నారు.

*హోం గార్డుల సంక్షేమం:* హోం గార్డుల సంక్షేమం కోసం ప్రభుత్వం డ్యూటీ అలవెన్స్ రూ. 921 నుండి రూ. 1,000కు పెంపు,ట్రాఫిక్ డ్యూటీలకు 30% ప్యాల్యూషన్ హజార్డ్ అలవెన్స్ ,పరేడ్ అలవెన్స్ రూ. 100 నుండి రూ. 200కు పెంపు, సహజ మరియు ప్రమాద మరణాలకు రూ. 5 లక్షల ఎక్స్‌గ్రేషియా,జిల్లాలోని అన్ని హోం గార్డులకు వూలెన్ జాకెట్లు, రెయిన్‌కోట్లు పంపిణీ చేయడం జరిగింది.హోం గార్డుల గురించి   ప్రభుత్వ పరిశీలనలో ఉన్న ప్రతిపాదనలు,కొత్త హోం గార్డుల నియామకాలు,రాజీవ్ ఆరోగ్యశ్రీ మెడికల్ సదుపాయం విస్తరణ,2BHK గృహ యోజనలో అర్హులైన హోం గార్డులకు కేటాయింపు ,తాత్కాలిక వైద్య సదుపాయాలు – బ్యాంకుల సహకారం హెచ్‌డిఎఫ్‌సి, యాక్సిస్ బ్యాంకుల సహకారంతో హోం గార్డుల కోసం ప్రత్యేక వైద్య బీమా పథకం అమల్లోకి వచ్చిందన్నారు. 

హోంగార్డ్ వ్యవస్థాపక దినోత్సవం పురస్కరించుకొని నిర్వహించిన ఆటల పోటీల్లో విజేతలుగా నిలిచిన హోంగార్డ్స్ కు బహుమతుల ప్రధానం చేశారు. అనంతరం కళాబృందం ద్వారా ప్రజల్లో చైతన్యం కనుబరుస్తున్న కళాబృందం సభ్యులను ఘనంగా సన్మానించి బహుమతులు ప్రధాన చేశారు, అదేవిధంగా విధుల్లో  ఉత్తమ ప్రతిభ కనబరిచిన హోంగార్డ్స్ ఆఫీసర్స్ కు ప్రశంసా పత్రం అందజేశారు.

చివరిగా, హోం గార్డ్స్ సిబ్బంది కి  శుభాకాంక్షలు తెలియజేసి, ప్రజా భద్రత కోసం ఇదే సేవా భావంతో ముందుకు సాగాలని ఎస్పీ  కోరారు.

ఈ యొక్క కార్యక్రమం లో అదనపు ఎస్పీ శ్రీ శేషాద్రిని రెడ్డి ఐపిఎస్, రిజర్వ్ ఇన్స్పెక్టర్ లు కిరణ్ కుమార్ ,సైదులు, వేణు, మరియు రిజర్వ్ ఎస్. ఐ లు, హోమ్ గార్డ్ సిబ్బంది పాల్గొన్నారు.