కలెక్టర్‌ కు వినతిపత్రం అందజేసిన పట్టణ అభివృద్ధి ప్రజా సేవా సంఘం సభ్యులు

జగిత్యాల, నవంబర్ 03 (ప్రజా మంటలు):

జగిత్యాల పట్టణంలోని కొత్త బస్టాండ్‌ నుంచి పాత బస్టాండ్‌ వరకు ఉన్న యావరోడ్‌ విస్తరణ లేదా ఫ్లైఓవర్‌ బ్రిడ్జ్‌ నిర్మించాలంటూ జగిత్యాల పట్టణ అభివృద్ధి ప్రజా సేవా సంఘం తరఫున జిల్లా కలెక్టర్‌ గారికి వినతిపత్రం అందజేశారు.

సంఘం అధ్యక్షులు సూరజ్‌ శివశంకర్‌ ఆధ్వర్యంలో సభ్యులు కలిసి కలెక్టర్‌ను కలిసి పట్టణ రహదారి పరిస్థితులను వివరించారు. యావరోడ్‌ నిత్య రద్దీగా ఉండటంతో పలు వాహనాలు రాకపోకలు జరుగుతుండగా, తరచుగా ప్రమాదాలు సంభవిస్తున్నాయని, పలువురు గాయపడి మరణించిన ఘటనలు కూడా చోటుచేసుకున్నాయని వారు పేర్కొన్నారు.

ఈ రహదారి విస్తరణ లేదా ఫ్లైఓవర్‌ బ్రిడ్జ్‌ నిర్మాణం ద్వారా ప్రజలకు సురక్షిత రాకపోకలు సాధ్యమవుతాయని సభ్యులు కలెక్టర్‌కు విజ్ఞప్తి చేశారు. తక్షణ చర్యలు తీసుకోవాలని కోరారు.

ఈ కార్యక్రమంలో శ్రీనివాస్‌, చట్ట రాజేశ్వర్‌, వెంకటాద్రి, ఇరుగుల మల్లయ్య, ప్రభాకర్‌, రమేష్‌, అంజయ్య‌, నరేష్‌, పడాల శ్రీనివాస్‌, చిట్టి‌, సల్లూరి రాజు‌, చెట్టు రాజేశ్వర్‌, శ్రీకాంత్‌ తదితరులు పాల్గొన్నారు.