హైదరాబాద్, జూలై 3 (ప్రజా మంటలు):

తెలంగాణ మానవ హక్కుల కమిషన్ రెండు వేర్వేరు అంశాలపై స్వయంస్పూర్తితో (సుమోటో) కేసులు నమోదు చేసింది.
మొదటి కేసులో రాజన్న సిరిసిల్ల జిల్లా బొంగులకింద గ్రామంలో నాలుగేళ్ల చిన్నారిపై వీధికుక్క దాడి చేసి తీవ్రంగా గాయపరిచిన ఘటనను కమిషన్ పరిగణనలోకి తీసుకుంది. ఈ ఘటనపై సమగ్ర నివేదికను ఆగస్టు 3, 2026లోగా సమర్పించాలని జిల్లా కలెక్టర్‌ను ఆదేశించింది.
రెండో కేసులో తెలంగాణ వ్యాప్తంగా ప్రభుత్వ పాఠశాలల్లో తరగతి గదులు, మరుగుదొడ్లు తదితర మౌలిక సదుపాయాల కొరతపై వెలువడిన వార్తా కథనాన్ని సుమోటోగా స్వీకరించింది. ఈ అంశంపై సమగ్ర నివేదికను ఆగస్టు 3, 2026లోగా పాఠశాల విద్యాశాఖ ముఖ్య కార్యదర్శి సమర్పించాలని కమిషన్ ఆదేశించింది.