తమిళనాడులో మరో పెద్ద కలకలం: 

చెన్నై, అక్టోబర్ 30 (ప్రజా మంటలు):

తమిళనాడు రాజకీయ వాతావరణంలో మళ్లీ చర్చ రేపే అంశం వెలుగులోకి వచ్చింది. ది న్యూ ఇండియన్ ఎక్స్‌ప్రెస్ బుధవారం ప్రచురించిన ప్రత్యేక కథనంలో, రాష్ట్రంలోని మున్సిపల్ అడ్మినిస్ట్రేషన్ అండ్ వాటర్ సప్లై శాఖలో భారీ స్థాయి క్యాష్ ఫర్ జాబ్స్ (డబ్బులకి ఉద్యోగాలు) కుంభకోణం చోటుచేసుకున్నట్లు వివరించింది.

ఈడీ (ఎన్‌ఫోర్స్‌మెంట్ డైరెక్టరేట్) ఈ వ్యవహారంపై సుదీర్ఘ విచారణ అనంతరం, తమిళనాడు పోలీసులను అధికారిక దర్యాప్తు ప్రారంభించమని ఆదేశించింది.ఈడీ నివేదిక ప్రకారం, శాఖలో కొందరు అభ్యర్థులు ప్రభుత్వ ఉద్యోగాలు పొందేందుకు లక్షల రూపాయల లంచాలు చెల్లించారని, ఈ వ్యవహారంలో మంత్రి కె.ఎన్. నెహ్రూ మరియు ఆయన సన్నిహితుల పేర్లు ఉన్నట్లు వెల్లడించింది.

ఈ వివాదం ఎన్నికల సంవత్సరం మధ్యలో వెలుగులోకి రావడం వల్ల, ద్రావిడ రాజకీయాల్లో తీవ్ర చర్చనీయాంశంగా మారింది. ప్రతిపక్షాలు ప్రభుత్వం నైతికతపై ప్రశ్నలు లేవనెత్తుతున్నాయి.