గొల్లపల్లి ఏప్రిల్ 05 (ప్రజా మంటలు): 

బుగ్గారం మండలానికి  చెందిన గ్రామ పంచాయతీ ట్రాక్టర్ డ్రైవర్ గా పనిచేస్తున్న  దూడ కిరణ్ ను కులం పేరుతో దూషణ  మరియు ముగ్గురు దాడి చేశారని ఫిర్యాదు చేసిన డ్రైవర్, రాజశేఖర్, అమర్నాథ్, రోహన్  ముగ్గురిపై కేసు నమోదు, రాజశేఖర్ కి సంబంధించిన ఫ్లెక్సీ దూడ కిరణ్ తీ తీసి వేశాడని  అనే కారణంతో రాజశేఖర్  మనసులో పెట్టుకొని అతని మిత్రులతో కలిసి దాడి చేశారని డ్రైవర్ తెలిపాడు 
ఈ సంఘటనపై భారతీయ న్యాయ సంహిత  సంబంధిత సెక్షన్లు
ఎస్సీ/ఎస్టీ చట్టం కింద కేసు నమోదు చేసి దర్యాప్తు చేపడుతున్నట్లు ఎస్సై తెలిపారు .  
ఇలాంటి కులదూషణలు, దాడులు, శాంతి భద్రతలకు భంగం కలిగించే వారిపై కఠినంగా చర్యలు ఉంటాయని ఎస్ఐ జి,సతీష్  తెలిపారు

ఇబ్రహీంపట్నం – ఫిబ్రవరి 09 (ప్రజా మంటలు):

అక్రమంగా ఇసుక తరలిస్తున్న లారీని పోలీసులు పట్టుకుని, లారీ ఓనర్ మరియు డ్రైవర్‌పై కేసు నమోదు చేశారు.

మల్లాపూర్ మండలం వేంపల్లి గ్రామానికి చెందిన భూక్య వంశీ (24) తన యజమాని ఇస్లావత్ శంకర్ ఆదేశాల మేరకు వేంపల్లి గ్రామ శివారులోని గోదావరి నది నుంచి ఇసుకను తీసుకొని, లారీ నంబర్ TS 06 UC 6588 ద్వారా ఎలాంటి అనుమతి పత్రాలు లేకుండా అక్రమంగా తరలిస్తున్నట్లు పోలీసులు గుర్తించారు.

సోమవారం ఉదయం ఇబ్రహీంపట్నం గ్రామంలోని ఇందిరా గాంధీ చౌరస్తా వద్ద లారీని పట్టుకున్నట్లు, గ్రామ జీపీఓ సుంకం తిరుపతి ఇచ్చిన ఫిర్యాదు మేరకు లారీ డ్రైవర్ భూక్య వంశీతో పాటు లారీ యజమాని ఇస్లావత్ శంకర్‌పై కేసు నమోదు చేశారు.

అనుమతి పత్రాలు లేకుండా ఇసుక అక్రమ రవాణా చేస్తే కఠిన చట్టపరమైన చర్యలు తీసుకుంటామని ఇబ్రహీంపట్నం ఎస్సై జి. నవీన్ కుమార్ హెచ్చరించారు.