జగిత్యాల, ఏప్రిల్ 07 (ప్రజా మంటలు):

జగిత్యాల పట్టణంలోని మున్సిపల్ కార్యాలయంలో అవినీతి ఆరోపణల నేపథ్యంలో ఏసీబీ (Anti-Corruption Bureau) అధికారులు ఆకస్మికంగా సోదాలు నిర్వహించారు. సుమారు 14 మంది అధికారులతో కూడిన బృందం కార్యాలయంలోని అన్ని విభాగాల్లో విస్తృత తనిఖీలు చేపట్టింది. ఇది రెండవసారి .

 సోదాల సందర్భంగా కార్యాలయ సిబ్బంది మొబైల్ ఫోన్లను అధికారులు స్వాధీనం చేసుకున్నారు. ముఖ్యంగా టౌన్ ప్లానింగ్ విభాగంపై వచ్చిన అవినీతి ఆరోపణలు దృష్ట్యా ఆ విభాగంపై ప్రత్యేకంగా పరిశీలన కొనసాగిస్తున్నారు.

గత కొంతకాలంగా మున్సిపల్ కార్యాలయంలో వివిధ సేవల విషయంలో అవినీతి జరుగుతోందన్న ఫిర్యాదులు అధికంగా రావడంతో ఏసీబీ ఈ దాడులు చేపట్టినట్లు సమాచారం.
 పత్రాలు, లావాదేవీల వివరాలు, ఫైళ్లను అధికారులు క్షుణ్ణంగా పరిశీలిస్తున్నారు. అవసరమైతే సంబంధిత అధికారులపై కేసులు నమోదు చేసే అవకాశముందని తెలుస్తోంది.
 సోదాలు కొనసాగుతున్న నేపథ్యంలో మరిన్ని వివరాలు వెల్లడయ్యే అవకాశం ఉంది.

రాయికల్, ఫిబ్రవరి 07 (ప్రజా మంటలు):

రాయికల్ పట్టణ మున్సిపల్ ఎన్నికల ప్రచారంలో భాగంగా 1, 5, 10, 11, 12 వార్డుల్లో బీఆర్‌ఎస్ అభ్యర్థులకు మద్దతుగా జిల్లా తొలి జడ్పీ చైర్‌పర్సన్ దావ వసంత సురేష్ ఇంటింటా ప్రచారం నిర్వహించారు.

ఈ సందర్భంగా ఆమె మాట్లాడుతూ, మోసపూరిత హామీలతో అధికారంలోకి వచ్చిన కాంగ్రెస్ ప్రభుత్వం రెండేళ్లు పూర్తయినా రాయికల్‌లో ఎలాంటి అభివృద్ధి చేయలేదని విమర్శించారు. ఇప్పటివరకు జరిగిన అభివృద్ధి అంతా కేసీఆర్ హయాంలోనే జరిగిందని, మళ్లీ కాంగ్రెస్‌కు ఓటేస్తే ప్రజలు మోసపోతారని అన్నారు. కారు గుర్తుకే ఓటేసి కాంగ్రెస్ ప్రభుత్వానికి తగిన బుద్ధి చెప్పాలని పిలుపునిచ్చారు. రాయికల్ పట్టణంలో తప్పకుండా గులాబీ జెండా ఎగురవేస్తామని ధీమా వ్యక్తం చేశారు.

ఈ కార్యక్రమంలో పలువురు బీఆర్‌ఎస్ నాయకులు, కార్యకర్తలు పాల్గొన్నారు.

జీవన్ రెడ్డి వర్గంలో తీవ్ర అసంతృప్తి – కార్యకర్తల ఆగ్రహం

జీవన్ రెడ్డి నిర్ణయం కొరకు ఎదిరి చూపు?

జగిత్యాల ఫిబ్రవరి 03 (ప్రజా మంటలు):

జగిత్యాల మున్సిపల్ ఎన్నికల్లో కాంగ్రెస్ పార్టీ టికెట్ల కేటాయింపు తీవ్ర వివాదానికి దారితీసింది. టికెట్ల పంపిణీలో అన్యాయం జరిగిందంటూ సీనియర్ నేత జీవన్ రెడ్డి వర్గం తీవ్ర అసంతృప్తిని వ్యక్తం చేస్తోంది. ఈ నేపథ్యంలో జీవన్ రెడ్డి నివాసం ముందు ఆశావహులు ఆగ్రహావేశాలతో నినాదాలు చేస్తూ ఆందోళనకు దిగారు.

