మహిళల అభివృద్ధి ప్రభుత్వ లక్ష్యం_ మహిళలు అన్ని రంగాల్లో రాణించాలి రాష్ట్ర మంత్రి అడ్లూరి లక్ష్మణ్ కుమార్

పెగడపల్లి నవంబర్ 25 ( ప్రజా మంటలు)
మహిళలు అన్ని రంగాల్లో రాణించాలి_ మహిళల అభివృద్ధి ప్రభుత్వ లక్ష్యమని రాష్ట్ర మంత్రి అడ్లూరీ లక్ష్మణ్ కుమార్ అన్నారు.

పెగడపల్లి మండల కేంద్రంలో ధర్మపురి నియోజకవర్గ వడ్డీలేని ఋణాల పంపిణీ కార్యక్రమం ప్రారంభంతో పాటు, ఇందిరమ్మ ఇండ్ల ప్రొసీడింగ్స్, కళ్యాణ లక్ష్మీ చెక్కుల పంపిణీ కార్యక్రమంలో పాల్గొన్న రాష్ట్ర ఎస్సీ, ఎస్టీ వికలాంగుల, వయోవృద్దుల మరియు ట్రాన్స్ జెండర్ శాఖ మంత్రి అడ్లూరి లక్ష్మణ్ కుమార్, జిల్లా కలెక్టర్ బి. సత్యప్రసాద్ తో కలిసి పాల్గొన్నారు. 

ఈ సందర్భంగా సంక్షేమ శాఖ మంత్రి మాట్లాడుతూ

రాష్ట్ర ప్రభుత్వం 3.50 లక్షల మహిళా సంఘాలకు 304 కోట్ల రూపాయల వడ్డీ లేని ఋణాలు సోమవారం విడుదల చేయగా జగిత్యాల జిల్లాలో 2025-26 వ ఆర్థిక సంవత్సరంలో ఇప్పటి వరకు 11,825 స్వయం సహాయక సంఘాలకు రూ.10.69 కోట్లు వడ్డీ లేని ఋణాలు విడుదల అయ్యాయని తెలిపారు.

మహిళలు ఆర్థికంగా మరియు అన్నిరంగాల్లో అభివృద్ధి చేయాలని  ప్రభుత్వం కృత నిశ్చయంతో ఉన్నదని తెలిపారు. 
స్వర్గీయ శ్రీమతి ఇందిరా గాంధీ జయంతి సంధర్భంగా ఇందిరా మహిళా శక్తి చీరల పంపిణీ పథకం ప్రారంభించి  అందిస్తున్న చీరల రంగు, డిజైన్లు చాలా బాగున్నాయని మహిళలు తెలపడం చాలా ఆనందంగా ఉందన్నారు. 

రాష్ట్ర ప్రభుత్వం ఇందిరమ్మ ఇండ్లు నిర్మించుకున్న అర్హులైన లబ్ధిదారులకు వారికి నేరుగా 5 లక్షల రూపాయల ఆర్థిక సహాయం చేస్తుందని తెలిపారు. జిల్లాలో ఇప్పటివరకు 10853 ఇండ్లు మంజూరు అయ్యాయని కొంతమంది లబ్ధిదారులు ఇండ్ల నిర్మాణాలు పూర్తిచేసుకుని గృహ ప్రవేశ కార్యక్రమాలకు మమ్మల్ని ఆహ్వానించడం సంతోషంగా ఉందని తెలిపారు.   

ప్రజా పాలనలో దరఖాస్తు చేసుకున్న, ఆన్లైన్ లో దరఖాస్తు, నేరుగా నాకు గాని, జిల్లా కలెక్టర్ కు గానీ దరఖాస్తులు ఇచ్చినవారికి  అర్హులైన  వారిని ఎంపిక చేసి  రేషన్ కార్డులు ఇవ్వడం జరిగిందని తెలిపారు.   
అదేవిధంగా రేషన్ కార్డులో ఉన్న ప్రతి ఒక్కరికి 6 కిలోల సన్నబియ్యం అందిస్తున్నామని తెలిపారు.

గ్రామీణ ప్రాంతాలు అభివృద్ధి పథంలో నడవాలని, మహిళలు అన్నిరంగాల్లో రాణించాలని రాష్ట్ర ముఖ్యమంత్రి సంకల్పించారు అని తెలిపారు.
ప్రజా ప్రభుత్వం అనేక రకాల అభివృద్ధి, సంక్షేమ పథకాలు అనగా మహాలక్ష్మి పథకం, ఉచిత కరెంటు 200 యూనిట్ల వరకు, 500/- రూపాయలకు సిలిండర్, రేషన్ కార్డులు, 6 కిలోల సన్న బియ్యం వంటి అనేక కార్యక్రమాలు అమలు చేస్తున్నామని తెలిపారు.

మీ మద్దతుతో మా ప్రజా ప్రభుత్వం భవిష్యత్తులో మరిన్ని అభివృద్ధి, సంక్షేమ పథకాలను అందిస్తామని తెలిపారు.

ఈ కార్యక్రమం లో మహిళలు పెద్ద ఎత్తున పాల్గొన్నారు.

ఈ కార్యక్రమలో ఆర్డీవో మధుసుధన్ గౌడ్  , డీఆర్డీవో రఘువరన్ , ఎమ్మార్వో, ఎంపీడీవో , స్థానిక ప్రజా ప్రతినిధులు, సంబంధిత అధికారులు మరియు తదితరులు పాల్గొన్నారు.