న్యూ ఢిల్లీ మార్చి 03 (ప్రజా మంటలు):

పశ్చిమ ఆసియా ఉద్రిక్తతల నేపథ్యంలో Air India దుబాయ్ నుంచి ఢిల్లీకి తొలి ప్రత్యేక విమానాన్ని నడిపింది. ఇందులో షేటిల్ బాడ్మెంటను క్రీడాకారిణి పీవీ సింధు తో పాటు ప్రముఖులు ఉన్నారు.

AI916D ఫ్లైట్ ద్వారా 149 మంది భారతీయులు సురక్షితంగా ఢిల్లీ Indira Gandhi International Airport టెర్మినల్-3కి ఉదయం 10.58 గంటలకు చేరుకున్నారు.
గత మూడు రోజులుగా వెస్ట్ ఏషియా ప్రాంతం నుంచి భారతీయ క్యారియర్ ద్వారా నడిచిన మొదటి ప్రయాణికుల విమానం ఇదే కావడం విశేషం. విమానంలో 8 మంది సిబ్బంది కూడా ఉన్నారు.
ఇక దుబాయ్‌లో చిక్కుకున్న 143 మంది పైలట్లు, కేబిన్ సిబ్బంది మరో ప్రత్యేక విమానం AI918D ద్వారా ఢిల్లీకి చేరుకున్నట్లు ఎయిర్ ఇండియా వెల్లడించింది.

విమానాల నిర్వహణకు భారత ప్రభుత్వం, డీజీసీఏ, దుబాయ్ ఎయిర్‌పోర్ట్ అధికారులు సహకరించినందుకు ఎయిర్ ఇండియా కృతజ్ఞతలు తెలిపింది. పరిస్థితులను పరిశీలిస్తూ అవసరమైతే మరిన్ని విమానాలు నడిపేందుకు సిద్ధంగా ఉన్నట్లు ప్రకటించింది.
దుబాయ్‌లో ఉండాల్సి రావడంతో ఖర్చులు పెరిగాయని, త్వరగా ఇతర భారతీయులను కూడా స్వదేశానికి తీసుకురావాలని ప్రయాణికులు కోరారు.