సీట్ల పంపిణీపై చిచ్చు

మొత్తం 50 వార్డుల్లో

• ఎమ్మెల్యే సంజయ్ వర్గానికి 30 సీట్లు,
• సీనియర్ నేత జీవన్ రెడ్డి వర్గానికి కేవలం 20 సీట్లు మాత్రమే కేటాయించడంపై జీవన్ రెడ్డి వర్గీయులు మండిపడుతున్నారు.

అంతేకాక, జీవన్ రెడ్డి వర్గానికి కేటాయించిన 29 సీట్లలో మళ్లీ 5 సీట్లను ఎమ్మెల్యే వర్గానికి మార్చడం పరిస్థితిని మరింత ఉద్రిక్తం చేసింది.

“ఒరిజినల్ కాంగ్రెస్ కార్యకర్తలకు అన్యాయం”

సంవత్సరాలుగా పార్టీ కోసం పనిచేసిన, కండువా మోసిన ఒరిజినల్ కాంగ్రెస్ కార్యకర్తలకు బీ-ఫారమ్‌లు ఇవ్వకుండా, ఇటీవల పార్టీ మారిన వారికి టికెట్లు ఇచ్చారని కార్యకర్తలు ఆరోపించారు.
“ఎమ్మెల్యే సంజయ్ మా కడుపు కొట్టాడు” అంటూ ఆవేదన వ్యక్తం చేసిన వారు, అవసరమైతే ఆయన ఇంటిని ముట్టడిస్తామని హెచ్చరించారు.

పోలీసుల భారీ బందోబస్తు

టికెట్ల వివాదం నేపథ్యంలో ఎలాంటి అవాంఛనీయ ఘటనలు జరగకుండా ఎమ్మెల్యే సంజయ్ క్యాంపు కార్యాలయం, నివాసం వద్ద పోలీసులు భారీ బందోబస్తు ఏర్పాటు చేశారు.

మారిన అభ్యర్థుల జాబితా

కాంగ్రెస్ పార్టీ లిస్టులో మారిన అభ్యర్థులు ఇలా ఉన్నారు:

• 26వ వార్డు: వీరబత్తిని పద్మజ → గొల్లపల్లి మాధవి లత
• 27వ వార్డు: బింగి సుమ → జుంబర్తి గంగలక్ష్మి
• 29వ వార్డు: తోపారపు లావణ్య → ఆరుముల్ల తేజస్విని
• 35వ వార్డు: జీనత్ పర్వీన్ → అజార్ ఫాతిమా
• 39వ వార్డు: హనుమండ్ల జయశ్రీ → బొలుసాని శ్రీనివాస్

అధిష్టానం వైఖరిపై ప్రశ్నలు

ఈ పరిణామాలతో జీవన్ రెడ్డిని కాంగ్రెస్ అధిష్టానం పట్టించుకోవడం లేదన్న భావన ఆయన వర్గంలో బలంగా వ్యక్తమవుతోంది. వయసు మీదపడిన జీవన్ రెడ్డి పట్ల కొత్త కాంగ్రెస్ నాయకత్వం చూపుతున్న నిర్లక్ష్యాన్ని ఆయన ఎలా ఎదుర్కొంటారన్నది రాజకీయ వర్గాల్లో చర్చనీయాంశంగా మారింది.

కీలక నిర్ణయం రేపటికి?

జగిత్యాల మున్సిపాల్టీపై తన పట్టును నిలుపుకోవడానికి

• స్వతంత్ర లేదా పోటీ అభ్యర్థులను నిలబెడతారా?
• లేక మౌనంగా తప్పుకుంటారా?
• లేక మరో రాజకీయ ఎత్తు వేస్తారా?

అన్నది రేపటి వరకు తేలనుంది.

జగిత్యాల రూరల్ జనవరి 21 (ప్రజా మంటలు)

నూతన సాంకేతికత ను గ్రామాల్లో ఉపయోగించి దాతల సహకారంతో 2లక్షల రూపాయల విలువగల సి సి కెమెరాలు ఏర్పాటు అభినందనీయం.
 సిసి కెమెరాల ఏర్పాటు తో పాటు వారు నిర్వహణ చాలా ముఖ్యమని ఎమ్మెల్యే సంజయ్ కుమార్ అన్నారు.

