జగిత్యాల, ఏప్రిల్ 05 (ప్రజా మంటలు):

జగిత్యాల పట్టణంలోని నిజామాబాద్ హైవేలో హ్యాంగౌట్ హోటల్ సమీపంలో వంతెన నిర్మాణ పనులు ఏప్రిల్ 6 నుండి ప్రారంభం కానున్నాయి. ఈ నేపథ్యంలో ట్రాఫిక్ సజావుగా కొనసాగేందుకు పోలీసులు మార్గ మళ్లింపులు అమలు చేస్తున్నారు.
ముఖ్య మార్పులు ఇలా ఉన్నాయి:
జగిత్యాల నుంచి నిజామాబాద్ వెళ్లే RTC బస్సులు, భారీ వాహనాలు బైపాస్ మార్గం ద్వారా వెళ్లాలి.
మూడు, నాలుగు చక్రాల వాహనాలు ఇస్లాంపురా – రాజేశుని గుట్ట మార్గాన్ని అనుసరించాలి.
కరీంనగర్, మంచిర్యాల్, ధర్మపురి, పెద్దపల్లి వైపు నుంచి వచ్చే వాహనాలకు బైపాస్ మార్గాలు సూచించారు.

నిజామాబాద్ నుంచి జగిత్యాల వచ్చే RTC బస్సులు ప్రత్యేక మార్గంలో మళ్లించబడ్డాయి. పట్టణంలో పని లేని వాహనాలు బైపాస్ రోడ్డునే ఉపయోగించాలి.
పోలీసుల సూచనలు పాటించి, ట్రాఫిక్ పోలీసులకు సహకరించాలని సూచించిన మార్గాలనే తప్పనిసరిగా అనుసరించాలని, ముందుగానే ప్రయాణ ప్రణాళిక చేసుకోవాలని పోలీసులు ఒక ప్రకటన లో కోరారు.

ఈ మార్పులు ప్రజల భద్రత కోసం, వంతెన పనులు త్వరగా పూర్తయ్యేందుకు చేపట్టినవని జగిత్యాల టౌన్ పోలీసులు తెలిపారు.