నేరాల నియంత్రణ,గ్రామంలో కొత్త వ్యక్తుల రాకపోకలు చిత్రించి,అనుమానాస్పద వ్యక్తులను గుర్తించడానికి ఉపయోగ పడుతుంది.గ్రామంలో నూతన గ్రామపంచాయతీ,అంగన్వాడీ భవనానికి గతంలో భూమిపూజ చేయటం జరిగిందన్నారు.గ్రామ అభివ్రుద్ది కి నిధులు మంజూరు చేసి అభివ్రుద్ది కి తన వంతుగా కృషి చేస్తా అన్నారు.

ప్రతి గ్రామానికి మహిళ సంఘాల బలోపేతానికి ప్రభుత్వం ఇందిరమ్మ  భవనాలు మంజూరు చేయటం జరిగింది.సరైన స్థలం గుర్తించి,దాతల సహకారంతో సేకరించి నిర్మాణం చేపట్టాలని అందరికీ ఉపయోగంగా ఉంటుంది అన్నారు .

ఈ కార్యక్రమంలో సీనియర్ నాయకులు నక్కల రవీందర్ రెడ్డి,బాల ముకుందం, సర్పంచ్ ఉప సర్పంచ్ లు రెడ్డి రత్న,గుంటీ రవి,పోరండ్ల సర్పంచ్ ఉప సర్పంచ్ నక్క హరీష్,మల్లేశం గౌడ్,మాజీ ఉప సర్పంచ్ గంగారెడ్డి,నాయకులు పెద్దిరెడ్డి రవీందర్ రెడ్డి,కడ మహేష్,సత్యనారాయణ,కొండ శ్రీనివాస్, నారాయణ, తోట గంగరాజం,శశి కుమార్, భూమారెడ్డి, రవి, గంగాధర్, గ్రామ నాయకులు ప్రజలు తదితరులు పాల్గొన్నారు.

మెటుపల్లి, జనవరి 17 (ప్రజా మంటలు):

మెటుపల్లి మున్సిపాలిటీలో మొత్తం 26 వార్డులకు సంబంధించి ఎన్నికల రిజర్వేషన్లు ఖరారయ్యాయి. వర్గాల వారీగా వార్డుల విభజన ఈ విధంగా ఉంది.

జనరల్ (ఓపెన్) వార్డులు

మొత్తం : 5 వార్డులు

జనరల్ – మహిళ వార్డులు

మొత్తం : 8 వార్డులు

BC (బీసీ) జనరల్ వార్డులు

మొత్తం : 5 వార్డులు

BC – మహిళ వార్డులు

మొత్తం : 4 వార్డులు

SC (ఎస్సీ) వార్డులు SC జనరల్

🔹 SC మహిళ

మొత్తం SC వార్డులు : 3 (జనరల్ – 1 | మహిళ – 2)

ST (ఎస్టీ) వార్డు

మొత్తం : 1 వార్డు

మెటుపల్లి మున్సిపాలిటీ – వర్గాల వారీ సారాంశం

హైదరాబాద్ జనవరి 17 (ప్రజా మంటలు):

తెలంగాణ రాష్ట్రంలో త్వరలో జరగబోయే మున్సిపల్ ఎన్నికలలో చైర్మన్ పదవులు
BC, SC, మహిళ (Women), జనరల్ (Unreserved) — వర్గాల వారీగా విడివిడిగా జాబితాలు )

BC (బీసీ) కేటగిరీ – మున్సిపల్ చైర్మన్ రిజర్వేషన్లు

🔹 BC మహిళ

🔹 BC జనరల్

🔵 SC (ఎస్సీ) కేటగిరీ – మున్సిపల్ చైర్మన్ రిజర్వేషన్లు🔹 SC మహిళ

🔹 SC జనరల్

🟣 మహిళ (Women – జనరల్ కేటగిరీ)

(SC / ST / BC కాకుండా, ఓపెన్ మహిళలకు కేటాయించినవి)

జనరల్ (Unreserved / Open) కేటగిరీ

ఈ విభజనతో BC, SC, మహిళలు, జనరల్ వర్గాలకు మున్సిపల్ చైర్మన్ స్థాయిలో విస్తృత ప్రాతినిధ్యం లభించింది. రానున్న మున్సిపల్ ఎన్నికల్లో ఈ రిజర్వేషన్లు కీలక రాజకీయ ప్రభావం చూపనున్నాయి.